من غدوة فاقت آمال و كلمت مهدي
-صباح الخير مهدي
-صباح النور أمولة هالخطا السعيد
-مهدي حاجتي بيك أكيد نجمو نتلاقاو في بلاصة العادة
-أوكي نشاءالله خير مسافة الطريق وتلقاني غادي
قام مهدي لبس و خرج وهو حاير آمال مش من عوايدها تكلمو الصباح
وصلت آمال بحذا البحر و لقات مهدي غاديكا سلمو على بعضهم وقعدو مهدي بقا يمرج في آمال بش تحكيلو شصار ياخي حكتلو وهي تبكي لي صار بيناتها هي و هشام مهدي تنرفز و ضرب إيدو على الحجرة كفاه واحد يعمل لطفلة يحبها هكا ومن شيرة أخرى عاذرو حتى هي ماحقهاش مشاتلو وهو شارب
-يزي آمال يزي عيش أختي نحبش نشوفك تبكي
مهدي تحضن آمال يسكت فيها و هما هكاكة وهشام يشوفهم من تالي(هشام يتبع في آمال من قبل وين تمشي و وين تجي) تصدم حس بسكاكن في قلبو ماكانش يتصور لي مهدي وآمال بيناتهم حكاية جن و نار شعلت فيه كان بش يمشيلهم يقتلهم الزوز أما جات أمو بين عينيه طلع في الكرهبة و بدى يسوق كالمجنون الكياس رحاه رحيااان لين أوووبب تدوبل عليه كرهبة وتحصرو تخرجو مالكياس هشام مالقى مايعمل يدور يدور يدور و شي لين دخل في شجرة
************
-أمي زعما مهدي شبيه ماجاش بش يوصلني
-والله مانعرف يابنيتي بالك بقا راقد
-لا لا مش عوايدو
و هما هكاكة يحكيو لين نوقز تاليفون جميلة
-آلو نعم
-معايا مدام جميلة أم هشام؟
-اي إنا أمو شبيه هشام؟ و شكونك إنت؟
-مدام ولدك عمل أكسيدون اليوم و ماتخافش حالتو مستقرة نستنوكم بش تجو في كلينيك*****
وعلق
-وووووووو يانارريييي علىىى ولييدييي يااانااارري على كبدتي (جميلة تحكي و هيا تبكي و تعيط)
هيفاء تسكت فيها و تسأل فيها شبيها
-خووكك يابنيتي خووكك عمل أكسيدون اليوم😭😭😭😭😭💔💔💔💔💔💔
-أمبوسيبل ياأمييي ياا حليلي على خويا😭😭😭😭😭😭
-آلو مهدي (هيفاء تحكي و هي تبكي)
-وي هفهوف شبيك عزيزتي شبيك تبكي؟؟
-هشام يا مهدي هشام خويا😭😭😭😭💔
-شبيه هشام خوك هيفاء أنطق
-هشام عمل أكسيدون💔💔💔
-شنووواااا لا حول لله هاني جاي تو نهزكمم ستنا
آمال بحذاه تسأل فيه شفما
-أركب آمال أركب و تو نقلك باعد
هزها وطار عجاجة للحومة هز أمو و هيفاء ومشا للكلينيك
