#مُجرد_حوار "5"
[خطة]
"مرة واحدة بالعمر تشعر إنك إلتقيت بنصفك الأخر))
الليلة اول يوم في الدوام طلعت من البيت وحاسة بمشاعر غريبة .. توتر وقلق وخوف من إني أتعرف على مجتمع جديد وناس جديدة .. اول شي عملتو مشيت الكافتريا لازم أروق ما ينفع أواجه الناس بملامحي الخايفة ويديني الباردة دي .. فرضًا حد سلم علي وسألني أقول شنو.
طلبت موية وبيبسي متعودة كل ما أتوتر أخد بيبسي بحسه علاج ودوا لكل مشاكلي.
الجو كان بارد والزمن بدري خالص .. الكافتريا يداب فاتحة حتى الأولاد الشغالين لسة ما إستعدو .. بس حقيقي ما كنت ح أروق لو ما شلت البيبسي.
مشيت بنفسي على التلاجة أخدته وكنت ح أمشي سامعة صوت من وراي بقول لي :
_ممكن تناوليني معاك بيبسي.
=إتلفت من غير ما أشعر والباب فلت من يدي وقفل.
_خفتي كده مالك يا بت الناس؟
=ما رديت فضلت بعاين ليهو أنا ما قادرة أفهم ده شنو البعملو دا وليه بتصرف كدا .. بس حاسة بشعور غريب كأنه في حاجة شدتني وخلتني ما أقدر أتحرك .. وعيت لما طق طق لي بدون ما أشعر مديت ليه الفي يدي.
_جديدة هنا؟
=هزيت راسي وأنا بجد حاسة نفسي ما قادرة أتحرك أو أتكلم.
_طيب حلو وفضل واقف في مكانو بعاين لي.
=إتوترت طوالي إتحركت عشان أمشي.
_دقيقة ما أخدتي بيبسي ولا ما عايزة؟
=ما عرفت أقول ليهو شنو وحسيت نفسي مُحرجة من الموقف الحصل .. فتح التلاجة أخد بيبسي وجا علي.
_إتفضلي.
=أخدته وإتحركت على ركن بعيد قلت أقعد شوية لما الزمن يجي عاينت للساعة لقيتا 7:17د أنا جاية بدري كده ليه وهو الدوام ببدا 8 ختيت حاجاتي وقلت أنتظر هنا شوية.
_ممكن أقعد هنا؟
=رفعت راسي لقيته هو طلعت معاي كلمة واحدة اللي هيا ليه؟
_جر الكرسي وقعد وفتح البارد حقو وقال لي:
إنتِ قاعدة براك وأنا براي بلص إنو الاتنين شايلين بيبسي من اول الصباح ديل سببين كافين جدًا.
=لقيت نفسي ببتسم.
_أنا أحمد وإنتِ ألاء صح؟
=ليه خمنت اسمي كدا؟
_بتسألي كتير ليه؟
=متين سألتك كتير؟
_أسي ده سؤال.
=طيب يعني المفروض أتصرف معاك كيف؟
_تاااااني؟
=نرفزني هو ما بجاوب على سؤالي عايزني أتعامل معاهو كيف ..! فضلت ساكتة.
