#مُجرد_حوار "12"
|كيمياء الحُب|
"لم تكن ظاهرًا لأُخفيك، ولم تكن طيفًا لأجتاز غيابك
كنت اللاشيء الذي يمكث بكل شيء
فكيف يُمحى اللاشيء !))
في يوم مُستاءة وما عندي موضوع بتصفح في الميديا بلا هدف لاقاني بوست مكتوب عليه:
"صِف شخصك المُفضل بإقتباس يُشبهه"
من غير ما أفهم أنا مالي أو حاسة بشنو نزلت الإقتباس الفوق ده .. ما عندي أي شخص مُفضل بس بحبو جدًا وبحسو بشبه حالتي اللي كلها توهان وتخبط دي ..!
عمومًا أنا بتمنى لما يجي شخصي المُفضل يكون حاجة شبه الإقتباس ده وغير قابل للتجاوز .. يكون مالي علي حياتي بطريقة ما بتتشرح ولا بتتفسر.
بقيت أقرأ في الكومنتس عايزة أشوف الناس بتقول عن أشخاصا المُفضلين شنو.
عديت حكاية نص ساعة بتصفح .. قبل ما أقفل الداتا وأطلع لفت نظري شخص غريب رد على الكومنت بتاعي .. أنا مُتأكدة ما ضمن الفريندز بتاعيني لأني ما حصل لمحت اسمو ده.
لو في سبب خلاني أركز معاه هو اسمو .. كان كاتبه كده:
"أحمـدۦٰ۪۫٭ۦ"
فتحت الريبلي بتاعو أنا ما عارفة السبب اللي خلاه يرد علي شنو لأني ما وجهت ليه كلام ولا بعرفه ولا في بينا أي تواصل بس لقيته كاتب لي:
"تظنينه هامش وهو يراكِ أمنية "
جاني فضول أعرف إذا نحن فريندز أو لا .. وليه قال لي كده .. كلامه وترني شديد .. إذا أنا نفسي لما كتبت الإقتباس ما قصدت بيه شخص معين ..!
دخلت حسابه لقيتو عامل لي ريكويست وأنا مُعلقاه .. عرفت إنه من المتابعين لأنو ما في زول عارف الهامش ده غير اللي بتابعو نصوصي!
بقيت بتصفح الأكونت بتاعه لحدي ما وقفني بوست ما قدرت أتجاوزه.
كان مُحدث صورة بروفايله في المكان المستحيل يغباني .. ياهو نفسي الكافي اللي عاملاه زي بيتنا .. بس ده ما بيت القصيد اللفت نظري إنو في الكابشن كاتب :
"قالت ذات يوم:
إنها تُحب علي عكور وتُحب إقتباساته خاصة تلك التي قال فيها:
"وكانت المَقاهي بيوتنا المُشتركة، وكُنا نَعود مِنها برائحة القهوة، ورَغبةٍ أقلَّ في البُكاء.))
فأقول:
"وأنا أيضًا يا عكور أُحبُّها وأُُحبك وأُحب كُل ما تُحبه، وأذهب دومًا للمقهى المُشترك بيننا لأعود مِنه ببقايا نظراتها العابرة التي عَلقت بي دون قَصد، ورَغبةٍ َأكبْر في الحَياة))
فضلت مُتنحة في البوست والصورة مسافة ..
أنا حقيقي إتخلعت ..!
مستحيل يكون توارد خواطر أو صُدفة ..!
نفس التاريخ اللي حدثت فيه البروفايل بتاعي ..!
نفس الإقتباس اللي كتبته في الكابشن ..!
ونفس المقهى؟
لوهلة كنت ح أدخل أسألو يشرح لي .. بس لو باغتني بسؤال إنتِ ليه بتفتشي وراي أقول ليه شنو؟
عملت سكرين ورسلتو لي ننو:
_الحقيني يا ننو .. تعالي شوفي ده.
من حُسن الحظ ننو ما بتسفه رسايلي اللي ببداها ليها بـ "الحقيني" لأنو دايمًا بكون مُهببة لي مُصيبة ولا جايبة ليها شمار طوالي ردت لي:
