Lighthouse Of Love (Completed)

Part - 55

အခန်း - ၅၅
Lighthouse Of Love 💜 အချစ်မီးပြတိုက်လေး

၂၀၂၁ ခုနှစ် နိုဝင်ဘာလ ၁၁ရက်။

Birthday သီးချင်းဆိုအပြီးတွင်် မျက်လုံးတို့မှိတ်၍ လက်အုပ်ချီကာ ဆုတောင်းနေသည့်သူဌေးလူကြီးကို လွန်းငယ်ငေးကြည့်မိ၏။ လွန်းငယ်ကိုချည်နှောင်ထားသည့်ကြိုးက တော်ရုံကြိုးမှမဟုတ်ပဲ။ ပြီးပြည့်စုံပြီး လူတိုင်းချည်နှောင်ခံချင်ကြတဲ့ ရွှေကြိုးလိုမျိုးအဖိုးတန်လွန်းလှသည့်ကြိုးမျိုးမို့ ကြားမှဖြတ်တောက်ချင်နေကြသည်မှာလဲ အများသားဟု တစိမ့်စိမ့်ကြည့်ကာတွေးနေမိသည်။

ဒါပေမယ့် ဒီလိုအဖိုးတန်ကြိုးမျိုးမို့ လွန်းငယ်ချစ်ခဲ့မိတာတော့ ဘယ်ဟုတ်မလဲ။ လွန်းငယ်အပေါ် အရမ်းဂရုစိုက်ပြီး ကာကွယ်စောင့်ရှောက်ပေးလို့သာ လွန်းငယ်သံယောဇဉ်တွေတိုးပြီး ချစ်ခဲ့မိတာဖြစ်သည်။ ယခုတော့ ဘယ်လိုမှကိုဖြတ်တောက်လို့မရအောင်ထိ လွန်းငယ်ရင်ထဲကို ထိုကြိုးလေးငြိတွယ်သွားခဲ့ပြီပင်။

ဒီနှစ်ဆုတောင်းဟာ ရှေ့နှစ်များစွာကတောင်းခဲ့သည့် ဆုတောင်းတွေထဲ၌ အလေးနက်ဆုံးနှင့် တောင်းဆုအများဆုံးဖြစ်ခဲ့သည်။

ခလေးအမြဲပျော်ရွှင်ပါစေ။ လိုတရတဲ့ဘဝလေးပိုင်ဆိုင်ပါစေ။ အေးမြတဲ့ဘဝလေးပိုင်ဆိုင်ပြီး အပူပင်ကင်းစွာတည်ရှိပါစေ။ စိတ်ညစ်စရာတွေကင်းဝေးပြီး သာယာတဲ့ဘဝလေးထူထောင်နိုင်ပါစေ။ ခလေးကိုအမြဲချစ်ပေးပြီး ခလေးအပေါ်ကျရောက်မည့် အန္တရယ်တွေကို ကာကွယ်ပေးနိုင်ပါစေ။ ခလေးနဲ့ပျော်ရွှင်ရတဲ့ဘဝလေးကို နှစ်ကိုယ်တူ ထူထောင်နိုင်ပါစေ။ ဘဝတစ်လျှောက်လုံး ဆူး​ညှောင့်ခလုတ်တွေမရှိပဲ ပေါင်းဖက်နိုင်ပါစေ။

*ဖူး...*

ဖယောင်းတိုင်မီးမှုတ်ပြီးသည်နှင့် သူဌေးလူကြီးပြုံးပြသည့်အပြုံးလေးမှာ အေးချမ်းလွန်းလှသည်။ ဒီအပြုံးလေးကြောင့် ယနေ့အထိ လွန်းငယ်အားတင်းပြီးရှေ့ဆက်နိုင်ခဲ့တာပေါ့။ အပြုံးတစ်ချက်က အားဆေးတစ်ခွက်ပါပဲလေ။

"ဟပါအုံး အာ...."

ခွံ့ကျွေးသည့် ကိတ်လေးကိုစားလိုက်တော့ အတော်လေးအရသာရှိသည်ကြောင့် လက်မလေးထောင်ပြ၍ ကောင်းသည်ဟုမှတ်ချက်ပေးလိုက်တော့ လွန်းငယ်ပါးကိုဆွဲဖိညှစ်လေသည်။