أحزان الكمان

المواجهة 6

أنهى أنس كلامه مع عمته وكان يريد أن يعود لنغم فى الحديقة فأمسكت به حسناء وقالت : إيه يا أنس مشغول فى إيه بقالك كام يوم ..

شغل .. عن إذنك؟

إيه رايك فى الفستان حلو؟؟

نظر لها أنس بامتعاض وقارن بينها وبين نغم ثم قال: كان ممكن تبقى أجمل وأشيك بفستان محتشم شوية...

يعنى إيه مش عاجبك؟؟

كانت تمسك يده وتتدلل عليه وأكملت: وإلا غيران علشان الناس هاتشوفنى كده حلوة وجميلة ومغرية..

أزاح أنس يدها عنه وكتم غضبه وقال: أغير عليكى بمناسبة إيه؟؟

برضه لسه بتقاوم مشاعرك.. يا أخى إنسى بقى اللى حصل زمان ...

زفر أنس بضيق وكان صالح يراقبه من بعيد وقال بغضب: شوفى بنتك بتعمل إيه؟؟

زودتها قوى .. أنا هاروح أجيبها من شعرها..

بلاش فضايح خلى الليلة دى تعدى على خير...

أنا هابعدها عنه...

إقتربت ليلى من أنس وحسناء وقالت: حسناء تعالى بقى قولى كلمة للضيوف بما إن المحل بإسمك...

الله فكرة حلوة قوى ,تعالى يا أنس نقول كلمة.

قولى إنتى أنا ماليش فى إلقاء الكلمات و..

تعالى بقى يا أخى ..

جذبته أنس أمام الناس وأحس بالإحراج وتطلع الجميع عليهم فذهب معها مجبرا ولم تترك حسناء يده ودخلت نغم .... إبتسم الحضور لرؤية أنس مع حسناء وتأكدو من حقيقة رجوعه لها

وقفت حسناء فى وسط المكان وصفقت بيديها لينتبه لها الجميع وأشارت لتتوقف الموسيقى وقالت: من فضلكم ياجماعة عايزة أقول كلمة,,,,

إنتبه لها الحضور فابتسمت وقالت: أولا أحب أهنى ماما على المحل وأتمنى لها النجاح وبأشكرها لأنها سمت المحل على إسمى ...

ألقت حسناء قبلة لوالدتها وصفق الحضور وأكملت حسناء: وبما إننا مجتمعين هنا كلنا , أحب كمان أقول لكم خبر مفرح قوى, الليلة مش بس حفلة إفتتاح للمحل لأ دى حفلة رجوعى لأنس .. مرة تانية ..

هلل الحضور وإلتفت لها أنس بدهشة وتبادلت ليلى النظرات الغاضبة مع صالح ,إلتف الناس حول أنس وحسناء للتهنئة ولم يهتم أنس بل كان ينظر على نغم ولكنها إختفت إبتعد عن الزحام وبحث عنها وسأل سامية : نغم فين ياطنط؟

بتسأل عليها ليه بعد الإعلان ده؟؟

ياطنط مش حقيقى من فضلك هى فين؟

كانت هنا يابنى معرفش راحت فين؟؟

إقتربت أمل وقالت: أنا شفتها كانت زعلانة ومشت مع ياسر...