#مُجرد_حوار "9"
"أردت أن أمتص مايؤلمك، ولست خائفة اذا مُت متسممة بك ♡!))
=صوت دق في الباب.
_منو؟
=عاين يا أحمد أنا كده كده معاي المفتاح أدخل ولا تفتح براك.
_يا نون أمشي بيتكم أنا مزاجي ما بسمح لي أتكلم معاك.
=لا معليش ما ح أمشي مبلكني وما بترد على مكالماتي ألقاك وين يعني؟
_أنا قلت ليك سيبيني يا نون.
=حتفتح ولا أدخل؟
_ياربي.
=واحد.
_أدخلي طيب.
=شنو يعني الناس تجيكم لحدي بيتكم وتعمل فيها نايم؟
_يا نون عايزة شنو؟
=عايزاك إنت ده.
"لف وشو عكس منها" ..
_أنا قلت ما لي مزاج أتكلم مع زول.
=أنا زول يا أحمد؟
_يعني ملاك؟
=عاين لي هنا وجاوبني أنا زول؟
_نون والله العظيم ما نفسي نتناقش ممكن تطلعي؟
=أنا عايزة أتناقش وما طالعة لو ما وصلنا لحل ... وأهو قفلت الباب علينا خلي الناس تتكلم.
_ناس شنو وكلام شنو مجنونة إنتِ؟
=ايوة خلي جيرانكم يجوا ويقولوا خطيبتو قاعدة معاه في الغرفة .. لو يرضيك؟
_طيب عايزة شنو؟
=يا ربي كم مرة أوريك؟
_طيب أمشي وأنا ح أفك البلوك ونتفاهم.
=وعد؟
_وعد.
=دقيقة وعد دي منو يا زول ما عايزة كده .. نتفاهم هنا أسي رايت ناو.
_يا الله يا نون ما تعصبيني.
=أضربني عليك الله.
_نون.
=عيون نون.
_أمشي من هنا وحنتفاهم بالتلفون.
=لا معليش غشيتني المرة الفاتت .. لا يلدغ المؤمن من جحر مرتين .. قالوا ليك أنا عويرة ولا عويرة؟
_طيب أحكي في شنو جيتي ليه؟
=جيت أعايد ليك بس يا خسارة فستاني الحلو اللبستو عشانك.
_فضل فيها عيد؟
=ما تبقى نكدي وكئيب كده شوفني حلوة ومنورة كيف.
_حلوة وفستانك حلو وعيد سعيد عليك كده خلصانين؟
=أنا يتقال لي عيد سعيد عليك .. ةالله أنا لو صحبك يوسف ما حتعايدني كده.
