အခန်း - ၂၅
Lighthous of love 💜🖤 အချစ်မီးပြတိုက်လေး
"လွန်းလေးအထဲဝင်ရင်ဝင်နေလေ မမတို့ရှိတာပဲ"
"မဝင်တော့ပါဘူးမမရယ် လွန်းငယ်လဲဝန်ထမ်းပဲ အမြဲကြီးရှောင်နေတာတော့မဟုတ်သေးဘူးလေနော့"
"မဟုတ်တာပဲ လွန်းလေးကငယ်သေးတော့ မမတို့က အမူးအရူးသမားတွေနဲ့မတွေ့စေချင်လို့လေ အထဲဝင်နေပါဆို"
"အဆင်ပြေပါတယ်မမသီရဲ့ ရတယ်ဘာမှမဖြစ်ဘူး ဒီအခန်းနဲ့နောက်တစ်ခန်းပြီးရင် အခန်းပြတ်ပြီမလား လွန်းငယ်ဖြစ်ပါတယ်"
"အင်းပါ မမတို့ကလွန်းလေးကြောက်မှာဆိုးလို့ ပြဿနာတော့မဖြစ်ပါဘူးအဆင်ပြေမှာပါ"
အမူးအရူးတွေဆိုပေမယ့်လဲ bill ရှင်းရုံသာ Counter ရှေ့သို့ရောက်လာကြပြီး ရစ်ခြင်းအလျဥ်းမရှိကြပဲ Bill ရှင်း၍သာပြန်သွားတတ်ကြသည်။ တစ်ခါတစ်လေတော့ အကြည့်တို့သရမ်းတတ်ကြသော်လည်း လွန်းငယ်က Counter အောက်ငုံ့၍ ပုန်းတတ်သည်ဖြစ်၍ သိပ်ပြီးတော့လဲ အဆင်မပြေလှသည်တော့မဟုတ်ပေ။ ယခုမှာက အတော်မူးနေကြသည်ပြော၍သာ အနည်းငယ် အကြောက်ပိုခဲ့မိရုံသာ။
မကြာလိုက်ပါ ယိုင်နှဲ့နှဲ့နှင့်ထွက်လာကြသည်က လူငယ်ဆယ့်ငါးယောက်ခန့်လောက်ရှိသည့် အုပ်စုတစ်စုဖြစ်သည်။
"ဘယ်လောက်ကျလဲ အေ့..."
"၁၀၆၈၀၀၀ ပါအကို "
"မင်းကိုမမေးပါဘူး အေ့...ဒီကညီမလေးကိုမေးတာ ဂေ့..."
"ဟုတ်ကဲ့ ၁၀၆၈၀၀၀ ကျပါတယ်အကို"
လွန်းငယ်ကိုညွှန်ပြ၍ မေးသည့်အခါ မမသီကဘေးမှဝင်၍ဖြေပေးသည်။
"ဟ.. များလိုက်တာ ငါတို့ကသီချင်းလေးဆိုရုံနဲ့.... အရက်လေးမဆိုသလောက် သောက်ရုံကို...၁၀ သိန်းကျော်တယ်ပေါ့"
"မင်းအရမ်းအရစ်ရှည်တာပဲကွာ.. အခန်းထဲမှာအရက်တွေခွေးသောက်သောက်ထားတာလဲထည့်ပြောလေ"
ထိုလူငယ်အုပ်စုထဲမှ ထပြောလာသည့်လူက နည်းနည်းသဘောကောင်းသယောင်မို့ လွန်းငယ်သေချာကြည့်မိသည်။
"ဟင် ဟိုလူ..."
တိုးညှင်းစွာထွက်သွားသည့် စကားလုံးနှင့်အတူ လွန်းငယ်တစ်ဖက်သို့မျက်နှာလွှဲပစ်လိုက်သည်။
STAI LEGGENDO
Lighthouse Of Love (Completed)
Storie d'Amoreအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
