| الــبـــارت الـثـانــي عـشــر|
•• بعد يوميـن/ يـوم الجمعـه ••
كانت رحيل و حياة عند جدتهم...من يومين جتهم حياة...و راحت هي و رحيل السوق و كملوا أغراضها اللي محتاجتها...
لكن رجوى ما جت...و السبب اللي قالوه لهم خواتها...إن أبوهم مسافر و هي بتجلس عندهم...
لكن حياة كانت مستغربه إنها ما دقت تسأل عن رحيل...و كل ما تدقت ما يردون...
رحيل= وين رايحه؟
حياة= بأدق على رجوى..استغرب ليه ما دقت علينا أبدا مو من عادتها..و لا حتى سألت عنك!
طلعت حياة للصاله و راحت وراها رحيل...و جلست عندها و هي تكلم...
••
••
••
في الصاله كانت قمر جالسه تتفرج مع بسمه على التلفزيون...و شهد نايمه...
دق التليفون...و فزت ترد عليه...لكن اول ما سمعت صوت حياة ندمت...و تمنت لو ما ردت...
حياة= مساء الخير
قمر= اهلين مساء النور
حياة= قمر أو شهد؟
قمر= لا أنا قمر
حياة= هلا قموره وش اخبارك؟
قمر كانت ترد عليها...و كل افكارها تدور لها إجابه لو سألت عن رجوى...لكنها ما كانت تعرف تتصرف...و لا تألف كذبه بهالمواقف...
حياة= وين رجوى؟
قمر= آآ رجوى...رجوى مادري...
حياة بإستغراب= كيف ما تدرين؟ طالعه يعني؟
قمر خطر لها شي= لا..امم نايمه
حياة حست بالربكه بكلامها...و خافت يكون في رجوى شي ما تبيهم يعرفونه...
حياة= قمر قولي الصدق رجوى وينها؟
قمر بتردد= نـ..نايمه
حياة= روحي صحيها قولي حياة تبيك ضروري
قمر= اخاف منها..بعدين......
حياة تقاطعها= قمر لو ما قلتي لي رجوى وش فيها أنا راح أجي و اشوفها بنفسي
تذكرت قمر كلام شهد...قالت ماراح يقولون لجدة رجوى و لا بنات خالتها شي لين تجي هي و تقول لهم بنفسها...لكن هم ما يدرون متى احتمال تجي...و اللحين حياة تهدد إنها تجي لهم...و بتعرف كل شي...
حياة بقلق= قمر..رجوى قالت لك ما تقولين لنا وش فيها صح؟ أبوك ضاربها؟ هي في المستشفى؟
قمر مالقت شي تقوله إلا الحقيقه...
قمر بتردد= بصراااحه...أبوي..أبوي زوجها
حياة تصرخ= وشــــووو؟!
قمر خافت= .......
حياة بقهر= متى؟ و كيف؟
قمر= من كم يوم كذا..و زوجها فجأه بدون ما ندري
حياة بغيض= مين؟ ابوسعد؟
قمر= لا واحد ما نعرفه..غني..شفنا سيارته اللي اخذها فيها..و من يومها ما ندري عنها شي
حياة= ما سألتي أبوك؟
قمر= من ذاك اليوم ما رجع للبيت
حياة= و رجوى وش سوت؟
قمر= جاء أبوي بسرعه و اخذها زوجها معه..ما لحقت تقولنا شي
حياة بضيق= أول ما تسمعين عنها أي خبر أو تكلمكم قولي لها تكلمني أو تكلم جدتي و تطمنا
قمر= إن شاءالله
حياة= قمر تكفين لا تنسين
قمر= لا تخافين اول ما نعرف شي عنها بأدق أقول لجدتك
