#مُجرد_حوار "13"
"ما هو الحب في رأيك؟
أن تبتسم حين يبدأ احدهُم بالحديث معك، دون أن يخبرك شيءً مميزاً، فقط مرحبًا..!))
=محمود درويش ده قلبي والله أسمعي قال شنو.
_الراجل ده أختيو أحسن ليك حيوقعك في داهية.
=ما أنا أساسًا واقعة فيه وفي ستين ألف داهية.
_أي شيلي وأكتبي كلامه ده إذا هو نفسه عاش قصة ما كملت إنتِ جاية تقتدي بيه؟
=خلاص ما تنكدي علي براي ما متحملة أنا ح أموت لو طلع بحب البت سارة دي.
_والله أحسن تتصالحي مع الموضوع ده وبعدين أحمد ده شكله كده لعاب.
=ياخي غووري من وشي.
____________________
"في المكتب"
_ندى.
="بصوت منخفض" .. أيوة يا أحمد عينيا والله.
_يا بت ندى.
=سامعاك سامعاك ما تكورك.
_طيب ما بتردي ليه .. لي ساعة بنده عليك.
=ما سمعتك.
_خلصتي شغلك؟
=في حاجة؟
_كنت عايزك تساعديني في حاجة كلهم طلعوا ولازم بكرة..
=أساعدك في شنو؟
_ما قلتي لي خلصتي ولا لا بالاول؟
="بتكلم نفسها" يعني حيفرق شنو وإنت عارف إنو مستحيل أرفض ليك طلب .. خلصت.
_طيب تعالي مكتبي وجيبي معاك جهازك.
=حاضر.
يومها فضلنا في المكتب للساعة 5 .. المفروض إني أخلص دوام الساعة 3 بالكتير وأرجع .. بس ما هان علي أسيبو براه وكل الشغل ده عليه بعد خلصنا عاين للساعة لقاها 5 سألني:
_نطلب حاجة ناكلا ولا نمشي المكان اللي متعودين عليه؟
=إتأخرت شديد وصلني بس.
_طيب قومي أقفلي مكتبك وأرح حناكل في الطريق.
طول الوقت كان بتكلم وأنا مركزة معاه .. أحمد لما يتكلم ما في زول بقدر يشيل عيونه منه .. مش عشان بحبهوالله بس هو كده .. عليه كاريزما أوڤر .. بحس الشعور ده من كل الحواليه بدون مبالغة .. حتى لو بيتكلم في إجتماع أو مواضيع شغل بتلاقي الحواليه مركزين معاه ..!
_ساكتة ليه؟
=أقول شنو؟
_إنتِ زعلانة علشان مشيت مع سارة؟
=وأزعل ليه؟
_حسيتك زعلتي قلت أراضيك بس تمام إذا ما زعلانة.
=لا يا سيدي ما زعلانة ولا شي تولعو مع بعض.
_لزوما شنو الدعوة الأخيرة دي.
