هل سئمت من متاعب الحياة
وحروبها الكاذبة !
هل ارهقك الندم وتأنيب الضمير ؟
لا بأس
سيُمحي كل ذلك قريبا وستشفي جروحك الداخلية التي لا يعلم بها أحد سواك
ستعود تنبض بالامل والفرح من جديد
ولكن أن اردت ...اذا قررت من داخلك
فكل شئ يتوقف عليك
نور ♡
استدارت له بفزع عندما اتاها صوت هتافه الصارخ
ركض نحوها سريعا وبلحظة كان امامها ليسحبها بحذر، وينزلها من فوق الفاصل المرتفع
كان يطالعها بنظرات قلقة خائفة اما هي فكانت تنظر له باستغراب
قطع الصمت عندما هتف بها بصوت عالِ غاضب :
انتِ واعية كنتِ بتهببي ايه!
ضيقت عينيها محاولة استيعاب او فهم غضبه ولهفته تلك ، ثم اردفت بغضب من نبرته العالية :
انت بتتكلم عن ايه؟ وبتزعق كدا ليه ؟!
اغمض عينه محاولا السيطرة علي غضبه ثم فتحها وهو يزفر بضيق ،وتابع بنبرة هادئة عكس الخوف والغضب الذي سيطر عليه :
كنتِ واقفة فوق ليه !
بالبساطة دي استسلمتِ
فكرة الانتحار سهلة كدا بالنسبالك!
هُنا استوعبت وفهمت سبب غضبه وصراخه والذي كان بسبب ظنه واعتقاده بأنها كانت ستُلقي بحالها من الاعلي للبحر
ابتسمت بسخرية ممزوجة بالحسرة والألم
لينظر لها بعينه التي سكنها الحزن تأثرا بحالتها
زالت ابتسامتها الساخرة وارتخت ملامحها
وهي تعيد بصرها للبحر مجددا ثم اردفت قائلة بعد أن أطلقت تنهيدة طويلة:
طول الوقت بسمع صوت بيقولي اخلصي بقي من العذاب ده وانهي حياتك السودة دي
بدأت اسمع الصوت ده في اليوم اللي حسيت فيه اني لوحدي اليوم اللي عرفت فيه بمرضي والكل اتخلي عني ساعتها جيت هنا
وتاني مرة وانا قاعدة في اوضتي لوحدي
بعد ما اللمة الكدابة بتاعت الناس اتفضت
الصوت اخدني علي البلكونة كان بيتكرر في ودني وبيقولي ارمي نفسك
لما بكون في المطبخ وعيني تقع علي السكينة
نفس الصوت بسمعه وعقلي بيصورلي صورة وانا بقطع وريد ايدي
في كل مرة باجي هنا بقف نفس الوقفة دي وامشي ورا الصوت ده لحد ما اقف فوق هنا ..
وفي الاخر مش بعمل حاجة غير اني اعيط ،واصرخ بصوت عالي
لحد ما دموعي تقف
وبعدين استغفر ربنا علي تفكيري ده واني للحظة كنت هنفذ اللي الصوت بيقوله
انا لو كنت هنتحر كان زماني ميتة من زمان
من سنين كتير وانا بقاوم فكرة الانتحار واني انهي حياتي دي
هربت دمعة من مقلتيها وهي تُكمل بنبرة باكية:
بس خايفة اوي وخوفي زاد عن الاول
خايفة الصوت ده ينتصر في يوم عليا
خايفة الصورة اللي بشوفها كتير
تبقي حقيقية في يوم
خايفة اضعف في يوم
في نفس الوقت اللي مصبرني علي كل ده
ان خلاص مبقاش فاضل كتير
ورحلتي قربت تنتهي
أنت تقرأ
ذنوب في الظلام
Mystery / Thrillerماذا لو اضطررت ان تسلك طريقٍ مظلم يحكمه الشر والكراهية والانتقام طريق علي ارصفته سُفكت الدماء البريئة والمذنبة طريق وضع به لافتات وقوانين خرجت من أفواه من نسميهم بالشياطين علي هيئة بشر قوانين كُتبت بدماء الابرياء اصوات ابواق الانذار تدوي بطريق الج...
