"အစော...."
"မှိုင်း ကျုပ်အိမ်ဘေးမှာ...."
စောခေါ်သံကြားတာကြောင့်ပြန်ထူးလိုက်သည်
သိပ်မကြာဘူးသူ့အနားစက်ရောက်လာတယ်
"အလုပ်အဆင်ပြေရဲ့လားမှိုင်း"
"ပြေပါတယ် ကိုကံပိုင်ကအကုန်သင်ပြပေးတယ် ဒါနဲ့အစောလာလုပ်နေတာလဲ"
"အပင်စိုက်ဖို့မြေဆွနေတာ"
စောမောလို့ထိုင်နေရာကထလိုက်ပြီးပေါက်တူးကိုပြန်ကိုင်လိုက်တယ်
"ဘာလို့ဒါတွေလုပ်နေရတာလဲပေးပေး ကျွန်တော်လုပ်မယ်"
စက်ပေါက်တူးကိုယူဖို့ကြိုးစားပေမဲ့အစောကမပေးဘူး
"ဒီနေ့အလုပ်ပင်ပန်တယ်မလားသွားခနနားပြီးရေချိုးတော့.."
စက်ပေကပ်ပြီးရပ်နေလိုက်သည်
လုံးဝရေချိုးဖို့မသွားပေ..
"ဒီမယ် မှိုင်းကျုပ်ကသန်သန်မာမာယောက်ျားတစ်ယောက်နော် ဒီလောက်ကတော့ကျုပ်လုပ်နိုင်ပါတယ်"
အလိုမကျရင်ဂျစ်တိုက်တတ်တဲ့အကျင့်ကတစ်ကယ့်ကလေးကျတာဘဲဟုစောတွေးမိတယ်
"အစောကယောက်ျားတစ်ယောက်မှန်းကျွန်တော်သိပါတယ်ဒါပေမဲ့အစောကိုကျွန်တော်ဘာအလုပ်မှမလုပ်ဘဲအေးအေးချမ်းချမ်းနေစေချင်တာလေ"
"ကျုပ်ကအရုပ်လား..."
"ကျွန်တော်ဆိုလိုတာက....."
အစောနဲ့သူ့ကြားကလေထုကတင်းမာလာတော့စက်မျက်နှာဟာပြိုတော့မဲ့မိုးလိုဖြစ်လာတော့သည်
ထိုအခါအကြီးပီပီစောဘက်ကဘဲတစ်ထစ်လျှော့ပေးလိုက်ရတယ်
"ထားပါတော့ ရေသွားချိုးကျုပ်လည်းဆက်မလုပ်တော့ဘူး"
စက်သည်သူ့အပေါ်ဘယ်လိုစိတ်ထားသည်ကိုစောသိသည်
အခုလည်းသူပင်ပန်းမှာစိုးလို့ပြောမှန်းသိပေမဲ့
စောအနေနှင့်လည်းစက်အရမ်းပင်ပန်းမှာမလိုချင်းဘူးလေ
ဒါကြောင့်တတ်နိုင်တဲ့ဘက်ကကူချင်ရုံပါ
"ဒါဆိုရေသွားချိုးပြီးနော်"
"အင်း..."
စက်ရေချိုးနေတဲ့အချိန်စောကအဝတ်အစားတွေသေချာပြင်ဆင်ပေးထားသည်
"ကျွန်တော်ချိုးပြီးပြီ"
"ဒီမှာအဝတ်ထုတ်ထားတယ်လဲလိုက်ကျုပ်ရေချိုးဦးမယ်"
စောရေချိုးပြီးတဲ့အခါလူးဖို့သနပ်ခါးကအဆင်သင့်
ဒါကြောင့်သူမှာမပြုံးဘဲမနေနိုင်
တစ်ကယ့်ကိုစကားတည်တဲ့သူဘဲ
------------
သူတို့ညစာစားချိန်
"ဒီနေ့ကျုပ်သင်္ဘောသီးဘဲတောသုပ်သုပ်ထားတယ်မင်းစားတတ်ပါ့မလား"
စောမှာငွေတိုငွေစရှိမနေတာကြောင့်အိမ်နောက်ဖေးမှသင်္ဘောသီးတွေသာခူးပြီးသုပ်ထားရသည်
"ဒါပေါ့ ဘာလို့မစားတတ်ရမှာလဲ ကျွန်တော်ကသင်္ဘောသီးသုပ်အရမ်းကြိုက်တာ"
ထို့နောက်စက်ထမင်းတစ်လုပ်အားစတင်စားလိုက်သည်
စောကထမင်းစားနေတဲ့စက်ကိုကြည့်ရင်း
"ကျုပ်တောင်းပန်ပါတယ်ကျုပ်ကြောင့်မင်းဒီလိုအနေဆင်းရဲအစားဆင်းရဲရတာ"
"အစောဘာလို့မဟုတ်တာတွေစဥ်းစားနေရတာလဲ ကျွန်တော့်အတွက်ကလေအစောရှိတာနဲ့တင်အရာရာပြည့်စုံနေပြီအစောကိုရွေးချယ်မိတဲ့အတွက်နည်းနည်းမှနောင်တမရှိဘူး.."
"ကျုပ်...ကျုပ်က"
စက်သက်ပြင်းဖွဖွချရင်းလက်ဆေးပြီးအစောနားသွားထိုင်ကာ
"အစောဘာလို့ကိုယ့်ကိုကိုနိမ့်ချပြီးအမြဲတွေးနေရတာလဲဟင် ကျွန်တော့်အတွက်ကလေအစောကမရှိမဖြစ်ပါတစ်ခါလောက်ဖြစ်ဖြစ်ဒီလိုတွေတွေးနေမဲ့အစားကျွန်တော့်ရဲ့မင်းသားလေးအဖြစ်တွေးကြည့်ပါလား"
စက်အားစောချက်ချင်းလှည့်ဖက်လိုက်ပြီး
"ကျုပ်...အမြဲတမ်းသိမ်ငယ်ခဲ့ရတာ ကျုပ်ကိုဘယ်သူမှမလိုချင်ခဲ့ဘူး အားလုံးကလျစ်လျူရှုခဲ့တာမကောင်းတဲ့အရာတွေဖြစ်တိုင်းလည်းအမြဲကျုပ်ကြောင့်တဲ့"
စက်သူ့ရင်ခွင်ထဲတသိမ့်သိမ့်တုန်နေတဲ့ကိုယ်လေးကိုခပ်တင်းဖက်လိုက်သည်
အစောတစ်ယောက်ထဲဘယ်လောက်တောင်နာကျင်ခဲ့ရမလဲ
အထီးကျန်ခဲ့ရမလဲ တွေးကြည့်ရုံနဲ့တင်စက်ရင်ထဲတင်းကြပ်လာတယ်
"နောက်ဘယ်တော့မှအဲ့လိုဖြစ်မလာတော့ဘူးနော်ကျွန်တော်ရှိတယ် အစောအနားအမြဲကျွန်တော်ရှိတယ်"
စော စက်ရဲ့ရင်ခွင်ကျယ်ကျယ်ထဲပိုနစ်ဝင်အောင်တိုးဝင်လိုက်ပြီး
"အမြဲကျုပ်အနားမှာရှိပေးရမယ်နော်"
"ဒါပေါ့ ပန်းလေးတစ်ပွင့်ဖြစ်ရင်တောင်ကျွန်တော်ကအစောရှိတဲ့အရပ်ကိုဘဲမျက်နှာမူပြီးပွင့်လန်းမှာ"
ကံတရားကြီးကသူ့အပေါ်ရက်စက်တာလွန်သွားလို့ထင်ပါရဲ့
ချစ်တတ်လွန်းစက်ကိုသူ့အနားပို့လာခဲ့ပေးတယ်
နောက်ဆုံးတော့သူအသက်ရှင်ရမဲ့အကြောင်းပြချက်လေးရှိလာပြီ
BẠN ĐANG ĐỌC
နမ်းချင်တယ်သူ့ပါးထက်က ရွှေဝါရောင်သနပ်ခါးကလေး( Complete)
Lãng mạnbl ပါ normal မဟုတ်ပါ Uni & Zawgi Cover photo crdပါggကမလာတာ
