تعدات جمعة عالحكاية آمال ولات ماتخرجش مالبيت وديما تبكي ملاك بدات تحكي مع لمجد بش يلقو حل للي صار وهشام من هك النهار قطرة شراب ماحطهاش في فمو حالتو ولات ماتعجبش كل يوم وهو يخمم فلي عملو وزعما آمال تنجم تسامحو ملي صارت الحكاية وهو يخمم في حل أما خايف لا يعملو يخسر آمال
-صباح الخير أمي
-صباح النور وليدي
-وينهم مهدي و هيفاء
-وليدي خرجو هو مشى يخدم و هي هزها تقرا
-ااا باهي أمي نحبك تخطبلي
-وريريريري هالنهار المبروك ياوليدي
-تي يزي مالتزغريط اي موافقة ولا
-بالطبيعة ياكبدي هذا كلام هو وشكون كنتي
-آمال بنت عم فتحي
-شنواا؟؟ ياوليدي مش طلبتها و رفضوك
-مش كيف توا بخدمتي و داري و كرهبتي علاش بش يرفضو أصلا عم فتحي موافق كان أمها الشمطة
-يزي عيش ولدي ماتقولش هكا تو نمشي نحكي مع سعاد لعشية ونعطيك لخبر
-عيشك ياجمول ياغالية
مشات جميلة لسعاد وحكت معاها و سعاد بالطبيعة وافقت خاطر هشام جيبو معبي ولا هذا الكل وآمال لتو لا فيبالها روحت جميلة و سعاد طلعت لبنتها بش تقلها
-آمال وينك
-أدخل أمي
-بنيتي ليوم جت جميلة تخطب فيك لولدها و أنا وافقت
آمال تصدمت معناها بعد لي عملو فيها جاي يصلح غلطتو بالعرس
-تي عععععلااااه يا أمييي شكوننن قلكك أنا موااافقةةةة تي علللاااههه هكا حطمتنييي ياأمييي (آمال بدات تبكي)
-شنوا علاه بش تبقيلي بايرة هوني شوف أختك أصغر منك معرسة و متهنية وزيد شكون سألك على رايك جيت نشاور فيك أنا؟؟؟ أيا سكر فمك بلا بكى و حقا غدوة خطبتك
خرجت سعاد وآمال مالبكا ماحبتش تسكت
-ياربي علاه يصير فيا هذا الكل وأنا ماشي فيبالي أمي بدات تحبني مافهمتش شعملتلها ياربي عاوني ياربي ماتخليهاش بيا
هزت التاليفون وكلماتو
-ياخي ماتقليش بعد لي عملتو شتحب عنديي؟؟؟؟؟ شكوونن قالك نحب نعررسس بيككك
- هذاكا هو الحل وزيد شكون قلك راني ميت عليك (هشام يحكي هكا وقلبو وجعو عليها عارف لي هي تبكي أما هذاكا الحل الوحيد)
-نكرررههههككك
علقت التاليفون و هو كاينو شكون ضربو بسكينة من هاك الكلمة
جا نهار الخطبة وآمال تقول جنازتها مش خطبتها الناس الكل فرحانه كان هي تعزيها تقبل العزا هشام قاعد بجنبها عاشق في زينها قداه خرجت مزيانة حتى في أخيب حالاتها حضروا الناس الكل و أولهم مهدي و ملاك
آمال تشوف في مهدي و تقول في قلبها ماصاب عرفت من قبل لي إنت تحبني يامهدي راني مش في هالبلاصة و مش مع هالوحش .هشام فايق بيها تغزر لمهدي تنرفز
كملت السهرية و روح كل حد لدارو هشام واقف قدام الشباك يشوف في ضو بيتها مزال يشعل يتكيف لين عجعجها البيت يفرغ في غشو بسيڨارو ويخمم زعما آمال تحب مهدي زعما حبيبتو حبت غيرو مجرد فكرة تقتلو خلي كان تطلع حقيقة
