أمي تنجم تجيني شوية
جميلة ستغربت شبيه ولدها لحقتو للكوجينة وسكر الباب
-بالله يامي شنوا هالي جايبتهولي عالصباح مزالتو تبعو فيهم هالتقاليد التافهة؟؟
-وليدي والله أنا خاطيني سعاد هي لي قالت تحب تتهنى على بنتها
-أمي شو ماللخر أنا وآمال تاعبين لبارح ماصارش لي جايين على خاطرو تصرف معناها تلفهم
-وووه ووه ياوليدي كفاه تاعبين و شنو بش نقلهم أنا النساء لا وليدي مانجمش برا تفاهم إنت ومرتك و شوفو حل
خرجت أمو وخلاتو يخمم في الكوجينة جات على بالو فكرة هز السكينة و طلع للبيت لفوق بحذا آمال
-وه هش.شش..شا.ااام شنوه هاذي
-ههههه شبيك خفت يابنتي مش بش نقتلك مزال بكري
-😐😐😐😐
-هههه باهي تو نفسرلك
شد السكينة و خبش يدو مالفوق لين خرج الدم و مسحو بالملحفة البيضا وهي تشوف فيه و مش حاملة قلبها وجعها💔
-باهي هذي تمشي تعمللها ضربة سيشوار تشيحها و تهبط بيها لوطة أنا خارج ماشي نخدم (يحكي معاها و هي مركزة فيه كفاه يحكي أما كل ماتثبت فيه تجي بش تغرق تتفكر هكا الليلة ترجع للوعيها مستحيل تسامحو على عملتو )
- ووو يابنيتي وينك الناس جايتك و إنت لتو راقدة
-صباح الخير سامحوني سلمت آمال على حماتها وأمها والنساء الكل و قعدت
-ويني بيتي البشارة هنيني
آمال مشت و مدتلهم الملحفة و هما فرحو و ناضو يزغرطو بالطبيعة كان أم هشام فيبالها بالحقيقة
نصف النهار مهدي تعدى لهيفاء بش يروح بيها كالعادة
-أيا هفهوف أطلع
-عسلامة
-شييك ليوم حاسك مش قد بعضك
-لا مابيني شي
-اااا أوكي (مهدي فايق بيها مش في جوها أما ماحبش يمرجها بالسؤالات
وصلها و روح دخل لبيتو بشا يعمل دوش دوش و خرج يلقا مساج وصل لتاليفونو "عسلامة مهدي" ماعرفوش النيمرو بعثلها مساج قالها "تعرفني؟؟" مع الوقت كلماتو ديراكت
-آلو شكون معايا
-أنا لين ههه
-شكون لين سامحني ماعرفتكش
-أنا صاحبة هيفاء وديجا سألتها عليك أما هي قتلي لإنت عندك شكون حبيت نثبت و كهو هههه
مهدي ستغرب و ماحبش يزعل هيفاء جاوبها- وي عندي شكون تضيع في وقتك راك وعلق عليها التاليفون
بقا مهدي يخمم علاه هيفاء قالت هكاكا بعتالي ضحك و بقا يحكي "زعما تطلعش هيفاء تحبني ههه زعما غايرة؟" حب يلعب عليها لعبة بش يتأكد
بعث مساج لأحمد "أهلا سي الز** غدوة مع 12.05 أبعثلي مساج و قلي هي وينك مهدي "
سألو أحمد علاش أما قالو تو نحكيلك كي نتقابلو
