ذنوب في الظلام

Part 4♠️

هبط من سيارته بملامح جامدة وسار بين المقابر حتي وصل لقبر
وُضعت رخامة عليه ودون عليها (يا أيتها النفس المطمئنة ارجعي إلى ربك راضية مرضية)
ملاك ابراهيم الدسوقي
وبالاسفل تاريخ الوفاة

وقف امام القبر وما ان وقعت عيناه علي اسمها تبدلت ملامحه الجامدة ليحتلها الحزن
جلس امام قبرها وهو يشعر بنغزة مؤلمة بصدره وعيونه مليئة بدموع تأبي التحرر
قال بألم وهو يلمس الرخامة:
"انا اسف"

تلك الكلمتان التي يكررها منذ 5 سنوات عندما يأتي لزيارتها
لم يستطع السيطرة علي دموعه اكثر لتسقط وهو يقول بنبرة تحمل الكثير من الوجع والم الفقد:
"وحشتيني يا ملاك "

سقطت دمعة اخري وهو يقول بنبرة صوته الحزينة:
انا اسف اسف انا اللي ضيعتك من ايدي كل اللي حصل بسببي ..،
اكمل وهو يضرب صدره بقوة ويجلد ذاته :
لو مكنتش سيبتك اليوم ده مكنتيش هتموتي
انا اللي ضيعتك من ايدي
مسح دموعه بانكسار :"
انا اسف يا حبيبة قلب هادي"

تذكرها
خاصةً المشهد الأخير لها عندما وجدها غارقة بدمائها ، تذكر كيف ماتت روحه معها وقتها ،
تذكر عندما كان يترجاها بأن تفتح عينيها ، وعدم تصديقه بأنها فارقت الحياة
ليدخل في نوبة بكاء حتي اصبحت عيونه بلون الدماء من اثر البكاء :
النهاردة شوفتها يا ملاك شوفت البنت اللي حكيتلك عنها البنت اللي قتلت اخوها بايديا دول
قالها وهو ينظر ليديه بندم وعيونه تنهمر :
كانت بتعيط وتدعي أن ربنا يحرق قلبي علي اعز الناس ليا.. كنت عايز اقولها ان ربنا استجاب لدعواتك وحرق قلبي عليكي وعلي ابني اللي ما لحقتش اشوفه
ربنا انتقملك ووجعلي قلبي
كنت عايز اقولها كفاية انا مبقاش عندي حاجة تاني اخسرها
سقط علي الارض بضعف وألم ورفع رأسه للسماء ودموعه مازالت تنهمر :
يااااا رب
لييييه اخدتها بذنبي انا
كنت انتقم مني انا يااا رب
انا اللي كان لازم اكون مكانها
ملاك ملهاش ذنب
انا اللي قتلت يا رب مش هي
شعر بالاختناق والم شديد اصاب صدره وهو ينظر لاسمها المدون علي الرخامة امامه :
انا تعبان يا ملاك
تعبااان اووي
من غيرك تايه ومش لاقي نفسي
اكمل وهو يبكي كالطفل:
انا ما صدقت لاقيتك بعد ما امي وابويا راحوا
ما صدقت لاقيت الايد اللي اتمدت ليا وطلعتني من الضلمة اللي كنت فيها للنور
كنت تايه قبل ما اعرفك
لحد ما جيتي انتِ ودليتيني
حبيتك اكتر من نفسي واتعلقت بيكي
انتِ احلي حاجة حصلتلي ،كنتي انتِ الحاجة البريئة في حياتي اللي مليانة شر وقتل ودم وقرف
كنتِ ملاكي وحبيبتي وصحبتي وبنتي وامي واحلي حاجة في حياتي
ازداد نحيبه وهو يقول بنبرة حملت الضعف والخذلان والألم:
مكنتش اعرف ان ربنا دخلك حياتي عشان يخلص الذنب اللي عملته زمان
مكنتش اعرف انك هتتاخدي بذنب انا اللي عملته
انا اللي ضيعتك يا ملاك
ايوة انا
نهض من مكانه وهو يشعر بالعجز وقد امتلأت ملابسه السوداء بالتراب
مسح دموعه ثم رفع يديه ليقرأ الفاتحة.......