السيره النبويه العطره

هذا الحبيب 59

5️⃣9️⃣
#السيره_النبويه ❤️

👈إرسال قريش لخالد ابن الوليد للتصدي للنبي 🤚
👈حيره قريش في التصرف مع النبي بعد وصوله الحديبية!

💢شفنا المسلمين امبارح و هما طالعين يعتمروا لمكة فى منتهى السعادة ﻷنهم هيدخلوا مكة بعد هجرة 6 سنين و كمان مفيش سلاح معاهم ..
بس النبى هو الوحيد اللى عارف كويس إن قريش ممكن تمنع دخوله لمكة .. ووصلت الأخبار لقريش إن المسلمين جايين يعملوا عمرة  فأتخضوا جدآ و طبعا قرروا إن المسلمين ميدخلوش مكة 🤚
فبسرعة بدأوا يخططوا فى طريقة يمنعوا بيها المسلمين قبل وصولهم على باب مكة عشان ميبانش قدام العرب إن قريش تمنع الناس عن البيت الحرام .. فتتهز صورة قريش قدامهم ..

💥 فبعتوا خالد بن الوليد " قبل إسلامه " و معاه 200 فارس عشان بسرعة يقابلوا النبى و الصحابة في نص الطريق عشان يستفز النبى و أوصوه إنه يسعى فى إنه يخلى النبى هو اللى يبدأ بالخناق و تتقلب حرب و ساعتها تبدأ قريش تطلع إشاعة إن محمد جى يحارب قريش و إنه مش جى يعتمر و لا حاجة  ووصل الخبر للنبى إن خالد طالع ومعاه 200 فارس 🤚

فيجمع الصحابة و يقول لهم اشيروا علي أيها الناس ،
فيقول أبو بكر الصديق يا رسول الله ما خرجنا إلا لعمرة و لكن إذا قاتلونا قاتلناهم ، بس النبي مش عايز يحارب .. فيقف النبي و يقول(صلى الله عليه وسلم ) أيها الناس من يدلني على طريق أتجنب به خالد..
فيقول أحدهم أنا يا رسول الله و لكنه طريق وعر و طويل فيقول الرسول لا حرج .. فيبدأ الصحابة يطلعوا الطريق الوعر الطويل ده و يمشوا و يعدوا المنطقة اللى خالد مستنيهم فيها ..

💥 و روي في بعض الآثار أن الصحابة وجدوا فى طريقهم كلبة بتولد و ترضع أبناءها .. فلما شافها النبي قام قايل أيها الناس أبتعدوا عنها .. أصله خاف إن فوج المسلمين يدوس عليها ( صلى الله على سيدنا محمد الرحيم .. غير مسار فوج كامل عشان ميفزعش الكلبة و هي بترضع أولادها ) ..

💢و يفضل الصحابة مكملين طريقهم لحد ما يصلوا إلى الحديبية ( ده مكان بينه و بين مكة 9 ميل بس ) و خالد لسه واقف هناك مستني المسلمين و أصلا همه عدوا من بدرى ، فقريش عرفت أن محمد على الباب فأتجننت و بعتت ترجع جيش خالد و تقول له : لقد وصل محمد ..🤗

طيب ليه النبي وقف عند الحديبية و مدخلش مكة ؟ أصل بعد ما النبي دخل الحديبية كان ماشي متجه لمكة بس فجأه بركت القصواء ناقة النبي و رفضت إنها تمشي ، فيقول الصحابة : خلأت القصواء .. خلأت القصواء ( يقصدوا إنها عصت أمر النبى ) فيغضب النبي منهم عشان قالوا كده و يقول : " لا و الله ما خلأت القصواء و ما ذلك لها بخلق ( يعنى ﻷ هى عمرها ما تعمل كده دى مش أخلاقها ♡ ^_^ ) .. و إنما حبسها حابس الفيل ( فيل أبرهه .. فاكرين قصه سورة الفيل  لما كان داخل على الحرم فبرك من هيبة الكعبة و مبقاش يتحرك ) " و لما القصواء بطلت تتحرك كأن ربنا بيقول للنبي قف يا محمد و خليك في الحديبية ... فيفهم النبي الرسالة و يقول للصحابة هننتظر هنا 🤚