အခန်း - ၆၆ (ဇာတ်သိမ်းပိုင်း)
Lighthouse of love 💜 အချစ်မီးပြတိုက်လေး
မနက် ၇ နာရီထိုးသည့်တိုင် ဥဿာလက်ကိုခေါင်းအုံးအိပ်နေသည့်ခလေးက သူ့ရင်ဘီဆီမျက်နှာလေးမူ၍ဖြစ်သည်။ ပန်းနုရောင်မျက်နှာလေးမှာ ချစ်စရာလေးဖြစ်ပြီး ပေါက်ပြဲနေသည့်နှုတ်ခမ်းဖူးဖူးလေးကြောင့် ဥဿာပြုံးမိသွား၏။ တစ်ပေါက်ကဥဿာကိုက်ထားတာဖြစ်ပြီး ကျန်အရာလေးတွေက ရှက်ပြီးခလေးသူ့ဘာသာကိုက်ထားတာဖြစ်သည်။
ဆံနွယ်လေးတွေကိုဖိအိပ်ထားသည့်ခလေးက ဆံပင်တွေမနာဘူးလားမသိဘူးဗျာ။ ဥဿာညကလက်လွန်သွားသည်ကြောင့်လဲ ခလေးကိုသနားရသည်။ ဒီခလေးလေးကိုမှ အများကြီးယူမိသွားပြီပဲကွာ...။
စိတ်မကောင်းဖြစ်မိပေမယ့်လဲ ပြန်တွေးမိပြန်တော့ ရင်ခုန်ရပြန်သည်။ ဒီအလှလေးကို ကိုယ်အရာရာပိုင်ဆိုင်ခဲ့ပြီပဲကွ။ ချစ်ရသည့်ခလေးမျက်နှာအုအုလေးထက်မှ နဖူးပြင်လေးကိုအနမ်းလေးပေးလိုက်တော့ ဥဿာနှုတ်ခမ််းသားတို့ပူထူသွားရသွား၏။
"ဖျားနေတာလား..."
မသင်္ကာ၍ ကိုယ်လေးစမ်းမိတော့ ဟုတ်ပါသည်။ ခြစ်ခြစ်တောက်အောင်ကို ပူနေပါသည်။ တစ်နေကုန်ပင်ပန်းထားသည့်သူလေးကို ညကအချိန်လင့်သည်အထိနေမိလိုက်သည့်မှာ ဥဿာအမှားပင်ဖြစ်သည်။ ယခုတော့အကုန်စုပြီး ခလေးလေး ဖျားသွားပြီပေါ့။
အတော်ဖျားနေသည့်ခလေးကို ရေဝတ်လေးကပ်ပေး၊ ရေပတ်လေးတိုက်ပေးနှင့် ဥဿာပြာပြာသလဲဖြင့်ပြုစုပေးရသည်။ ဒါနှင့်လဲ မနက် ၈ နာရီထိအဖျားမကျသေးပဲအိပ်နေသေးသည်ကြောင့် ခေါင်လွင်ကိုသာ ပြေးခေါ်ရန်ရှိတော့၏။
"ငါဆေးထိုးပေးခဲ့မယ် နဲနဲထပ်အိပ်ခိုင်းလိုက်အုံး"
"အေး"
ဥဿာကိုမကြည်ကြည့် ကြည့်ပြီး ခေါင်လွင်က ခေါင်းရမ်းသည်။ "ငါညကနဲနဲပဲလွန်တာပါကွ" ဟုပြောတော့မည့်ဆဲဆဲတွင် ခလေး၏အကိုဖြစ်သည်ကြောင့် မသင့်တော်ဘူးဟုတွေး၍ ထိန်းလိုက်သည်။
"ငါ့ညီမကို မင်း ဂရုတော့စိုက်နော်"
"ငါဂရုစိုက်ပါတယ်ဟ ယောက်ဖရ"
VOUS LISEZ
Lighthouse Of Love (Completed)
Romanceအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
