ليوم الحنة متع ميسون
-آلو ياروحي وينك بش تجي تهزني للحجامة
أحمد-هاني حبيبي في الثنية لحضات ونجيك
-باهي نستناك
جاأحمد هز البنات للحجامة ومهدي ملي تعارك هو و هشام ماعاودش رجع للحومة مش خاطر خايف أما يحب يفهم مشاعرو تجاه آمال ومشاعرها هي بالضبط
-آلو وينك مهدوش حضر روحك باعد بش تمشي معايا نروحو بالبنات مالحجامة ونمشو للحنة
-باهي صاحبي
كملو لبنات مالحجامة وبقاو يستنو في لولاد حصيلو جاو يفتقو يهبلو ميسون لبست قفطان مغربي أحمر ومكياج غامق يهبل جاها وآمال وملاك لبسو ساري بلو سيال الزوز كيف كيف ومكياج يهبل جاهم
وصل أحمد ودخل أول ماشاف ميسون داخ في زينهاا
-محلاك ياروحي تهبلل .باسها من جبينها وبقا يشم في ريحتها مهدي فهم الباقي هز لبنات وخرج مهدي مايبعدش على أحمد حتى هو داخ بزين آمال باربي على حالها
-محلاك أمولة
ملاك -وأنا ماتقليش محلاك خيت عليك مهدي
-ههههه عيشك مهدوش وإنت زادا محلاك
(مهدي لبس سروال في النوار و مريول بلون نص ومكبوس جاه يهبل وأحمد لابس دنڨري واتاه لعزا يهبل)
خرجو أحمد وميسون و مشو direction الحومة خاطر عاملين السهرية في البطحة بطلب من فتحي بابا ميسون
وصلو و الزغاريط ملت الحومة
-الشه الشه بناتي شنوا الزين هذا الكل مصلي عالنبي
-يعيشك تاتا سعاد
-يعيشك أمي(آمال و ميسون)
-وريريريريري مشاءلله على كنتي ياربي شنوا هالزين وريريري(صفية أم أحمد)
-يعيشك تا☺️
-بنيتي ديما نقلك نحيها هاذي تا عودي قوليلي أمي ميسالش سعاد ماه
-اي وه ياصفية راك في مقام أمها
مانحكيلكمش على البطحة كيفاه ولت ديكور يهبلل تقول في صالة مش بطحة بداو الناس يجو و سعاد و فتحي و صفية ومحسن(بو أحمد) يستقبلو فيهم ،بدات السهرية و هشام ولمجد وأصحابهم جو مهدي وهشام يشوفو لبعضهم من بعيد قريب يقتلو بعضهم جات غناية الصبابة ولاو باندية ناضو لولاد لكل يرقصو و حطو في وسطهم أحمد عملو جو آمال أول مرة تشوف مهدي يرقص بقات تضحك عليه و تصور فيه و هو يضحكلها من بعيد
-منجي منجي
-نعم ياجميلة
-شوف بربي شوف هاكا الطفل لي لابس سروال نوار
-شبيه
-ووه يافتحي نسيتو مش هاكا مهدي ولد سي أنور لي كنت تخدم عندو قبل
-اي يامرا والله هو كبر لوحيد قداه ليا ماريتوش
- حتى أنا توحشتو ميما قداه ليا ماريتوش ملي توفو أمو و بوه وليدي يسخف عاش مع عيلة عمو كان ماجاش عييب راني هزيتو عندي
جاو برشا غنايات و لولاد ولبنات الكل يرقصو و هما هكاكا لمجد تضرب في طفلة
-حل عينيك السخطة هذا ملا مجودر
-إنت لي داخلة فيا يا شسمك وحسن منطقك خيرلك مناظر
-أنا مناظر؟؟؟ برا قيلني الهم هذا
لمجد سرح في زينها أمانرفزاتو بكلامها كان ماجاش في عرس ميسون وخايف لا يفسدو راو سمعها لكلام
