فى صباح يوم جميل فى مدينة الأسكندرية الجميلة , كانت الشوارع خالية من المارة تقريبا وبدأت الشمس تشرق على إستحياء وكأنها تخشى أن توقظ الناس ,جو الربيع دائما يكون جميلا فى هذا العام ودرجة الحرارة معتدلة , نزلت نغم من بيتها ومعها كلبتها الجميلة , إعتادت أن تنزل كل يوم لمخبز قريب وتشترى الخبز والباتيه للفطار لها ولخالتها وأولادها , نغم تعيش معهم منذ وفاة والديها وأخيها الصغير , حظيت بحب ورعاية خالتها وتعلق بها أولاد خالتها أيضا, أنهت دراستها منذ عامين فى كلية الفنون الجميلة وتعمل فى مجال الديكور ولكنها لم تعمل حتى الآن عمل ثابت بل أعلنت على برامج التواصل الاجتماعى وتتلقى عمل كل فترة لعمل ديكورات لأماكن مختلفة ,بدأت تحقق إسم فى عالم الديكور وإزداد الطلب عليها كثيرا وهذا ساعدها لتوفر المال الذى تنفق بيه على نفسها , لقد ترك لها والدها مبلغا معقولا درست بواسطته وأصرت على أن تعمل أثناء دراستها أيضا حتى لاتحتاج مال من خالتها أو من زوج خالتها.
كانت نغم تحب هذه الأجواء جدا وبما أن الجو كان معتدلا , إرتدت سالوبيت جينس على تى شيرت أبيض وبدت كالفتاة الصغيرة وهى تقفز بمرح وكلبتها الجميلة تدور حولها بسعادة وتلعب معها ,شعرها البنى المجعد كان كهالة من النور حول وجهها.
فى نفس الوقت , وقف أنس فى شرفة الفندق الذى يطل على البحر وأخذ نفسا عميقا , كان الجو جميل جدا, نظر فى ساعته وقال: الوقت لسه بدرى ممكن أنزل ألف شوية بالعربية والجو هادى قبل ما الشوارع تتزحم..
رن هاتفه فدخل الغرفة وأجاب: ألو أهلا يا بابا .
أنا صحيتك؟
لأ أنا صحيت من بدرى ... حضرتك عارف ماباعرفش أغير مكان نومى يومين كده على ماتعود
الجو عندك عامل إيه؟
تحفة ... الجو جميل جدا ...
خلصت إجراءات الشركة؟
لأ لسه قدامى بس شوية ورق ويبقى كله تمام.
بالتوفيق يا إبنى.
شكرا يابابا.... بأقولك إنت قلت لعمتى إنى هنا؟
لأ .. متعرفش إنك فى إسكندرية ..
أحسن برضه ،أنا احب أكون براحتى .
يعنى يابنى مش هاتزورها؟
طبعا هازورها يابابا بس لما أخلص كل حاجة .
زى ماتحب...
,إن شاء الله لما أروح المكتب هاصوره لك ولازم تيجو تقضو يومين هنا إنتو وماما.
إن شاء الله خلص الى وراك بس وإحنا هانيجى .
سلم لى على ماما كتير...
بدأ أنس فى إرتداء ملابسه للخروج, لقد أتى للأسكندرية لفتح فرع لشركة والده السياحية هنا ويستقل به وسوف يبحث عن شقة يقيم فيها لأنه بالتأكيد لن يبقى فى الفنادق .
أنت تقرأ
أحزان الكمان
Romanceحب جميل بين بنت رقيقة وشاب عاقل ربما يكون هناك عوائق كثيرة ولكن فى النهاية الحب القوى يفوز
