حوريه في قلب الليل

الحكايه الخامسة عشر

#حوريه_في_قلب_الليل
#حكايات_mevo
البارت الخامس عشر...
كان ليل يسمع لكلام زوجه عمه ونفس الوقت مشتعلا لاحساسه بنار بداخله علي حوريه شعر بالغضب من نفسه ومنظره امامهم فصرخ.. اغير علي مين اني اتجنيتو اياك. ليل مابيغرش علي حد. بس مرتي ماتنكشفش لو كت من عند العفريت. مش عشانها عشاني عشان اني ليل اللي منه يحفظ نفسه. عشانه بس غيره ورط ومياعه مش اني يا مرت عمي اندفع يشد حوريه التي كانت دموعها تسيل من كلامه القاسي.
صعد بها الي الاعلي دخل بها وصرخ..... تاني مره جتتك تبان يمين بالله ازرجهالك واخلص عليكي فاهمه. هزت راسها برعب. فصرخ... اشوفك بلبس مكشوف هفلجك نصين وقف ينظر اليها بغضب لتنكمش اكثر خوفا كانت جميله وذلك الفستان يظهر مفاتنها بشده ليلين وتلين ملامحه تنهد.. يا رب تعبت بقه.
اقترب فدموعها تسيل يهتف.... تاني مره ماتشتريش حاجه فاهمه والله اجتلك.
شعرت بغلب شديد... لتستدير غاضبه وتذهب الي دولابها وهيا باكيه وترزعه وتدخل الحمام وهو يقف مبهوتا من فعلها وجدها تخرج مندفعه تضع العباءة في يده.. هتفت دامعه.. خد اهيه انا ماكتش عايزه اصلا اشتري خدها اشبع بيها ساره اللي قالتلي وماعتش هجيب ماتزعليش قوي كده.
ظل واقفا لا يفهم شئ اقترب وشدها اليه لتتململ فحاوطها هاتفا... وماتشتريش ليه .
لتسيل دموعها.. عشان ماعيش فلوس انا . دفعته وبدات تبكي.. ليستغفر ربه..
يا رب تعبت.. اقترب وشدها.... فلوس ايه يا حوريه انت هبله .
نظرت اليه ساخطه... فلوسك اطمن ماهشتريش حاجه انا اصلا مش عايزه حاجه.
اقترب منها وهتف ....انت عقلك ترللي اقسم بالله اني جولت حاجه.
صرخت.... مش قولت ماتشتريش.
تنهد.. اه ماهو مرار.. اني جصدي ماتشتريش حاجه من غير ماعرف عشان مانحصرش كيف انهارده.
ظلت قاطبه... هتفت غاضبه... وتنحصر ليه انت الله عادي البس اقلع انا حره وزكريا خاف عليا بتزعقله ليه وانت اصلا ماخفتش.
انفعل واقترب يشدها من ذراعها ليصرخ..... كنه خاف عليكي وانا ماخفتش.
هتفت غاضبه.. ايوه غار عليا قول انت غرت انت ...انت قولت ماغيرتش. قول انت كت غضبان ليه انت وبتقول تحت مش بغير وتحرجني قدام الناس قول كت غضبان ليه.. صحيح زكريا عنده حق مابتحرش عليا.
صرخ.. لو كملتي يمين بالله لافلجك نصين.
صرخت.... امال كت غضبان ليه وبتزعقلي وتلويلي دراعي.
هتف.. مالك انت غضبان والا متزفت وغيره وطين و مياعه اني راجل حر وانتي حرمتي تظهري اكده افلجك نصين.
انفجرت بالبكاء ليصرخ..... بطلي كل اما اكلمك تفتحيلي حنفيه بطلي بقه. نظرت اليه بقهر
تحاول ان تكتم نفسها ...ليستغفر ربه.. بصيلي كمان واحصريني بصيلي واهبليني خليني اكل حالي دا مرار واستدار هاربا من امامها.
وقفت حوريه حزينه.. زعلانه ليه انه مش بيغير عادي هو بيكرهك هيغير ليه.. خليكي في حالك بلا وجع لقلبك. تنهدت لتدخل عليها ساره تحتضنها.. ماتزعليش ليل غيار موت هو طبعه اكده.
هتفت حوريه.. غيار.. اسكتي والنبي واحد بيكرهني هيغير.
هزت ساره راسها.. اه والله موت بس طور مابيتفاهمش ومرات عمي حقنه ربنا يهديها.. جلست حوريه حزينه تفكر في كلامها لتشدها ساره وتهتف.. طب ايه رايك نجوم تعالي ادخلك المشتل بتاع ليل نجعد فيه شويه ونزرع فيه هاه ايه رايك.
لتبتسم حوريه.. بجد ينفع.
قامت ساره.. جومي يلا هفرحك البسي العبايه.
تنهدت حوريه.... لا ياختي اخوكي هيفلقني نصين.
ضحكت ساره.. ماتخافيش هنخش من الباب اللي شابك في المشتل ماحد هيوعالك. لتسعد حوريه وتلبس العبايه لتاخذها ساره ويبدا في ري الزرع هنا وهناك وحوريه سعيده تقفز هنا وهناك ذهبت الي احد الاحواض لتهتف .. ساره انا هزرع دول سيبيني ازرعهم كلهم ماشي.. ابتسمت ساره وتركها وبدات حوريه في النزول للاحوض وبدات تغني بصوت يدخل للقلب وهيا سعيده تزرع ما بيدها ولم تلاحظ ذلك الذي دخل إليهم.
نظرت اليه ساره واقتربت منه تهمس... بالراحه يا اخوي حوريه تاخد الجلب ماتزعش فيها ماتستاهلش اكده لتربت علي كتفه تتركه وترحل.
وقف هو يركن علي احد الاشجار يتاملها ويتامل جمالها كانت العبائه تعطيها حالميه رهيبه وجسدها يظهر ناعم من تحتها وشعرها يهب يمينا ويسارا وهو يسمعها تغني بصوت ساحر لتنتهي وتذهب تغسل يديها قرب النيل لتتنهد.. نفسي افضل هنا وما اخرجش ابدا ليهم بره هما وحشين ومش بيحبوني. تنهدت.....ليه ماحدش بيحبني انا غلبانه ومش بعمل حاجات وحشه في حد ليه.. لتتذكر زوجها.. هو ليه بيقلب كده ماكان حلو ليه مش بعمله حاجه بيكرهني ليه.
كان يسمعها ويتالم من داخله فصوتها يقطر الما اقترب ليجدها تتنهد وتنظر للاعلي وجدت اغصان التوت تتدلي.
قفزت تاخذ منها ولكنها لم تطولها ظلت تحاول وهو يضحك عليها.
تنهدت... عاليه عايزه اكل منك اعمل ايه طيب قصيره انا.. الواد ليل طويل اروح اقله يجي يجبلي.. تنهدت.. لا مش هقله هو وحش مش بكلمه اصلا شرير هو وعمته.
ظلت تقفز لتشهق عندما وجدت نفسها ترفع تطول الغصن نظرت وجدت ليل يرفعها لتمد يدها تاخذ بعض التوت تاكلها ظل رافعها حتي قطفت بعضه ثم انزلها بهدوء ملتصقا بها ابتعدت علي الفور غاضبه منه وتبدا في اكل ما جنته .
ابتسم فهيا تبدو كطفله سارقه لبعض الحلوي.
اقترب يهتف... ايه مش هتديني شويه مش جبتلك اني.
هزت كتفها ولم تكلمه.
ابتسم واقترب ومسك يدها ويأكل منها متلمسا اصبعها هامسا.... تاخد العجل والله.
شدت يدها بخجل وابتعدت .
هتف... ايه مخصماني. نظرت اليه غاضبه.. ضحك.. كيف العيال الصغيره اقسم بالله اقترب... يعني غلطانه وغضبانه كمان.
هتفت غاضبه.. انا ماعملتش حاجه غلط انت اللي من الصبح بتعض فيا انا ماعملتلكش حاجه الصبح في القوضه تقلي مصيبه وتحت تقلهم مابغيرش وتولع.. انا جيت جنبك اصلا عشان تغضب ليه كده..
تنهد فزوجه عمه جعلته يتلفظ بشئ مخالف لما بداخله غاضبا اقترب ومسك يدها ليهتف.. اني عارف اني زعيت كتير خلاص حجك عليا انا كت مكوي ينفع تلبسي اكده جدام المحروج لاه ونازله تجري من غير العبايه وجتتك بتنور ينفع اكده.
قطبت جبينها.. جتتي بتنور.. نظرت لنفسها.. بتنور ازاي مش فاهمه انت بتقول ايه هو انا مركبه لمبات انت عايز تقول اي حاجات. عموما انا اصلا ماليش دعوه بيك وخلاص عرفت بتلبسو ايه هبقي البس شوال عشان سيادتك ماتزعلش قوي وماعتش هتشوف مني حاجه باينه خلاص عشان ماتقلبش عفريت من غير سبب.
تنهد.. كنك هتلبسيلي شوال هتف بقهر.. يعني المحروج يشوفك اكده واني تلبسيلي شوال...
تنهد... يا حوريه عوايدنا غير طرفك مايبان افهمي عيبه في حج الراجل.
تنهدت..... طب قول بالراحه انا ماعرفش. واقف تشدني وتلوي دراعي انت وحش قوي قوي. نظرت اليه غاضبه.. ليييل.. انت جواك شرير علي فكره.
انطلق ضاحكا لتصرخ.. شرير وكياد هاه يلا اقترب فصرخت شدها اليه
دفعته غاضبه.... اوعي بقه يا اخي.
انزلق هو قرب منزل النيل ليقع في المياه شهقت هيا وترتعب.
صرخت..... ليل...... ليل كان هو يغطس في المياه صرخت برعب.. ليل ليل والنبي انا مابعرفش اعوم نهار اسود انت هتموت.
نزلت مسرعه ومسكت احد العصيان.
صرخت..... امسك امسك الا انه لم يمسك العصا وظل يغطس ويخرج لترتعب وتصرخ برعب وتنهار من البكاء اقتربت اكثر ونزلت برجلها الي المياه.
صرخت.... انا انا مش بعرف اعوم بس همسكك مش هسيبك نزلت اكتر كانت ترتعش اقترب هو مره واحده نظرت اليه وتمسك يده كان يوهمها بذلك وما ان مسكت يده حتي شدته لي
صعد هو لتندفع وتحتضه بقوه ولم تهتم بابتلاله.
ابتسم علي طيبتها فهيا تخاف عليه لتبتعد ....انت كويس قول والنبي..
هز راسه بصمت شدته علي الفور وصعدت به لاعلي دخلا الحجره اندفعت تحضر فوطه وظلت تنشف راسه ووجهه بحنان ولهفه وهو مستسلم لها سعيد باهتمامها وعيونه تأكلها رغبه. ذهبت الي الدولاب تحضر تي شيرت يلبسه وبنطالا لتخلع لبسه المبلل وتنشفه رغم خجلها وهو يتاملها بهيام سارحا في ذلك الجمال الرباني لتنتهي وتعطيه البنطال وتستدير تذهب تحضر له شيئا ساخنا لتعود وجدته جالسا مغمض العينين يتذكر لهفتها عليه وخوفها وهو الذي صب عليها غضبا بلا داعي بل أحرجها امام الكل .
تنهد ووضع يده علي قلبه يحاول ان يهدئ خفقان قلبه.
احس بلمسه حانيه علي يديه تنهد اكثر همست... ليل.. ليل.. مدت يدها الي خده مسك يدها وفتح عيونه.
هتفت.... انت كويس.
تنهد وهز راسه اقتربت تعطيه المشروب.. اشرب عشان ماتبردش.
شرب وهو يتاملها وهيا تفرك بخجل من نظراته همست.... هو انت مش بتعرف تعوم.
هتف.. يعني مش جوي.. كان يكذب عليها هتف.. خفتي عليا.
هتفت مندفعه.. موت والله كت مرعوبه عليك.
ابتسم ومسك يدها ليهتف.. بجد يا حوريه.. خفتي علي ليل الوحش.
خجلت من اندفاعها هتفت..... حتي لو وحش انا بخاف علي كل الناس لتشد يدها.
اقترب منها يهمس ....لساتك زعلانه مني صوح. تنهدت اقترب يلتصق بها يهمس.... طب اصالحك طيب.
قبل وجهها لتتنهد وتنظر اليه لتلين من طيبتها.
هتف.. اني لو منك كت سيبتني افطس.
اندفعت تضع يدها علي فمه.. بعد الشر ليه كده.
همس بحنان دونا عنه... عشان زعلت الجمر ده.. انت حاجه تانيه ماشفتش والله.
همست... طب خلي بالك بعد كده والنبي لتقترب ليل انا انا اسفه.
قطب جبينه.. لتكمل بحنان.. عشان كت هموتك والله مقصدي ابقي وحشه ممكن تسامحني.
رفع جبينه فهيا التي تحولت لتعتذر.
هتف.. حوريه انت جايبه جلبك ده منين.
نظرت اليه بعدم فهم... هتف.. انت غير الناس انت في دنيا تانيه.
همست.... طب سامحني والنبي لو كت مت كت موت وراك انا مش بستحمل حد يتأذي بسببي.
ابتسم.. كن اكده طب لو زعلان هتصالحيني.
مسكت يده... اه عادي اقول اسفه تتصالح.
ضحك.. بسيطه اكده.. كنك تجولي اسفه اتصالح.
هتفت بحنان.. اه انا اللي بيقلي اسف بتصالح علي طول هفضل زعلانه ليه.
ابتسم بحنان.. عشان انت غير الناس. بس اني غير يعني زي مابتجولي اكده جوايا حته شر.. يلا صالحينى.ليشير الي خده خجلت و هزت راسها ليبتسم.. كنه لاه.. طيب اني مش مسامح وكت هموت وافطس وتبقي السبب.
نظرت اليه ببراءه وحزنت ابتسم بس هتصالح لأجل خاطرك يلا بقه.
اقتربت وهيا تفرك بيدها همست...... طب... طب وطي انت طويل.
اقترب ورفعها شهقت ليهتف.. يلا انجزي هنجعد ساعات اياك..
اقتربت خجوله تضع شفتيها علي خده بسرعه وتبتعد احس بقلبه سينفلق ليهتف ....لاه ماتحسبش انت بتخبطي وتجري.
تنهدت تعيد مافعلته مره اخري ليدير وجهه لتستقر شفتيها علي شفتيه لتشهق وتبتعد براسها مسكها يثبتها وينهال عليها ليتجلد ويبتعد وينزلها .احنت راسها علي صدره خجلا ضحك هتف ......هتفضلي مكموشه اكده عادي مرتي ايه اللي حوصل.
همست بخجل.. عيب بطل انت وحش.
حاوطها... اه والله فعلا اني وحش.
سمعا خبطا عالباب تنهد هو يبتعد ليتفاجا بصابحه تندفع.. مالك يا واد عمي جالولي انك كت بتمطس في الميه لعله خير. دانت سباح علي ابوه. ايه اللي حوصل جلجتني والا بت العتامنه جدامها فجر علينا كت روحك هتتاخد بسببها.
نظرت اليها حوريه بغضب فهو كذب عليها .. لتندفع خارجه وتركتهم.
وقف ليل مشتعلا ليهتف.. مالك يا محروجه امطس والا اتنيل مالك انت. ومالك ببت العتامنه كان حد اشتكالك. دا مرار ايه ده منك لله هو فيه ايه كت في ايه وانحدفت عليا.
استدار يبحث عن حوريه فهو كان في حال ياخذ العقل هتف.. عارف فجر اني فجر. يا يجلبوني عفريت اعض فيها وترمح. يا يجو يحصروني لما اجرب ويخلوها ترمح برضك. دا مرار.
*********
ذهبت حوريه للؤلؤ وجدتها تجلس مع جاسر وساره يضحكو.
تنهدت واقتربت حزينه وجلست لتلاحظ لؤلؤ ذلك اقتربت منها تحتضنها وتتكلم معها ليظلا منهمكين في الكلام بدات لؤلؤ في قص نوادر حوريه.
ضحك جاسر ....نزل ليل يقف من بعيد يسمع ماتقوله لؤلؤ عنها ليعلم انها تمتلك من الطيبه الكثير.
هتفت لؤلؤ.... عارف يا جاسر لو حد مزعل حوريه ولو انها مابتزعلش وبتسامح زي الهبله بس عارف لو مموتها كده وبس دخلت عليها بغزل بنات هتنسي اصلا انت عملت ايه لو حتي كت فلقها نصين هبله اخر حاجه.
ضحكت حوريه.. بطلي بقه ايه بحبه اسكتي.
ضحكت لؤلؤ... يلا يا هبله انت واحده معاقه.
هتف ليل.. هيا الطيبه عندكو تبقي معاقه.
نظرت اليه لؤلؤ بسخريه .. لا بس الطيبه ماتمشيش مع اي حد ويعرف يقدرها فيه ناس جاحده ماتنفعلهاش الطيبه وتوبها مش لايق.
تنهد فهيا تلمح عليه ليهتف.. مش كل الناس. فيه ناس تبان جاحده وجواتها الحنيه كلها يا بت الناس.
هتفت بسخريه.. اه طبعا زي ناس.لتكمل.. الحنين للحنين والجاحد للجاحد واللي كاتم حنيته يخلهاله. بس خلي بالك فيه ناس برضه جاحد من بره بتقف للي شكلها وهتسيبش حد يقرب من حاجه مش بتاعته ولا هتبقي بتاعته.
ضغط جاسر علي يدها..
هتف ليل... وبرضه فيه ناس جاحده حنيتها تتغلب وتجف ولو روحها طلعت ماحد ياخد حاجه بتاعته.
قامت لؤلؤ تنظر اليه بتحدي... مش لما تبقي بتاعته.الوهم حلو برضه.. لا بتاعته ولا عمرها هتبقي ويجلها اللي يقدرها ويشيلها في نن عنيه ودا عهد عليا.