حوريه في قلب الليل

الحكايه الرابعه و الأربعون

#حوريه_في_قلب_الليل
#حكايات_mevo
البارت الرابع و الأربعون
استيقظت حوريه في الصباح لتجد نفسها بين احضانه لتظل هائمه فيه.
همست.... بحبك قوي اقتربت بهدوء وتقبل خده وتهمس ...هتبقي حبيبي خلاص. حبيب حوريه ومش هتزعلها يا قلب حوريه انت بس حبني وانا هديك مشاعر نفسي ادهالك عشان بحبك.. داعبت شعره كان قد استيقظ واحس بها ولم يتكلم سمعها تهمس. قلبي بيدق في قربك انا مش مصدقه ان حوريه هتفرح وتعيش بس علي اد ماهتفرحني هغرقك حب. ليلي حبيبي وروحي اقتربت اكثر وهمست بالقرب منه.... والله روحي وبموت فيك يا لولي.
لتشهق عندما انتفض وقلبها وركن عليها لتهتف.... اخص عليك حد يخض حد كده.
قال.. وحد يهبل حد عالصبح اكده. يا فرحي هو انا صباحي هيبقي نار اكده هبلتيني اقسم بالله.
همست بخجل... ليه عشان بحبك.
قال .. عشان اصحي علي صوت السحر ده وحبيبي بيلمسني ويحب فيا كت هفطس من كتمتي اقسم بالله.
تنهدت.... انت خبيث يا ليو انت صعب قوي ماتقول انك صاحي.
قال.. واحرم نفسي من متعه حبيبي يحب فيا وبيلمسني.
هتفت... طب مانا هحب فيك وانت صاحي برضه.
ابتسم.. صوح والنبي الجمر هيحب فيا طب ماتوريني اكده ليداعبها.
خجلت وهمست.... بطل بقلك هحب فيك انت بتعمل ايه.
ضحك.. بعمل ايه دانا هعمل وحبيبى يسكت خالص ليا شهور مبحلج في السجف بعض في المرتبه بتخيل ممكن يكون جرالك ايه. علي اد مانا جامد علي اد ماجلبي كان بيتمزع ماكتش متخيل اني بعشجك اكده شفت مرار. كت بجعد في المرسم ابكي اني ليل الرفاعي كان بيبكي من حرجته علي بعدك لما جالولي انك هتتجوزي حسيت اني نفسي بيتاخد مني. لما وعيتلك لابسه اكده حسيت اني ماني راجل ولا فيا ريحه المرجله ودي لوحدها كاويه ليغمض عينه بوجع.
مسد علي كتفه هتف ....هفضل عمري كله محروج علي عملتي ولا عمري هنسي اني كشفت مرتي وعريتها للخلج لتنزل دمعه من عينه.
تلمسها بحنان لتهمس..... بطل ماتوجعليش قلبي انا مسامحه ونسيت والله.
تنهد... اني مانسيتش ولا هنسي وهفضل اكفر عن ذنبي العمر كله لتحتضنه وتنام في حضنه سمعا خبطا لتسمع اختها ....قومي يا حور جدك طالبنا.
لتقوم هيا.... جدو عايزنا يا ليو انا هروح ماشي.
قال .. تروحي فين اسمها نروح يا جلب ليو انت ماتتسابيش تاني جوزك معاكي منين ماتروحي. الناس تعرف ان ليل ماهيسيبش مرته تاني واصل يلزج فيها يعليها ولا حد يهوب ناحيتها.
ابتسمت.... والنبي يا ليو هتيجي بيت العتامنه انت مش بتحبهم.
قال .. لاجل خاطرك احب العفريت مش كفايه انت منيهم يلا جومي.
قام هيا اتصل هو بتليفونه هتف.... اني خارج تخشو تخلصو ساعتين تلاته زمن كلو يخلص فاهمين..... ماشي خلاص هنقضي النهار بره تخلصو يمين بالله افلجكو نصين ماشي وقف يبتسم.. دا حبيبي بس يامر وانا انفذ مانسيتش طلبك يا جلبي.
قام يعد حاله واخذا جاسر ولؤلؤ وذهبا لبيت العتامنه.
دخل ليل وجاسر والبنات وقف عبدالرحمن.. منورين داركو يا ولادي. اقترب يحتضن الفتيات لتسعد الفتيات ليهتف.. بيتكو ده وبيت اجوازكو تاجو براحتكو نعملكو مجعد يتجفل لاجل خاطرك.
قال لليل.. منور دار العتامنه ياولدي.
اقترب ليل.. بنورك يا عم عبدالرحمن منور دار مرتي وعيلتها ونسبها اللي افتخر بيه.
سعد عبدالرحمن.. صوح يا ولدي خلاص ليل الرفاعي جواه صافي.
وقف ليل ينظر لزوجته اقترب يحتضنها ويهتف.. جلبي مسامح يا عمي من ساعه شوفتي لحوريه ودخولها حضني. جلب ليل الحجر داب وانشج وخرج منه حاجات ماكنش واعيلها. مرتي حوريتي بدلت ليل الجاحد اللي جلبه كان غل كان بيكويه بدلته ملست علي جلبي وبطيبتها عالجتني يا عمي حوريه. بت العتامنه فخر ليا اني ابقي راجلها واتمني رضاها ليل الرفاعي اللي يتهزله بلاد ليل الرفاعي اللي كان التار بينهش جواته يتمني العتمانيه ترضي عنه. قبل راسها كت اخجل لما يجولي ليل يلين لمره اني دلوك بجولها بعلو حسي في وسط دار العتمانيه ليل الرفاعي رايد حوريه ورايد رضاها واعمل اي حاجه لاجل تبصلي بس بعين الرضا.
دمعت عين حوريه همست..... بطل تقول كده انت مش قليل.
هتف بعلو حسه.. اني جدامك جليل عالاخر انت اللي نجمه في السما احمد ربنا عالنعمه انها دخلت حياتي اصونها ولا يوم ازعلها عشان حنيتها بالدنيا. اني محجوج يا حج عبدالرحمن وخزيان من عملتي وحوريه تتراضي العمر كله.
اقترب الجد.. كلامك ده يدخل الجلب يا ليل ويطمن الجلب المجهور احنا جهرنا بناتنا وعذبناهم. بس ربنا رحيم ان يحط لين الجلب جواتكم لاجل تحبوهم لتقترب من حوريه هفضل عمري كله يا بناتي جلبي واجعني وحاسه بالذنب من عمايل ولدي اللي رمح وبقي خارج طوعنا.. اتبرينا منه ومن جربه وماعاد له مطرح بيناتنا الجحود ماهنتحاسبش عليه بسببه احنا خلاص ولدنا مات من اساسه بس دخل دارنا نورين نورو الدار. لتقترب لؤلؤ وتحتضن جدها وكذلك حوريه.
عم الفرح وبدا الولايم والفرح بداخل دار العتامنه بوجود رجاله الرفاعيه سعداء ليمر اليوم ليبداو في الانصراف.
اقترب زكريا من حوريه ليشدها ليل الي احضانه فنظره زكريا لا تتغير لحوريه وليل غيور عليها ملست علي يده اقترب زكريا يقف.. اني جاي والعار راكبني يا بت عمي وخابر اني السبب في العفاشه اللي جراتلكو.
اقتربت لؤلؤ.. ماكناش نستحق كده يا زكريا.
قال بقهر... ماكتش خابر والله كت رايد ليكو الخير كت شايف ازاي بتتعاملو وكن نفسي ومني عيني تنحطو جوا نن العين والله ماكت عايز الا الخير ليكو ولا كت اعرف العار اللي هلبسه.
هتفت لؤلؤ.. خلاص يا زكريا الله يسامح الكل.
اقترب من حوريه ليبهت الكل عندما انحني تحت قدميها.
انفعل ليل وهتف.. بعد بتعمل ايه انت.
لمست يده حوريه هتف.. عشان خاطري.. تجلد ليل وصمت وقلبه يحرقه فزكريا عاشق لحوريه اقتربت حوريه ليشدها ليل... راحه في انهي نصيبه.
هزت راسها بغلب.. بطل والنبي. لتقترب من زكريا كانت تحس بوجعه وتعلم انه يحبها وهيا طيبه لا تحتمل ان يتألم احد بسببها هتف زكريا.. سامحيني يا ست البنات سامحيني يا غاليه هفضل طول عمري باكل روحي اني اذيتك يمين بالله حاسس بعار راكبني من ساسي لراسي. سامحيني لو تعلمي اني بيا ايه هصعب عليكي سامحيني ولو رايده حج تاخديه تموتيني ماهجولش لاه انت حاجه تانيه وفي حته تانيه لتنزل دمعه من عينه لتدمع حوريه وتقترب لتمد يدها علي كتفه لينفعل.ليل ويهتف حوريه.
همست... قوم يا زكريا يابن عمي قوم ماتوطيش راسك كده.
رفع عيونه ينظر اليها بعشق هتف يعني سامحتيني بالله ماعايز حاجه تانيه بس تسامحي وهبقي ابن عمك تحت رجلك بس تجولي يا زكريا زكريا يجري سنه يبيع عمره عشانك.
سمع ليل.. استغفر الله يا رب هو فيه ايه.
قالت حوريه... وانا مسامحه يا زكريا انت ابن عمي وعارفه انك ماكنتش عايز تاذيني وحاسه بيك.
انفعل زكريا واقترب.... بالله حاسه بيا وباللي جرالي.
اندفع ليل وشدها لاحضانه.. لاه بقه كفايه اكده وخلصنا ياسي زكريا جالتلك مسامحه بلا حاسه بلا مجطرنه شدها ... يللا نغور من اهنه.
تنهدت علي غضبه فهو غيور ولا تعرف معالجه ذلك الامر ..
اقترب جاسر.. اهدي هاه طبعك ده هديه.
كبت حاله وسكت لاجل حبيبته ولكنه مكوي من نظرات زكريا. سلما علي الكل لينادي زكريا حوريه مره اخري.
مسكها ليل.... كفايه اكده عشان انا علي اخري.
نظرت اليه.. كده يا ليل امال ايه اللي اتغيرت. اخص عليك. شعر بالغلب لتتركه وتذهب قال زكريا... اني ماكتش باركت جوازك يا غاليه اخرج من جيبه كردان كبير يعطيه لها ليهتف ده من زكريا تفتكريني بيه.
فرحت هيا.. ده ليا يا زكريا دا كبير قوي.
قال بقهر.. الله في سماه لو اجدر ابيع حالي كله ليكي.
اقترب ليل يشدها ويخرج من دون كلمه ليعودا الي البيت دخلا ليجلس الكل وليل صامت ياكل حاله وحوريه تلبس الكردان اراد ان يهجم عليها يمزقه ويرميه ولكنه كبت حاله لاجلها اقتربت لؤلؤ.. بت يا حوريه ليل بيطلع دخان.
قالت حوريه.. بطلي انا حاسه انه هيموتني فوق انا خايفه.
خبطتها.. بت انت حياتك هتعيشها خايفه.. اتلمي الحب قوه انت بتحبيه وهو بيحبك حبك هيسيطر علي غضبه وعنفوانه ابداي حياتك صح عشان ليل مش سهل وانت هبله فاهمه. هتفت حوريه.. يعني ايه اخاصمه.
ضحكت لؤلؤ.. والتبي اتلهي تخاصمي مين دانتي اللي يبسبسلك تجري عليه مهزاه اقسم بالله.
قالت.. امال اعمل ايه دا غيار موت وزكريا صعب عليا قوي.
هتفت.. لازم يعملك حساب ويخاف علي زعلك قدام الناس وشكلك. ليل بيحبك اه بس عنده هبه مابيعرفش يسيطر علي نفسه.
اقترب جاسر..... بتوزيها علي ايه يا اخره صبري اخوي جاعد ياكل حاله كبده انهري وانت بتعصيها عليه.
خبطته لؤلؤ.. اعصي ايه دي هبله اخر حاجه.. بس مايشدهاش كده لازم يخلي باله علي شكلها زكريا اه بيحبها بس هيا بتحب مين.
قال .. اه صوح بس اخوي صعب واحده واحده عليه باللين هيجي.
هتفت حوريه. طب ايه اروح اقله انت وحش ومزعلني يقوم يصالحني هو هيصالحني انا عارفه.
لتزغدها لؤلؤ... انت واحده مهزاه.
هتف كاسر.. لا ماتروحيش تجولي حاجه ولا تنطجي اسكتي يا حوريه ليل ماهيجيش بالمناهده عارفه سكوتك هيوجعه بس تجمدي عليه يا بت الناس الا انت هبله ماعرفش اختك ماهياش زيك ليه مسوده عيشتي.
خبطته لؤلؤ... بقي انا شرير ه ومسوده عيشتك.
ضمها. يا لهوي دا احلي سواد سود يا جمر وانا اصالح لما انهري تعالي هصالحك فوج وبالمره نروح نفتح العلبه.
هتفت هيا... علبه ايه تاني.
قال .. علبه الأبيض يابيض اللي هيخلص عليا.
همست.... انت مجنون مش كانت احمر.
همس... لاه ماهو كل يوم علبه شكل تعالي بس ليشدها ويصعد بها.
وقفت حوريه تنظر لزوجها الذي كان في ملكوت بمفرده كان يكبت حاله مكوي من نظرات زكريا و ذلك الكردان الذي يحاوط رقبتها احس بخنقه لتتنهد..... ايه هيفضل موطي كده امال ايه اتغيرت اتغيرت.. جاسر قالي ماتناطحيش تسكتي اه هسكت وهعمل تقيله انا هبطل هبل ليل لازم يتعود ان ليا قيمه قدام الناس. لتتركه وتخرج الي الحديقه وتجلس بالقرب من النهر .
مر الوقت لحقها ليل اقترب يمد يده بهدوء يفك الكردان لتشهق وتمسكه.. ايه فيه ايه.
قال بغلب وهو يكبت نفسه.. هاخده اعينه فيها ايه مالك جافشه فيه اكده دا حتي شكله وحش.
ابتعدت تجلس بعيدا ليتنهد... طب اعمل ايه ما جدرتش روح اتهبب صالح لما تورم انت يابني طبعك ده ماينفعش اهدي بقه.. اقترب يحاوطها ليهمس ....طب كت محروج والله حجك عليا اني شديتك بس كتمت حالي اموته عشانك.
ابتعدت عنه ولا تكلمه... ليحس بوجع اندفع يحتضنها.. طب خلاص بقه حبيبي طيب مش اكده.
دفعت يده تتشجع وتتذكر كلام اختها هتفت بقوه... لا يا ليل مش هتصالح ومن فضلك احترم زعلي لتتخطاه.
وقف امامها..... اهون علي حبيبي انا لحجت ترضي عني.
هتفت... طول مانت كده هنفضل كده يا ليل انا مش هعيش حياتي عشان ضعيفه وبسامح اتشد واتاخد واتجاب وماليش قدام الناس تمسك نفسك مهما كت غضبان انا ليا قيمه تعملي حساب انا اه ضعيفه بس حياتنا لازم تبتدي صح الضعيف يتراعي يا ليل من الطرف التاني ومن فضلك لو مش قادر علي نفسك قولي امشي من سكات.
اندفع ويشدها.. بتجولي ايه عايزه تموتيني.
دفعت يده وهتفت.. ليل من فضلك احترم زعلي. لتتركه وتصعد الي الاعلي وقف هو.. منك لله يا زكريا اشوفك والع هيا جرالها ايه كت بتتصالح اه هيا اختها العجربه هم يا طور حبيبك طيب ماتسيبوش يرمح بعيد لو جمدت عليك هتعض في حالك.
صعدت حوريه.. اجمدي اوعي تنخي لتتنهد وحشني اعمل ايه هموت واتصالح كده يا ليو مزعلني كده ربنا يهديك دانا غلبانه ..فتحت الباب شهقت عندما وجدت الحجره تغيرت تماما لتدخل مذهوله فهناك جدار كامل قد ازيل وضمت الحجر الاخري وبها انتريه صغير ومطبخ جانبي دخلت وتدور غير مصدقه انه في يوم فعل لها كل ذلك رجف قلبها من السعاده انه تذكر ماكانت طلبته منه قبل ان ترحل عنه لتقف سعيده تهمس يا حبيبي يا ليو.
احتضنها ليهمس ويضع راسه في شعرها ....عجبتك.
قفزت تحتضنه وتهتف ....حلوه قوي يا ليو دا عشاني.
احتضنها يدور بها.. عشان حبيبي وبس.
كانت سعيده وقلبها يخفق وهيا ممسكه به هتف..... انا عمري مانسي حبيبي قالي ايه وعايز ايه وانا تحت ايده. انزلها لترتجف وتتجلد وتبتعد صامته.
تنهد بغلب.... حوريتي بتبعدي ليه ماجادرش اني عملت ده افرحك فاكره طلبتيه عملته مانسيتش لتظل صامته.تنهد... طب اعمل ايه طيب جولي وانا اعمل هتفضلي ساكته اكده مش انا حبيبك برضك ..اقترب... طب بصيلي مش حبيبي كان رايج في حضني ومبسوط.
لتبتعد تنهد.... طب اعمل ايه دا غلب ايه ده.. اقترب.. دادي لحد ماتتربي انت لازم تتربي. مسك يدها لتشدها وتجلس ..جلس بجوارها ينظر اليها همس.... طب وحشتيني طيب من الصبح ماخدتك في حضني. اقترب منها وملس علي ضهرها.. خلاص طيب اسف ماعت هتنيل اتعصب انا اتحرجت يا حوريه الواد عينيه باظه هتاكلك كت هموت ما متحملش دا هيموت عليكي اني راجل حامي ماتحملت.
نظرت اليه غاضبه وهتفت... وانا بحب مين.
تنهد ....عارف بتحبي زفت ليل بس ليل ماتحملش والله ماتحمل.
قالت.. ليل من فضلك احترم زعلي.
قال .. يا حوريه هيا غنيوه احترم زعلي ماتتراضي بقه الله يرضي عنك اني ماجادرش.
لتقوم.. اه عشان هبله واسامح صح وتشدني قدام الناس لا مش هتراضي يا ليل. جاسر قالي اسكت ولؤلؤ قالت اجمد عشان ابدا حياتي صح.
قال .. منك لله يا اخوي اجول ايه والله اسخمط عيشته هو والعجربه مراته. اقترب طب خلاص بقه حجك عليا انت مالك جرالك ايه كتي بتتراضي احتضنها ماكتي بتتحملي ابعد جلبي وجعني والله.
همست.... وانا اعملك ايه مش هتصالح انا خلاص اتعلم بقه.
تنهد.... يعني جلبي محروج ولابسه المرار ده علي صدرك وحاسس اني هنجلط وبرضك مش راضيه.. طب اخلعيه بالله عليكي اخدك في حضني وننام اني ما متحملش.
نظرت اليه غاضبه.. طب ايه قولك هنام بيه يا ليل هاه يلا.
اندفعت الي دولابها تاخذ ملابسها وتدخل الحمام وقف محصور هتنام بيه هتكمل عليا حصره منك لله يا زكريا الكلب الاهي تفطس وعينك تتخلع. تنهد وجدها تخرج تلبس قميصا رائعا يبرز جمالها وعليه وشاح رقيق من الشيفون تنهد دا مرار هتنام جاري بده زعلانه كيف بس لتتجه الي الفراش وتنام من سكات ..تنهد وقف محصورا يقترب من دولابه ويخرج شيئا كان يعده لها اقترب وهمس حوريتي طب جايبلك حاجه حلوه يا جلبي افرحك.
قطبت جبينها لتغطي وجهها ابتسم يقترب ويضع بجوارها بوكسا كبيرا هتف طب شيلي الغطا وشوفي جايبلك ايه. لتمد يدها من تحت الغطا تتلمس العلبه اخذ يدها يضعها في العلبه لتفتش فيها وتخرج قالب شيكولاته كبير شدته تحت الغطا ولا تنطق ضحك وهتف لسه يا جلبي .
مدت يدها مره اخري لتخرج ادوات زينه كانت كلما وجدت شيئا تاخذه تحت الغطا وهو يضحك علي طفوليتها لتمد يدها اخيرا لتجد شيئا حديديا لتمسكه لتشده تحت الغطا ظلت فتره لتشهق وتكشف الغطا وتهتف.. دا ليا يا ليو.
ابتسم... ليكي يا نور عين ليو. .
قفزت تذهب الي المراه تتامله كان غطاء للراس من الدهب به دلايات تنزل علي شعرها لتلبسه وتفرد شعرها كان رائعا ياخذ العقل.
اقترب منها ونظر اليها كان ساحرا همس ياخد العقل ظلت تنظر لنفسها لتستدير وتحتضنه بشده حاوطها ليهمس ....دانا اجبلك الدنيا يا جلب ليل.
همست.... انا فرحانه قوي.
همس.. هعيش عمري بس عشان اسعدك حجك عليا والله كت غيران.
نظرت اليه وهمست.... عايزه اخاصمك شويه ينفع.
ابتسم.... اهون علي جلبي يتخاصم وهو جمر اكده.
احتضنته.. طب شويه صغننه والنبي اخاصمك حبه عشان تحرم تخاف علي زعلي.
قال ... لاه ماني حرمت وهخاف اخاف يجي يوم تجمدي عليا يا جلبي كتر الاسيه بيعلم الجفا اخاف اعلمك تجسي عليا انا وعيت لحبيبي انت ماكتيش بتجدري تجسي عارفه ثانيه دلوك جمدتي عليا ساعتين بكره تجمدي يوم بعده تتعلمي واني ماهتحملش هموت ساعتها يبقي لازمن اتلم بطيحتي دي لاجل حبيبي يفضل جلبه ابيض كيف الجشطه.دانا الساعتين دول هموت والله.
تنهدت تحتضنه... انا بحبك قوي يا ليو.
قال بعشق... وانا بعشجك يا جلب ليو لتحاوطه.. هتبطل كل الحاجات اللي بتزعلني ليبتسم ويهز راسه عيوني هتربي اقسم بالله انا ماهتحملش تتغيري انا حبيتك اكده.
ضحكت.. حبيتني هبله صح.
قال ... لاه حبيتك صافيه مسامحه تاخدي العجل. ظلت في احضانه لتهمس بس برضه هخاصمك حبه صغننه ماشي.
ضحك... صغننه ماشي يا ستي. لتضحك وتشده طب تعالي بقه واحنا متخاصمين نشرب حاجه لتذهب الي المطبخ وتفتح التلاجه.. امم البتاعه دي مليانه والنبي عسليه يا ليو لتخرج بعض الاشياء ...قالت... هعملك اوريو باللبن بحبه لتبدا في اعداده ركن يتاملها كانت تاخذ العقل اقترب بهدوء يحاوطها وهيا تثرثر مد يده بهدوء يفك كردان زكريا وهيا في احضانه تضحك وتتكلم ..ابتعد مره اخري ورمي الكردان بعيدا وقف يتاملها ليحس انه ملك الدنيا كانت تتكلم بعفويه وماتلبسه جعله مسحورا لتنتهي وتهتف.. اممم شوب عصير بقه ياخد العقل اقتربت خد اشرب. مسك يدها وشرب نظر اليها بعشق.. مش بس ياخد العجل دا ياخد الجلب كمان لتخجل من نظراته وتبتعد وتهتف.. اشرب بقه عشان احنا قلنا متخاصمين وبطل تبصلي كده بتكسف.
ضحك... طب هنخلص خصام امتي عايز انام.
قطبت جبينها..... لا شويه كده ازعل بقه شويه مش متخاصمين ليه انت مالك مبسوط كده اننا متخاصمين.
ضحك.. حاضر هجعد مجهور اهه ذهب الي الفراش يتصنع الزعل لتتنهد وتذهب لجواره ليستدير وينظر اليها هتفت... ليل قلتلك ازعل ماتبصليش الله.
ضحك وشدها لتصرخ ليقول.... والله ماعت جادر وانت جمر اكده تاخدي العجل.
قالت.... بطل قولتلك عايزه اتخاصم شويه.
داعب وجهها... طب وعشان خاطر ليو حبيبك..
تنهدت... طب هنام في حضنك وهنتخاصم انهارده وهحبك بكره لتكلبش فيه وتحتضنه وتنام علي صدره ..احس بصدره سيتفجر من قربها همس.. دا غلب ايه ده ليل انت هتنهبل اقسم بالله ماكت تتلم من الاول ايه المرار ده.. تنهد يحاوطها ويظل يملس عليها همس جلبي ههون عليه
همست.. بطل بقه عشان هقوم والله.
شدد عليها وهمس ...والله ماعت جادر لتندس اكتر في احضانه وتبدا في الارتخاء ليهمس حوريه انت هتنامي. داعبها وهمس لها بكلمات حبه لتنساب وتنام في احضانه .تنهد بغلب البت نامت يا دي المرار احسن تستاهل انت اللي هتعلمها تجسي وترمح بعيد انت اللي تختار عيشتك يا تطينها علي دامغك يا تنعدل البت ما كت بتتحمل ثانيه دلوك اهي نامت وهيا جاسيه عليك واحده واحده هتخليها ترمح بعيد وتقسي يوم اتنين عشره وساعتها هتعض في روحك حوريه روحك في ايدها لو بعدت انت تموت. نايمه جمر هرت جلبي مامتحملش الا انها تكون راضيه وحابه اتلم يابن الرفاعي مرتك انت اللي هتغيرها انت حبيتها وعشجتها صافيه طيبه هتدخل الجسوه جلبها انت اللي هتتعب. الست الزعل بيجسي جلبها وبتنوجع والوجع بيغيرها من جوا ومره في مره هتنجلب وتعيشك مرار خصوصا ان حوريه عجلها مش زي بجيت الخلج اتلم بقه ...تنهد وتلمسها... طب نامت هيا تصحي اصالحها والله حرمت هنام ازاي اني دلوك وهيا مكلبشه اكده. حبيبي حجك عليا ماعادتش هتحصل هغير اه وهفطس بس هكتم حالي ماحبيبي بيحبني اني منك لله يا زكريا ربنا يولع فيك زي ولعتي دلوك. طب اصحيها والا اعمل ايه. ظل يمسد عليها حتي صار الوقت ليلا وهو يتاملها ويتلمسها بحنان لينام اخيرا من غلبه علي عهد ان لا تتكرر تلك الليله مهما حصل.
استيقظت حوريه في الصباح لتجده نائما لتبتسم وتهمس بحبه يا ناس لو بس يهدي شويه.. لتتنهد ...ليله مخصماك مش قادره هموت عليك يا ليو والله لتقترب وتقبل خده وتهمس وحشتني اصحي بقه عشان تصالحني هتصالح والله.
شهقت عندما شدها واراحها لتهتف ....كده تخضني.
قال بعشق.. يعني حبيبي يصحي يجولي هموت عليك واصحي صالحني واسكت.
همست... ايه ده انت صاحي بسرعه كده.
قال .. اني مانمتش من اساسه يا جلب ليل من الجهر.
لتلين وجهها وتحزن.... ليه بس.
قال .... عشان حبيبي نايم زعلان مني واني طول الليل باكل حالي.
همست.. صحيح زعلت يا ليو طب ماعتش تعمل كده بقه عشان احبك موت.
ابتسم.. زعلت بس.... داني انجهرت اقسم بالله حجك عليا والله عهد عليا لاكتم حالي عشانك اني خايف لتتغيري من ليله امبارح كت هموت.
همست وانت هتفضل حبيبي وهحبك طول مانت بتحبني.
قال .. دانا عاشج للركب دانا شفت ليله وانت في حضني هرت جلبي يمين بالله.
تنهدت وهمست.. ليو انت بقيت حلو قوي انا بموت فيك.
شدها وهتف.. انا خلاص جلبي مش متحمل يمين بالله.
قالت... بسعاده طب صالحني كتير بقه عشان احبك موت احتضنته وهمست... ويلا فوق نروح عند المرسم لتقبله وتقوم.
شدها ....حوريه اهمدي مرسم ايه مش هنتصالح.
قال .... اه خلاص اتصالحنا يا قلبي يلا.
احتضنتها.. حوريه انا صاحي زي الغفير من امبارح مستني الجمر يتصالح.
همست بحب.. هتصالحني كتير.
شدها لتقع في احضانه ...يا لهوي دا جاي صلح هيخلص علينا دلوك.
همس.... وتحبني كتير.
قال بعشق ....اكتر من اكده اموت والله لتحاوطه وتهمس بعشق وهتدلعني كتير كتير كتير.
قال .. حوريه كفايه هفطس اقسم بالله من دلعك ده جلبي انت دلوك خدتي جلب ليل وعجله وماعتش جادر يبعد وتسكتي الله يرضي عنك.
همست... اسكت لو سكت هفضل برضه احبك و اعشقك مانت ليلي وحبيبي وانا قلبك وعارفه اني بقيت في قلبك ولا عمري اخرج منه .
همس.. انت حوريتي اللي طلعت من الميه دخلت جلب الليل. حوريه اللي لمست جلبي الحجر وخطت جواه عملته براح ليها تجعد فيه ولا يكونش غير ليها. جلب الليل الجامد جلب الليل اللي ماكان ليه في الحس ولا المشاعر. جلب الليل اللي كان مليان غل ودمار. حوريه خطته وبقت في جلبه حوريه بقت وهتفضل العمر كله حوريه في قلب الليل العاشق.
نظرت اليه بعشق وتقترب تقبل عيونه احس بقلبه سينشق همس.. لا مابتتعملش اكده ليشدها اليه ويغوص معها في بحور العشق عشق اتي بعد عناء عشق اتي من العذاب عشق اتي بتلك الجميله التي ما ان قربها الليل انساب وصدحت بداخله اجمل المشاعر.