ذنوب في الظلام

Part 9♠️

ما اعانيه
مُختلف قليلا
ما اعانيه
ليس مرضاً يحتاج عقار او دواء
ما اعانيه سيدي الجراح
هو نغزة مؤلمة بموضع قلبي كلما مرت صورتها أمامي أو ذُكر أسمها
ما اعانيه لن يتعافي إلا بترياق وجودها..♡
نور محمد ♡

اديني عنوانه؟

شعرت بالخوف والقلق من سؤاله لتسأله بتوتر :
ليه؟ عايز عنوانه ليه ؟

نهض من مكانه وقال بهدوء:
في كلمتين محشورين في زوري
عايز اقولهم له

نهضت هي أيضا وقالت وقد سيطر عليها القلق:
لا بلاش انت تتدخل لان كدا الموضوع هيتعقد اكتر وهيعند اكتر
انا اصلا ناوية انقل من الشقة دي
سألها باستغراب :
تنقلي؟!
انتِ خايفة منه؟
اكمل وهو يهتف بغضب :
بقولك هاتي عنوانه اخلصي

اغمضت عينيها بضيق وهي تُردف:
قولتلك انك تتدخل في الموضوع
ده هيزيد الطين بله
انا مش خايفة
انا بس حابة اغير المكان..خصوصا اني لقيت شغل
والمسافة بينه وبين شقتي دي كبيرة
عشان كدا عايزة اسكن في مكان قريب

طالعها بشك قبل أن يحمل الجاكيت الاسود الخاص به
وهو يقول :
لو ضايقك تاني اتصلي بيا
وما تخافيش انا غيرت قفل الشقة

نظر لها بتمعن بينما توترت هي من نظراته التي تخترقها لتنظر للارض هاربة من سهام نظراته

ابعد نظره عنها وسار خطوات تجاه الباب
ثم استدار مجددا إليها وكأنه تذكر شئ هام
ثم تحدث قائلا:
ما تنسيش الدوا
و لو احتجتي حاجة انا موجود
اوعي تترددي لحظة انك تكلميني

نظرت له باستغراب من اهتمامه بها وطريقته معها
ليُكمل :
اعتبريني زي اخوكِ أحمد

اومأت له بصمت دون أن تتحدث
ليخرج من شقتها ويغلق الباب من خلفه
ركضت سريعا لغرفتها وفتحت النافذة الخاصة بغرفتها لتتابعه من خلالها
رفع وجهه فجاءة ناحية نافذتها
لتشعر بالحرج عندما
تقابلت اعينهم لثوانِ قبل أن يركب سيارته ويرحل
...... ..... ...... ......... ............ ....♤♤♤
مساء الكراسي يا مدوخ راسي
ممكن اعرف انت ليه قاسي ؟
قالها أمجد وهو يقترب من تلك الفتاة بالكازينو
والتي كانت ترتدي فستان قصير عاري
زفرت بضيق عندما رأته ونظرت للجهة الاخري
وهي تلوي فمها بسخرية
اقترب، ووقف قبالتها لتنظر له بغضب وهي تهتف:

ايه اللي فكرك بيا بعد المدة دي كلها
ده انا قولت خلاص اتنسيت كأني ما جيت

امسك وجنتيها بمشاغبة وهو يقول بنبرة حب زائفة مصطنعة محاولا ارضائها:
انا انسي كله إلا نودي
جلس مقابلها واكمل وهو يرسم علي ملامحه حزن مصطنع:
بعدين مفيش غيرك هنا
قالها وهو يؤشر علي قلبه
لتبتسم وتنظر لنفسها بغرور