روح مهدي شافو أحمد هكاكا تصدم خاطر يعرفو مش متع مشاكل حكالو لحكاية الكل و داوالو الضربات لي في وجهو سخفو صاحبو خاطر يحب آمال و يحب يستعرفلها أما هما زوز يعرفو لي آمال حاسباتو صاحبها عادي كيف خوها
**********
-هكاكا تعمل للطفل ياخي نرمال هشام شبي ر**
- فك دي* ر* والديا لمجد
-ملا حالة فيك
-غدوة نحبك تمشي معايا نحومو على دار ولا قول قصر لازمو كبير
-لشكون
-لجدي لي في قبرو تتبهلل لمجد ليا أنا لشكون وزيد نمشو نشوفو كرهبة باهية
-وعلاه الزربة هاذي الكل بش تعرس ياخي
-اي وأول حاجة بش نعملها نشري ليعزروني بيه( يقصد على أم آمال كي رفضاتو على خاطر ماعندوش خدمة و دار وكرهبة)
تعداو ليامات لف لف هشام حول خدمتو لتونس وشرا كرهبة وقصر بعيد على الحومة ومهدي وأحمد لاهيين في قضيات العرس
والبنات كيف كيف خايضين
اليوم حمام ميسون الزغاريط مالية الدار لبست ميسون سفساري و ملاك وآمال لبسو جبايب ميني جاو يفتقو وقفُفْ و فازاة و نساء الحومة الكل جملو رواحهم و ماشين زادا يغنو و يدربكو و عاملين جو حتى أم ملاك مشت معاهم عملو جو وكملو الحمام وروحو عملو سهرية نساء صافي
خديجة( أم لمجد) - الشه يابنيتي محلاك مشاءالله عليك
ملاك- عيشك تاتا❤️
-مالا إنت صاحبة لبنات
-اي
سعاد -ياخديجة سيب الطفلة ههههه ياخي لازم تخطب لولد كان من صاحبات بناتي
-ههه وخيتي الطفلة مشاءالله عليها عيني ماتضرها ربي يخليهالك فضيلة(أم ملاك صحيح ماتعرفهمش ومش مالحومة أما ولات صحاب هي وياهم عجبها جوهم)
-عيشك ياخديجة ربي يخليلك لعندك إنتي زادة
جميلة زادة كانت كيف خديجة تشوف لآمال وتصلي عالنبي تمناتها لو كانت تحب ولدها كيما هو حبها
