1️⃣3️⃣
#السيره_النبويه ١٣
أنا أصلاً مش علي دين محمد !!
أنا إزاي قولت كدة !!
طب أروح أقولهم إن أنا كداب !؟
ولا أروح أقولهم إن سبت دين محمد !؟
ولا أدخل في الإسلام بقي وخلاص 🤔
خلاص أنا هدعي والخير ليا يحصل ،،
يارب لو دين محمد ده حق فإجعل تصديقه في قلبي " خليني مؤمن "،،
ولو مش حق انقذني من الورطة اللي أنا فيها دي ،،
ودة حصل لما أبو جهل شتم النبي ﷺ فراح له حمزة عم النبي ﷺ وأخوه في الرضاعة ،، وضرب أبو جهل ،، وكان عايز ينتقم للنبي ﷺ وياخدله حقه،،
ف حب يغيظ أبو جهل وقاله إنت بتشتم محمد وأنا على دينه !!
وهو أصلا مكنش علي دين سيدنا محمد ﷺ
فلما دعا ربنا بصدق :
وقع تصديق الإسلام في قلب " حمزة " وراح تاني يوم للنبي ﷺ يُعلن إسلامه ،،
¶ قصة إسلام حمزة رضي الله عنه غير موجودة في السيرة النبوية ولكن ذكرها أهل السير 👆
وطبعاً طالما هذه القصص لا ينبني عليها أحكام شرعية فنذكرها عادي جداً للمعرفة ،، ¶
في وسط المشركين اللي كانوا بيؤذوا المسلمين والنبي ﷺ واحد اسمه " عمر بن الخطاب " ..
لما النبي ﷺ أذن للمسلمين انهم يهاجروا للحبشة ،، كانوا بيخرجوا مستخبيين عشان محدش يحس بهم ..
كان في واحد من الصحابة اسمه " عامر بن ربيعة وزوجته ليلى بنت أبي حَثمة " وهما خارجين للهجرة إلى الحبشة ،،
عامر نسي حاجه و رجع يجيبها وساب زوجته مستنياه ،،
وهي مستنية زوجها لقت عمر بن الخطاب قدامها !!
فقالها :
إنتي مسافرة يا أم عبد الله !؟
فقالتله: نعم ، والله لنخرج من البلد دي بسبب قهركم وآذيتكم لنا لحد ما ربنا يفرجها من عنده ،،
فقالها:
صَحِبَكمُ الله..
وسابها ومشي !!
طبعاً ليلى بنت أبي حَثمة استغربت جداااا
هو ده عمر.!!
هو دة اللي بيعذب المسلمين !!
هو دة الغليظ ،، الشديد !!
إزاي !!؟
أول ما جاء جوزها قالته :
لو كنت شفت عمر من شوية ورقته معايا !!
فقالها: إنتي طمعتي إنه يُسلم!؟
قالتله : أه
فقالها: والله لو الحمار أسلم ممكن عمر يسلم !
وقال كده طبعاً من شدة قسوة وغلظة عمر ،،
فضل عمر قاعد مع نفسه ومش عارف هو علي الحق ولا علي الباطل ،،
طب
ياتري إيه اللي يخلي الناس تتخلى عن كل شيء في حياتها مقابل إنها تحافظ علي دين محمد ،،
وازاي كانوا بيتعذبوا كدة ومستسلموش !!
طب مااحنا كنا بنقول علي محمد إنه الصادق الامين لانه فعلاً عمره ما كذب أبدا ،، اشمعني هيكذب في الدين يعني !!
ياتري أدخل في الدين ده وأكون تابع لهم ولا أعمل ايه؟؟؟
فضل عمر يكلم نفسه ومش عارف يوصل لحل ،،
أنت تقرأ
السيره النبويه العطره
Ficção Histórica& بسم الله الرحمن الرحيم & السلام عليكم ورحمة الله وبركاته - الأصدقاء الأعزاء أحبتي في الله سأبدء معكم بنشر أجزء السيرة النبوية العطرة على شكل حلقات مع تحفظي على بعض ما فيها من معلومات قد تكون غير دقيقة فأنا ناقل ولست بدارس ازهرى أسأل الله أن ينف...
