ვკანკალებ, მაგრამ სიცივეს ვერ ვგრძნობ. შოკის გამო ნორმალურად ისიც არ მახსოვს, როგორ მომიყვანა ჩევონმა ჩემს სახლამდე. მაშინვე ოთახში შემიყვანა და საწოლზე ჩამომაჯინა.
- მე უნდა წავიდე, იმედი მაქვს თავს მარტო გაართმევ... - ნაზი ხმით მითხრა და მომეხვია. ვიგრძენი, რომ მასაც სციოდა. წამოვდექი და კარადიდან დიდი ჰუდი გამოვიტანე, რომელიც კაბასავით ექნებოდა თუ ჩაიცმევდა. ჩემი სამუშაო მაგიდიდან ფურცელი და კალამი ავიღე. დავუწერე:
თითით ჩემი ოთახის წინ მდებარე კარზე მივანიშნე. ისევ გამიღიმა და სააბაზანოში შევიდა. 2 წუთი არ იქნებოდა გასული, რომ მისმა ტელეფონმა დარეკა, რომელიც ჩემს ოთახში ჰქონდა დატოვებული. გადავწყვიტე ჩევონისთვის ტელეფონი მიმეცა. სააბაზანოს კარი მე სულელმა დაკაკუნების გარეშე შევაღე. შიგნით წელს ზემოთ შიშველი ჩევონი დამხვდა, მხოლოდ ქვედა კაბა და შავი ლიფი ეცვა. შეკრთა, როცა შევედი და ტანზე ხელები მიიფარა. მეც თავი მისგან საპირისპირო მხარეს გავაბრუნე, მაგრამ კარგად დავინახე მისი ლამაზი ტატუ.
Oops! This image does not follow our content guidelines. To continue publishing, please remove it or upload a different image.
მძიმე ნერწყვი გადავყლაპე. თავს ძლივს ვიკავებდი ისევ მისკენ გახედვისგან. ტელეფონი გავუწოდე, რომელიც წკრიალს არ წყვეტდა. მაშინვე გამომართვა და სააბაზანო საჩქაროდ დავტოვე. ოთახში შევვარდი, ფურცელი და კალამი ავიღე და წერა დავიწყე.
