နှလုံးသားနီးနီး...စည်းပါးပါး(Love And Pride)[Completed]

Part (39)

🌺နှလုံးသား နီးနီး...စည်းပါးပါး🌺

Part(39)

"အနှစ် ဘယ်လိုမှတော့စိတ်ထဲမထားနဲ့ ဒါပေမဲ့ သိထားရမယ်ထင်လို့ဖုန်းဆက်လိုက်တာ...သူ ထောင်ကပြန်လွှတ်လာတော့မယ်တဲ့ ဒီတစ်ခေါက်လွှတ်ငြိမ်းချမ်းသာခွင့်ထဲပါလာလောက်တယ်"

မမစုက အနှစ်ကြောင့် ထောင်ကျသွားရသည့် မူးယစ်ရာဇာဦးလေးကြီး၏ သားက မကြာမီလွှတ်တော့မှာဖြစ်ကြောင်း သတိလှမ်းပေးသည်။ video callပြောနေတာဖြစ်၍ မမစုမျက်နှာမှာ စိတ်ပူခြင်းကြောင့် ငိုမဲ့မဲ့။

"အင်း အနှစ်သတိထားပါမယ်"

"အမျိုးသားကိုရော ပြောပြထားလိုက်ဦး သူလည်းသိသင့်တယ်"

မလိုပါဘူးလို့ ပြောထွက်မိတော့မှာဆိုပေမဲ့ မပြောမိတော့။

"ဟုတ် သိပါပြီ"

"ဪ ပြောဖို့မေ့နေတာ သားချစ်ဖုန်းဆက်တယ်သိလား ဒီကိုပြန်လာမလို့တဲ့ အချစ်လေးကို‌တွေ့ချင်လို့ဆိုပြီးပြောတယ် အဲ့တာနဲ့မမစုလည်း အနှစ် သူ့ယောက်ျားနဲ့အိမ်ပြန်လိုက်သွားပြီလို့ပြောလိုက်တာ ဒီညနေ လေဆိပ်ရောက်လိမ့်မယ် အနှစ်ကကူညီပေးပါဦး သားချစ်ကို အနှစ်ကပဲ မဟုတ်တာတွေမလုပ်ဖို့ဖျောင်းဖျပေးပါဦး"

"စိတ်ချပါမမစု အနှစ်က သားချစ်ကိုမောင်လေးတစ်ယောက်လိုချစ်ပါတယ်"

"ကျေးဇူးပါကွယ်"

"မလိုတာမမစုရယ် အနှစ်တို့သားအမိကို မမတို့မောင်နှမကူညီထားတာဘယ်လောက်မို့လို့လဲ"

"ဟင်းဟင်း ဟုတ်ပါပြီညီမလေးရယ်"

"ဪ ပြောစရာတွေက အနှစ်မျက်နှာမြင်မှပဲပေါ်လာတော့တယ် မနေ့က အနှစ်ဆီဧည့်သည်လာတယ်သိလား နာမည်က ရွှေရည်သွန်းလို့ပြောသွားတယ် မမက သူ့ယောက်ျားနဲ့အပြီးပြန်လိုက်သွားတယ်ပြောလိုက်တော့ ဘာမှမပြောဘဲ ပြန်သွားတယ်"

"အနှစ်နောက်ရက်မှ ဖုန်းဆက်လိုက်မယ် သူနဲ့ပြန်လိုက်ခဲ့တုန်းက နှုတ်ဆက်ဖို့မေ့နေတာ"

ရွှေရည်သွန်းက အဲ့အချိန်ထိ ထိုနယ်ကနေ မပြန်ရသေးတဲ့ပုံပဲ။ တစ်နေ့ ကိုကိုနားက ကိုသူရိယဖုန်းနံပါတ်တောင်းပြီး ဆက်ဖို့တွေးလိုက်ကာ မမစုကိုစိတ်မပူစေဖို့ပြောလိုက်သည်။