رقصوا وتفرهدو و شاخو و لعبو .كملت السهرية وكل واحد روح لدارو بقاو كان آمال وملاك وميسون ومهدي قامو عاد البنات بش يروحو ياخي تكلم مهدي
-ستناو لبنات تو نوصلكم
-لاعيشك مهدوش تو ناخذو تكسي(ميسون)
-شنوا يافرخة صايي طيحت لقدر ههههه
- ميسون يزي (آمال)
-هيا يزيو قالو تاكسي دنيا ليل و مع مهدي نتهنا عليكم(ملاك)
-باهي(آمال)
وصلهم مهدي لأول الحومة بش مايشوفهمش حد معاه ويكثرو الكلامات وهما يمشيو أكاكا ويخرجلهم مالضلام هشام شد آمال من يدها وبدا يعيط بشوي بش مايسمعو حد
- ياخي ر** طرطوررر أناااا؟؟ شكون الط*** لي روح بيكم تكلممممم نحكيي معااك
-سيبيبيها ياسخططةة الهمم هذا شمدخلك إنتتتت راجلهاا ولا خووهااا ملا حااللةة ماتفهمش أختيي ماتحبكشش
- أسكت ميسون أسكت لانشدك إنت تووووو أسكت خيرلكك
آمال بقات تبكي وتتفرج في أختها كفاه تعارك في هشام طول عمرها ضعيفة ماتنجمش تحكي و تدافع علا روحها سيبها هشام ومشى يتهدد حاف مايشدو لي روح بيهم و يعرفو شكون ياويلو كان يطلع عينو على آمال
**********
باهي نعرفكم على هشام 29 سنة يعيطولو البوس في الحومة بدن و قوي ومزيان أسمر ولحيتو و الضربة لي في حاجبو زايدين فيه الشطر جهاامة كان يشد واحد مايفشخو يخافو منو حومة كاملة باهي هشام من صغرتو يحب آمال و هي ماتحبوش تقدملها مرة ياخي أمها رفضاتو قال شنو ماعندوش لا دار لا خدمة لاكرهبة آمال فرحت أول مرة أمها تعمل حاجة تصلح
روحت آمال المسكينة ودوب ماحطت راسها على المخدة بقات تبكي كيما كل ليلة لا أم حنينة عليها وتحكيلها همها ولا راجل واقف معاها و مساندها هي هكاكا تخمم لين نوقز تاليفونها لقات نيمرو غريب ماهزتش جاها مساج "أنا مهدي هز ماتخافش"
عاود طلبها وهزت عليه وهي مستغربة
-وي عسلامة مهدي لباس!!
-اي لباس وينك إنت وصلت cv
-اي الحمدلله قلي عيشك منين جبت نيمرويا
-هههههه شبيك راني مهدي بن سالم وماندراك
-هههه ياسر متواضع سي مهدي
- هههه ماقلقتكش ماو
-لا لا مافما حتى قلق أما سامحني بش نرقد عندي cours غدوة
مهدي حس روحو تنبز و ماحبش يقلقها أكثر عندها حق
-اا أوكي أيا bn8 و كان ستحقيتني نهار هاو نيمرويا تعرفو
-باهي عيشك أيا ليلتك زينة
علقت آمال و كانت حايرة شيحب هو صحيح مهدي عجبها أما ماهمش نفس المستوى مستحيل يحبها just يعدي بيها الوقيت هذاكا علاش لازمها تبعد
نمشو لمهدي لي كان واقف في البلكون يتكيف سيڨارو و را خوه قاعد يخمم شنو بش يعمل بش يجذب إنتباه آمال.
كلم صاحبو أحمد - آلو وينك عندك ماتعمل
-شبي عزاك إنت ماترقدش
-شيهمك فيا ياز** هيا تعال نتقابلو في البار
-باهي باهي تعيطش درجين و نكون غادي
هز مفاتحو و خرج direction بار أحمد هو الإنسان الوحيد لي ينجم يفرغلو قلبو
