အခန်းး - ၅၉
Lighthouse Of Love 💜 အချစ်မီးပြတိုက်လေး
လွန်းငယ်ထွက်ပြေးခဲ့ပါသည်။ ဘယ်နေရာလဲဆိုလျှင် ရန်ကုန်မြို့ကိုပင်ဖြစ်သည်။ အဝေးကြီးကိုထွက်မသွားနိုင်လို့ ခွင့်လွှတ်ပါအန်တီ။ ဒါပေမယ့် သူဌေးလူကြီးမတွေအောင်တော့ လွန်းငယ်ပုန်းနေမှာပါ။ သွားစရာမရှိ၊ ပုန်းနေစရာမရှိသည့်လွန်းငယ်တို့ကို မေမေ့သူငယ်ချင်းကခေါ်ပြီး ရန်ကုန်ကိုလာနေခိုင်းခဲ့၍ ကျေးဇူးတင်ရသည်။
လူစည်ကားပြီး ပြန်တွေ့နိုင်ချေမြင့်သည့်ဒီရန်ကုန်မြို့ကြီးဟာ မမသျှင်ယွန်းဖြူငယ်နှင့်အကိုခွန်းစေရာတို့၏ အရိပ်အောက်မှာမို့ မည်သူမှရှာမတွေ့နိူင်ပဲ လွန်းငယ်လုံလုံခြုံခြုံရှိနေခဲ့ခြင်းဖြစ်သည်။ အပြင်မထွက်တာလဲ ပါမှာပေါ့လေ။ လွန်းငယ်တို့မိသားစုတွေ အပြင်ကိုမထွက်ပဲ family Center ကြီးအတွင်းရှိ အခန်းတစ်ခန်း၌သာ နေခဲ့ပါသည်။ မမဖြူငယ်က နေစရာ၊ စားစရာတို့ကိုပါပေးပြီး ဆေးကုသဖို့ထိပါ စိုက်ပေးနေလေသည်ကြောင့် ပါလာသည့် ပိုက်ဆံလေးအနည်းငယ်ကို ယခုထိထုတ်မသုံးရသေးပေ။
၆လ ရောက်ခဲ့ပြီ သူဌေးလူကြီးကိုမတွေ့ရတော့တာ ၆ လတောင်ရှိခဲ့ပြီပေါ့။ စိတ်ကြောင့် ခန္ဓာကိုယ်မှ ဒဏ်ရာတို့ဟာ မပျောက်သေးပဲ ကျန်နေသေးသည်ကို ဆေးရုံသို့ပြရန် အကိုဘုန်းသစ်က ကူညီပေးလေသည်။ ဆရာဝန်ညွှန်းသည့်ဆေးတွေကို ဖေကြီးကသွားဝယ်နေပြီး အကိုဘုန်းသစ်က သူ့ သူငယ်ချင်းဆီသွားနှုတ်ဆက်နေသည်ကြောင့် လွန်းငယ်တို့သားမိမှာ ဆေးရုံရှေ့မှကားဘေးတွင်ရပ်စောင့်ကြသည်။
"သူများခလေး..."
"ဟင် ဆရာဝန်ကိုကြီး..."
"လိုက်ရှာလိုက်ရတာကွာ ကိုကြီးစိတ်ပူနေတာကွ"
လွန်းငယ်မတွေ့ချင်ဘူး။ သူဌေးလူကြီးရော၊ သူဌေးလူကြီးရဲ့လူတွေရော အကုန်လုံးကို လွန်းငယ်မတွေ့ချင်တော့ဘူး။ ဒီလောက်အချိန်မတော်ကြီးကို ဘာလို့လာတွေ့နေရတာလဲ။ ထွက်ပြေးလာတဲ့လူကိုမှ ဘာလို့ ရှာတွေ့သွားရတာလဲ။
"ဥဿာကသူများခလေးကိုအသဲသန်လိုက်ရှာနေတာကွ နေပြည်တော်ပြန်ကြမယ်နော် ဒါမှမဟုတ်အဲ့ကောင်ကိုခေါ်လိုက်ရမလား ဥဿာကြီးပျော်နေမှာကွာ ဟားဟား... တွေ့ပြီကွ"
STAI LEGGENDO
Lighthouse Of Love (Completed)
Storie d'Amoreအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
