حوريه في قلب الليل

الحكايه الثالثه

#حوريه_في_قلب_الليل
#حكايات_mevo
البارت الثالث...
فتحت لؤلؤ الباب لتنصدم عندما وجدت رجل كبير يلبس لبس صعيدي يقف ومعه رجلين اخرين قالت بدهشه.. جدي عبد الرحمن كانت تعرفه من صوره التي كان والدهم يريهَ اياها في صغرهم فلم يختلف كثيرا الا ان الشيب غزا راسه.
ابتسم لها ... كيفك يا بتي.

هبت حوريه .... جدي عبد الرحَمن عندنا.

ابتسم وقال... كيفكو يا ولاد سالم.

اقتربت حوريه فكانت رقيقه لتقبل يده.... بخير طول مانت بخير يا جدي.

قطب جبينه من ادب تلك الفتاه ولكنه تغاضي عن ذلك ... ايه ماهندخولش والا ايه.

اندفعت حوريه... ازاي اتفضل بيتك ومطرحك دا البيت نور.

قال... خليكو تحت يا رجاله مش هنتاخرو... انا جاي في كلمتين يا بنات ولدي... اني جاي اخدكو اعرفكو علي عيله جدكو يتشرفو بيكو.

اندفعت حوريه... بجد يا جدي والنبي هتعرفونا وتحبونا.

نظر اليها مليا واستعجب.. ايوه يا بتي وعايز اعملكو ليله بعودتكو فرح كبير بنات الغالي نتشرف بيهم وتشوفو جدتكو  فتحيه هيا تعبانه وكان نفسها تاجي.

قالت حوريه مندفعه.. لا ازاي داحنا نروحلها جري مش كده يا لؤلؤ قولي اه.

قالت لؤلؤ... ايوه اكيد بس اصبري انا عندي شغلي لازم اخد اجازه.

قال الجد... وتشتغلو وجدكو موجود لاه يا بتي ماهيوحصلش انتو تاجو معانا واني هبعتلكم مصاريفكم لحد عندكو.

قالت لؤلؤ..... لا يا جدي كتر خيرك.

قال.. طب اخدك لصاحب الشغل استسمحه يا بتي وتعاودو معانا جدتكو تعبانه ونفسها تشوفكو ..

تنهدت لؤلؤ لتنظر اليها حوريه ترجوها كالاطفال ابتسمت لها لتقوم بسرعه وتحتضنها وتقول... هنحضر حالنا يا جدي ونجي معاك بس هو اسبوع عشان شغلي.

كان عبد الرحمن يستعجب من تصرفات البنات. فسالم وصفهم بالجموح وعدم الطاعه وما امامه بنات يعرفون الاصول استعجب وظن انهَ يمثلون عليه .

قامت الفتاتان تحضرا نفسهما قالت حوريه... هاتي الكاميرا والنبي يا لؤلؤ عشان خاطري.

ضحكت لؤلؤ... عيوني دانا ههريكي صور هناك بشعرك القمر ده  .

قالت حوريه... بصي انا هجيب الفستان الوردي اللي ماما فصلتهولي البسه هناك وتصوريني بيه.

ضحكت لؤلؤ.. والله انت عيله حاضر يا اميرتي انا اقدر اقول للمزه لا..

استعدا وذهبا مع جدهم وذهب لؤلؤ تستاذن من صاحب العمل وتبدان في رحله الرجوع الي بلدتهم.

وصل الفتيات الي البلد ليستقبلهم الكل بحميميه بناء علي رغبه عبد الرحمن وكان قد اكد علي الجميع ان لا يأتو بسيره التار والجواز كانت الفتاتان سعيدتان بالاجواء لتقترب حوريه من جدتها وتحتضنها فحوريه رقيقه حنونه .