အခန်း - ၆၀
Lighthouse Of Love 💜 အချစ်မီးပြတိုက်လေး
အပေါ်မှ ပန်းနုရောင်လက်ရှည်လေးကို ဒူးအောက်မကျတကျစကပ်အနက်လေးနှင့် တွဲဖက်ကာဝတ်လိုက်သည်။ အပေါ်ကြယ်သီးလေးကို တစ်လုံးဖြုတ်၍ လည်ပင်းလေးကိုပေါ်အောင် သေချာစွာ နေရာချလိုက်သည့်အခါ လည်တိုင်မှဆွဲကြိုးလေးက လှလှပပလေးနှင့် ပေါ်လွင်နေ၏။ အကိုခွန်းစေရာရဲ့အတွင်းရေးမှူးအနေနှင့် အလုပ်တွေစလုပ်ကတည်းက ဂါဝန်ကို အဝတ်နည်းသွားခဲ့ပြီဖြစ်သည်။ ဆံနွယ်ရှည်တွေကို စုစည်း၍ အိတ်လေးတစ်လုံးယူကာ ကားကိုကိုယ်တိုင်မောင်းပြီး သွားရမည့်နေရာသို့မှထွက်ခဲ့လိုက်သည်။ အပြင်အထွက်ကျဲသည့်လွန်းငယ်ဟာ ဒီနေ့တော့ မမဖြူငယ်ရဲ့သားလေးဖြစ်သူ တူလေးခွန်းစစ်မဟာကို Dinner ပွဲဆီမှ သွားခေါ်ပေးရမည်ဖြစ်သည်။
Star World ဆိုသည့် စားသောက်ဆိုင်ကြီးတစ်ခုရှေ့ လွန်းငယ်ကားရပ်ကာ ဆိုင်ကြီးအတွင်းသို့ဝင်ရန် လမ်းအတွင်းလျှောက်ခဲ့၏။
"ခလေး ခလေးလေး..."
လွန်းငယ်လှည့်ကြည့်မိတော့ အမြင်အာရုံတွေပင်ဝေဝါးသွားရတော့သည်။ ဘုရားရေ... သူဌေးလူကြီးကို ယခုတကယ်ကြီးအပြင်မှာတွေ့နေရတာလား။ လွန်းငယ်ဒူးတွေပင် တုန်လာရကာ မတ်မတ်ပင်မရပ်နိုင်တော့သည်အထိ ယခုအခြေနေကြီးကို ထိပ်လန့်နေမိ၏။။ မြင့်မားသည့်အရပ်၊ ချောမောသည့်မျက်နှာနှင့်လူကြီးက မျက်ရည်တွေစီးကျ၍ လွန်းငယ်ဆီသို့ ပြေးလာကာဖက်လိုက်လေတော့သည်။။
"အိုဗျာ...ကိုယ့်ခလေးလေး"
လွန်းငယ်ခန္ဓာကိုယ်တစ်ခုလုံး ပူရှိန်းသွားလေ၏။ နွေးထွေးလွန်းသည့် ဒီအငွေ့အသက်ကို တောင့်တစွာဖြင့်လွမ်းနေခဲ့တာလား၊ စိုးရွံ့စွာဖြင့်ထိတွေ့ရမှာကြောက်နေခဲ့တာလား မသဲကွဲတော့ပေ။ လွန်းငယ်ကရော ပျော်နေတာလား၊ ဝမ်းနည်းနေတာလားကို ဝေခွဲရခက်စွာဖြင့် ရင်ခုန်ထိတ်လန့်နေရသည်။
"ခလေးလေးဘယ်ရောက်နေတာလဲ ကိုယ့်ကိုဘာလို့ထားခဲ့ရတာလဲခလေးရယ် ခလေးဒဏ်ရာတွေရောသက်သာရဲ့လားဟင် ကိုယ်စိတ်ပူနေခဲ့တာမှ ရူးမတတ်ပဲခလေးရဲ့..."
YOU ARE READING
Lighthouse Of Love (Completed)
Romanceအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
