بالمستشفي
بدأت تستعيد وعيها ومازال الالم يداهمها
وهي تمسك برأسها
فتحت عينيها لترمش مرات متتالية لتعتاد علي ضوء الغرفة
بدأت تنظر حولها لتستكشف المكان باستغراب
لتنهض مفزوعة عندما وجدته بجانبها ينظر إليها بعينيه المظلمة
_انت؟!
قالتها وهي تضيق عينيها بأستغراب
ليرد: بقيتي احسن دلوقتي؟
لتقول بغضب واستغراب بذات الوقت: "
انت ايه اللي جابك هنا وانا ايه اللي جابني هنا وازاي جيت هنا اصلا !"
_"انا اللي جبتك "
قالها وهو يتابعها ويتابع ملامحها الغاضبة
_نعم!
قالتها برفعة حاجب وصوت عالي نسبيا
ليرد:
"صوتك!....وطي صوتك "
حياة بانفعال:
"اعلي اوطي انا حرة ..دي اول حاجة ..تاني حاجة بقي
انت بتعمل ايه هنا سؤال واضح ؟!"
اقترب بكرسيه وهو ينظر لعينيها ويقول ببرود: "بعمل ايه هنا ؟ ..ولا حاجة زي مانتي شايفة قاعد مش بعمل حاجة..اجابة واضحة "
اغمضت عينيها بغضب وهي تضغط علي اسنانها
ثم صرخت:
" ياااا دكتوووور ياااا نااااس يااالي برررا "
دخلت الممرضة بقلق
لتقول حياة بغضب وانفعال شديد:
انا بعمل ايه هنا ؟!
الممرضة بابتسامة:"
انتي ف مستشفي والناس بتيجي هنا عشان تتعالج "
حياة :أقصد مين اللي جابني هنا والاستاذ ده بيعمل ايه هنا؟!
الممرضة: "الاستاذ هو اللي جابك هنا
ومن فضلك اهدي عشان انتي لسه تعبانة "
ثم تركتها وخرجت لتلتفت حياة له :
انا آخر حاجة فكراها لما وقعت في المطبخ ف شقتي
اقدر اعرف انت ازاي وصلتلي ودخلت شقتي
وجبتني هنا ازاي ..اوعي تكون ..
احمرت وجنتيها واكملت بغضب ممزوج بالخجل:
انت.. انت شلتني!
ثم صاحت بغضب:
فهمني دخلت شقتي ازاي؟!
_من بطاقتك عرفت العنوان
وصلت للبطاقة ازاي؟
كانت موجودة ف شنطتك
شنطتي وصلتلك ازاي؟
نسيتيها لما مشيتي متعصبة ساعة ما كسرتلك الكاميرا
دخلت الشقة ازاي؟
سمعت صوت ميه شغالة
وكسرت الباب ودخلت
تحبي اشرحلك عملي ازاي شيلتك؟!
قالها بخبث
لتنظر له ببلاهه وصدمة ثم هتفت بغضب:
انت قليل الادب
اطلع برااا
نهض من علي كرسيه وقال :
يالا عشان اوصلك!
لوهلة ظنت انه مجنون ماذا تقول له وبماذا يجيبها هو !
_بقولك اطلع برا تقولي اوصلك!
اجابها ببرود:
_براحتك انا مش هجبرك
ثم سار بضع خطوات ووصل لباب الغرفة ليستدير لها ويقول وهو يحك ذقنه :
آه صح نسيت... الدوا بتاعك ف عربيتي
وانا بصراحة مش قادر ارجع تاني
ممكن تيجي تاخديه ؟
أنت تقرأ
ذنوب في الظلام
Mystery / Thrillerماذا لو اضطررت ان تسلك طريقٍ مظلم يحكمه الشر والكراهية والانتقام طريق علي ارصفته سُفكت الدماء البريئة والمذنبة طريق وضع به لافتات وقوانين خرجت من أفواه من نسميهم بالشياطين علي هيئة بشر قوانين كُتبت بدماء الابرياء اصوات ابواق الانذار تدوي بطريق الج...
