كملو لبنات قضو قضيتهم و أحمد روح بميسون و آمال وملاك روح بيهم مهدي
وصل مهدي قدام دار آمال
-أدخل مهدي تبقاش لبرا
-لا آمولة نحبش نقلقكم
-ياولدي مافماحتى قلق أصلا بابا تعرفو يحبك و يحب ديما يلعب معاك الكارطة هههه
-هههه باهي هاني داخل
-عسلامة ياجماعة
فتحي- يامرحبا بولدي وينك لباس
-الحمدلله عمي وينك إنت
-الحمدلله وليدي هاني
سعاد-عسلامة مهدي أيا أقعد خليني نحط لفطور
حطت سعاد الفطور
مهدي- يعطيك الصحة ياسعاد والله كسكسي بنين ليا برشا عليه من أيامات المرحومة
-الله يرحمها ياوليدي وإنت ماليوم فطورك بحذانا
آمال فرحت خاطر أمها ولت باهية وتتعامل مع صحابها بالباهي
كملو فطرو آمال وأمها لمو الطاولة و فتحي ومهدي لعبو كارطة
روحت ميسون لقات مهدي غاديكا سلمت عليه وطلعت ترقد تعبت مالقضية
الدنيا بدت تظلم مهدي إستأذن مالجماعة وروح و هو في ثنيتو للكرهبة يعرضو واحد يشد يكفخو مهدي يضرب ولاخر يضرب كلاو بعضهم لين جالمجد حز بيناتهم (نتصوركم عرفتوه لي ضربو)
-والله مازلت نشوفك مع آمال مانقتلك ياط***
-نرمال إنت شكونك و لباس ماهو شيهمك في ز** مع شكون نخرج و منين تعرفها آمال اااا ولا تطلعش إنتي هاكا الهايشة هشام لي مفددها ويجري وراها حتى إيطاليا ماخلاتكش تريض
-لمجد سيب ز** خليني ني* والديه بطريحة هالطح**
لمجد لمهدي -برا روح عيش خويا برا وسامحنا بربي
هشام -اي اي بربي سامحنا، نرمال لمجد تتطلب منو في السماح الهامل!!!!!
