احذر عزيزي
فربما اليد التي تسندك ، وتربت عليك اليوم
تصفعك وتدفعك للضر والهلاك غدا
#بقلمي
نور محمد♡
♤♠️♤♠️♤♠️♤♠️♤♠️♤♠️♤♠️♤
بعدما انطلقت سيارة هادي
وصل "حداد" للعمارة التي تقطن بها "حياة"
صعد الدرج حتي وصل للطابق الخاص بشقتها
ثم اخرج المفتاح من جيبه ليضعه بالباب
ولكنه وقف بمكانه مصدوم عندما لم يدخل المفتاح بمكان القفل
اخذ يحاول مرة بعد أخري ولكن بكل مرة يفشل
صرخ بأسمها بغضب وهو يضرب الباب بيده بقوة ....
وبعد محاولات عديدة باتت كلها بالفشل
هبط الدرج ، وهو يسير ناحية حارس العقار ليسأله بغضب :
الاستاذة حياة اللي ساكنة في الدور التالت في حد جالها؟ امبارح او النهاردة؟
اردف الحارس يجيبه وهو يضيق عينه بتركيز:
انت قصدك الانسة اللي ساكنة لوحدها في الدور التالت؟
اومأ " حداد " له بنعم وهو يُردف بتأكيد:
ايوة هي
طالعه الحارس بشك وهو يقول:
هو حضرتك تقربلها؟
زفر"حداد" بضيق ونفاذ صبر ، وهو يقول بصوت عالِ:
ايوة انا ابن عمها
اخذه الحارس جانبا ، وهو ينظر حوله ليتأكد من خلو المكان حوله مما أثار استغراب "حداد"
تحدث حارس العقار، وقال:
انا مكنتش ناوي اقولك بس انا بردو معايا بنات
وعشان انا خايف عليها ومقدر خوفك عليها
فاسمعني كويس يا ابن الناس
ضيق " حداد" عيونه بعدم فهم منتظرا منه توضيح
ليُكمل الحارس:
بنت عمك ساكنة لوحدها في شقة
واكيد الناس بتلاحظ اللي بيطلع ويخرج
امبارح كان في واحد طلعلها الشقة وقعد مدة طويلة فوق ونزل في نص الليل من عندها
ودي مش اول مرة ييجي فيها ده جالها مرة قبل كدا وعدم لمؤخذة يعني كان
توقف الحارس عن استكمال الحديث وهو ينظر للارض بحرج
اشتعل الغضب الشديد داخل "حداد" وبرزت عروق يديه ورقبته ، ثم هتف بغضب وهو يقبض علي يديه بغل:
كان ايه ؟ ...كمل
_كان شايلها وخدها في عربيته
والنهاردة جالها ،وركبت معاه عربيته
ما تأخذنيش يا استاذ علي اللي قولتهولك بس انا راجل صعيدي واللي ما ارضهوش لبناتي ما ارضهوش لبنات الناس
انا بس عايز اقولك انه عيب يعني تبقي بنت وقاعدة في شقة لوحدها
ولاد الحرام كتير ، وانت عارف ازاي بيضحكوا علي بنات الناس بسهولة وبعدين يرموهم
آخر حاجة بقي يا ريت تخلي الكلام اللي قولتهولك بيني وبينك
انا قولتلك عشان خايف علي سمعتها وسمعتك يا محترم
عن إذنك
ذهب حارس العقار وترك "حداد"واقفا بمكانه تتردد الكلمات بأذنه
لتشتعل نيران الغضب والكره بصدره
وهو يعود ليستقل سيارة اجرة
أنت تقرأ
ذنوب في الظلام
Mystery / Thrillerماذا لو اضطررت ان تسلك طريقٍ مظلم يحكمه الشر والكراهية والانتقام طريق علي ارصفته سُفكت الدماء البريئة والمذنبة طريق وضع به لافتات وقوانين خرجت من أفواه من نسميهم بالشياطين علي هيئة بشر قوانين كُتبت بدماء الابرياء اصوات ابواق الانذار تدوي بطريق الج...
