အခန်း - ၅၈
Lighthouse Of Love 💜 အချစ်မီးပြတိုက်လေး
ခလေးရဲ့ဆွေမျိုးတွေရှိသည့် ညောင်ပင်သာဆိုသည့်ရွာကိုလဲ ရောက်သွားခဲ့သေးသည်။ သို့ပေမယ့်လဲ အခြေအနေ မထူးပါဘူးလေ။ အဆက်သွယ်ပြတ်သွားတာကြာပြီဖြစ်သလို ယခုလဲ မရောက်လာကြဘူးတဲ့ဗျာ။
"ဘာထူးသေးလဲငလင်း"
"မထူးဘူးခမ်းထည် ငါတို့ဘက်လဲ ဘာအစအနမှကိုမရသေးတာ"
"ဘယ်မှာလဲကွာ ခလေးဘယ်ရောက်နေတာလဲ"
"လောလောဆယ် Hotel ခွဲတိုင်းကို ခလေးပုံပြပြီး ဝန်ထမ်းတွေကိုထွက်ရှာခိုင်းထားလိုက် ပြီးရင် ခလေးကိုရှာဖို့ကြည့် သပ်သပ်လူထပ်ခန့်ပြီးရှာခိုင်းလိုက်ဇေလင်း ငါနေပြည်တော်ထဲပဲရှာမယ်"
"ရတယ်လေ ငါစီစဉ်လိုက်မယ်"
"အင်း...နေအုံးဇေလင်း ရှာတာကိုသိုသိုသိပ်သိပ်ပဲရှာခိုင်း မသမာသူတွေငွေညှစ်ချင်ရင် ခလေးကိုအန္တာရယ်ဖြစ်ဖြစ်ပေးနိုင်တယ် ခလေးလုံခြုံရေးအတွက် လူကိုသေချာသန့်ပြီးမှရှာခိုင်း"
"ok ခမ်းထည် အော်မေ့တော့မလို့ ရန်ကုန်ဘက်ကိုခေါင်လွင်ကစိတ်ချတဲ့ သူ့လူတွေလွှတ်ပြီးရှာနေပြီတဲ့"
"အွန်း ဒါဆိုလဲဒါပဲဇေလင်း ငါဖုန်းချပြီ"
ကိုယ့်အပူနှင့်ကိုယ်မို့ ခေါင်လွင့်ဖခင်နာရေးကိစ္စကိုမမေးမိပေမယ့်လဲ ခေါင်လွင့်ဘက်ကရှာပေးနေပြီဆိုတာနှင့်တင် ကျေးဇူးတင်နေရပြီဖြစ်သည်။
ခလေး၏အိမ်ပတ်ဝန်းကျင်တွင်လဲ ထူးခြားသည့်အရိပ်အယောင်ဆို ဘာအရိပ်အယောင်မှမတွေ့ရပေ။ သွားဖူးသည့်နေရာများကိုလဲ အခေါက်ပေါင်းမနည်းအောင် ရောက်လို့လိုက်ရှာခဲ့သည်။ ခလေးအပုန်းတော်လိုက်တာကွာ တစ်ပတ်လုံးလုံး တကယ်အစအနကို ရှာလို့မရခဲ့တာပဲကွ။
ခလေးက ဘယ်ကိုများ သွားတတ်မှာလဲ။ ဘယ်မှသွားဖူးတာလဲမဟုတ်ပဲနဲ့ခလေးရယ်...။
"ခလေးကဒီနေပြည်တော်ကြီးကိုပဲချစ်တာ ခလေးပုန်းရင်ဒီနေပြည်တော်ထဲမှာပဲ ပုန်းနေမှာ။ ဟုတ််တယ် နေပြည်တော်ထဲမှာပဲ ရှာရမယ်"
VOCÊ ESTÁ LENDO
Lighthouse Of Love (Completed)
Romanceအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
