آلو أهلا ملاك وينك
-هاني أمولة وينك إنتي شعاملة
-واللهي قالقة ملي عرست ميسون ومشت لإسبانيا لقيت روحي وحدي شقولك كان تجي بحذايا مباعد
-اي نجي عزيزتي مالا لا شبيك راني أختك
ملاك فرحت خاطر بش تشوف لمجد قداه ليها مالعرس ماشافاتوش توحشاتو
حضرت ملاك روحها زينت هزت أمها ومشاو بحذا آمال
-يامرحبا يامرحبا ببنتي لباس عليك
-لباس تاتا يعيشك هاني جبتلك شكون يونسك هههه
-عسلامة فضيلة وينك توحشتك والله خليت بلاصتك
-لايوريك مايوحشك ياسعاد أختي حتى أنا توحشتك
-كملو طيرو وحشكم أنا هاني لفوق بحذا آمال ههههه
-أموولةة ياحبي♥️♥️
-أهلا عزيزتي ياوخيتي دار ضوت بجيتك هههه♥️
-حتى إنت ديما في الدار كوبي اللطف
-بالله شنو بش نعمل كان نخرج يا نشوف هشام يا نشوف مهدي
-علاه شبيهم؟ شبيه مهدي عملك حاجة
-اي حسيتو تبدل معايا ماعادش كيف قبل كنا كل يوم نحكيو و يجيني نخرجو تو ماعادش يهمو حتى كان ماحكيناش توحشتو والله
-آمال إنت تحب مهدي؟
-لا ملاك أما تعودت بيه كيف خويا والله
-شو أنا مهدي حلفني بش مانقولش أما تو نحكيلك مهدي كان يحبك يموت عليك وهو ماكانش حاسبك كيف أختو ماحبش يقلك خاطر عرف لي مشاعرك ليه ماهيش متع حب ياخي أيس مسكين ولا جبد روحو بش لا إنت تتقلق في ها رولاسيون لا هو
آمال بقات مصدومة من كلام ملاك معناها مهدي حبها مسكين سخفها بالحق فازة خايبة (سخفها مهدي أما هشام مسكين لي يجري وراها طول حياتو ماسخفهاش)
-ماقتلي خير ياملاك مخيبني كيفاه مافقتش
-تي كهو توا لي صار صار ومهدي والله ماتبدلو هيفاء وليت ديما نشوف فيه فرحان ملي عرفها
-اي نشاءالله وينك إنت ولمجد
-بربي أناهو لمجد لي مالعرس ماريتوش أصلا مانتصورش عجبتو كان هكا راهو حاول بش يهز نمرويا
-يابنتي ولادنا لنا في الحومة مش متع الشي هذا ههههه هاو مثال هشام من صغرتو يجري ورايا ولتو لا حكى معايا في التاليفون هههه
-أسمع ياطفلة بصاراحة هشام بوقوس يهبل وزيد لباس عليه و يحبك علاه فرصة كيف هكا جاتك و رفضتها
- تنجم تاخذ إنسان ماتحبوش ؟
-حتى تو ماحبيتوش
-لا حسيت بحاجة غريبة تجاهو أما لتو لا فهمتها تي فكك مني هي نخرجو نعملو دورة فماش ماتشوف لمجودة هههه
حدفت عليها لمخدة -تي يزي بلا بلادة
خرجو لبنات و هما يمشيو لقو لي خرجو علا خاطرهم( هشام و لمجد )
لمجد بقا يشوف في ملاك توحشها برشا ومش منجم يحكي معاها خايف لا ترفضو أما هشام حتى هو عينو ماهبطتش و هو يشوف في آمال قداه يحبها هالطفلة
-عسلامة ملاك مرحبا بيك
-عيشك بوص وبيك
-هههه شنو حتى إنت وليت تقلي بوص
-ماني وليت مالحومة هههه عسلامة لمجد
-أهلا ملاك cv
-الحمدلله
هشام تو ركز فلي لبساتو آمال هزها وحطها وتنطر شدها من يدها و بعدها شوي (آمال لابسة روب ميني فوق الركبة ومحزوقة)
-شنوا ر** لي لبساتوو عاد مش كان خرجت عريانة خييرر؟؟؟
-س..س..سيبنني هشام وجعتني
عيونها دمعو و بدات تبكي شافها هشام هكاكا قلبو وجعو عليها سيبها وتمنى يعنقها ويبوسها ويقلها سامحني أما ماينجمش
-أسمعني مادخلكش فيا شنوا نلبس و ماعادش تشدني أكاكا و مذابيك ماعادش توريني وجهك وهاذي هي لبستي مش بش نبدلها على خاطرك تصدقش روحك (تحكي و هيا تبكي و هازة صبعها قدام وجهو تنبه فيه) هشام وجعو كلامها برششا مصدووم منين جتها الجرأة هاذي الكل زعما لي واقفة قدامو آمال ولا هو يستخايل هزت آمال صاحبتها ومشو
-شبيك صاحبي اووو
-لمجد هذيكا آمال ماه
-تو تتبهلل هشام
