وفات السهرية والجماعة صورو وعملو جو حتى من هشام فرح كي شاف آمال وشاف زينها الناس الكل فاقت بيه كيفاه يغزلها وهي زادا أول مرة تشوفو كيفاه يغزرلها وتثبت فيه حست في غزرتو حاجة غريبة و بقت تسأل في روحها زعما بالحق يحبها ولا just خاطرها مزيانة ومالصغرة يشوف فيها
جميلة كي وفات السهرية مشت تجري لمهدي قبل مايروح
-عسلامة وليدي
-عسلامة أختي تفضل
-كبرت ياوليدي الشه محلا زينك
مهدي بقا يثبت وجها يفكرو بشكون
-سامحني تعرفني؟
-أنا جميلة لي رباتك في صغرك وهذا بوك منجي نسيتو
منجي جا ومهدي شافو تذكرو عينيه تعباو بالدموع وعنق جميلة
-والله حسيت لي إنتي هي إنتي هي أمي جميلة والله توحشتك ياغالية
جميلة متحضناتو وهي تبكي -حتى أناتوحشتك ياميما راك في مقام ولدي
مشى عنق بوه المجي زادا وطير منهم وحشة في هك اللحظة يجي هشام من تالي ويقلها هيا أمي نروحو تلفت مهدي وشافو تصدمو الزوز
مهدي -أمك؟
-اي أمي لباس مه؟ شتعمل هوني أنتي
جميلة -ياخي تعرفو بعضكم
مهدي- أيا ليلتك زينة أمي تو نجي غدوة نطل عليك وإنت زادا بابا ليلتك زينة
جميلة وفتحي -بسلامة وليدي
هشام مصدوم شبيه هالطح** يقول لأمو وبوه أمي وبابا
سأل أمو وحكاتلو الحكاية الكل وهو لتو مش مستوعب معناها مهدي prsq كيف خوه
ليلة كاملة مهدي وهشام يرحو في الدخان ويخممو الزوز في الموقف لي تحطو فيه
************
-غدوة ليلتك ياروحي
-تي يزي أحمد أنا من ربي خايفة
-ماتخافش ميسونتي نحبك راني مش بش نضرك بالطبيعة
-باهي هي خليني نرقد غدوة يستنا فيا نهار طويل
-bn8 حبيبي❤️
