السيره النبويه العطره

هذا الحبيب 87

8️⃣7️⃣
#السيرة_النبوية ❤️ ((الأخيرة))
👈" إذا أصاب أحدكم مصيبة فليذكر مصيبته في موتي فإنها أعظم المصائب " موت الحبيب المصطفى
👈بيعه الصحابه لسيدنا أبو بكر الصديق في السقيفه  🤚
👈غسل النبي ﷺ والصلاه عليه ﷺ ودفنه ﷺ 😥😥

💢يموت النبي ﷺ 😥😥 .. و الصحابة يتعبوا جداً ..
لكن برغم الحزن والتعب ده يحصل موقف ممكن يبان غريب لكن هو بيدل على وعي الصحابه حتى في عز حزنهم فهما فهموا ان لازم يتصرفوا ويشوفوا خليفه لرسول الله والتشاور بسرعه لبيعة أميرًا للمسلمين قبل مايحصل أي خلاف 🤚🤚🤚 ، فاجتمع الأنصار في مكان اسمه "سقيفه بني ساعده" واختاروا في البداية سيدنا سعد بن عبادة زعيم الخزرج للخلافه ، وبعدين وصل سيدنا أبو بكر الصديق وسيدنا عمر بن الخطاب وسيدنا أبو عبيدة بن الجراح إلى السقيفة، وحصل مناقشه بينهم وكلام من سيدنا عمر بن الخطاب وانتهى الموضوع إلى بيعه سيدنا أبي بكر الصديق بإجماع كل الصحابه رضي الله عنهم 🤚👌..
علشان كدة أسمها " بيعة سقيفة بني ساعدة " ..

طيب إيه اللي هيحصل دلوقتي ؟🤔
طيب النبى ﷺ فين دلوقتى ؟ ..
النبى ﷺ في البيت و حواليه أهل البيت .. طبعاً أهل بيته تعبانين بيعيِّطوا جنبه والمسلمين كلهم في المسجد بيعيِّطوا .. آل البيت بيقولون :
" فسمعنا صوتاً من جانب البيت ينادي ويقول يا آل البيت : إنا لله و إنا إليه راجعون عظم الله أجركم .. أصبروا فإن نبيكم سبقكم علي الحوض "..👌
فسكنوا و هدأوا .. فربنا ثبت آل البيت من فوق سبع سموات لمكانتهم عنده عز وجل .. فهدأوا لكن بعد شوية يسمعوا بكاء الناس في المسجد فيرجعوا للبكاء مرة أخرى .. أصل فقد النبي ﷺ صعب 😥😥😥 ..

💢طيب هيحصل إيه دلوقتي ؟🤚
لازم يغسل النبى ﷺ .. طيب نِغٓسله إزاي ؟
معقولة نجرده من ثيابه ؟ فوقفوا محتارين 😟 ..
فبيقول آل البيت : " فأُلقي علينا النوم ( فكلنا فجأة نمنا ) ، فسمعنا جميعاً نفس الصوت يقول : يا آل البيت غَسِلوا رسول الله في ثيابه .. لا تجردوه من ثيابه .. ففوقنا و جميعونا قد سمعنا نفس الكلام .. فقلنا إذن يُغسل النبى ﷺ في ثيابه " ..
طيب مين اللي هيغَسِلك يا رسول الله ؟🤚
٦ من آل البيت : " علي بن أبي طالب _ العباس _ الفضل بن العباس _ صالح مولي النبى ﷺ ( خادمه ﷺ ) " ..

و هيبدأ الغسل .. و يقف العباس يَصْب الماء و يبدأً سيدنا علي يُغسل النبي ﷺ .. آل البيت بيقولوا : " والله كنّا لا ندري أيتقلب معنا .. أيستجيب ! .. أم تقلبه الملائكة ".. وكأن جسمه عايش و بيتحرك أثناء الغُسل ..

💢و ييجي ميعاد الصلاة علي الميت .. الصلاة على النبي ﷺ 😥😥 .. و قلنا فى الحلقات اللى فاتت إن النبى ﷺ وصاهم يسيبوه ساعة لوحده بعد ما يغسلوه 🤚 ..
فأول من صلي عليه جبريل عليه السلام .. ثم ميكائيل .. ثم إسرافيل .. ثم ملك الموت .. ثم جنود من الملائكة .. ثم يدخل الصحابة و آل البيت و باقى المسلمين فوج فوج فى صفوف يصلون علي النبي ﷺ ..