السيره النبويه العطره

هذا الحبيب 32

3️⃣2️⃣
#السيره_النبويه ٣٢
العلاقه بين المهاجرين والأنصار 💖
وحاله المسلمين في المدينه 💖

النبى عليه الصلاة و السلام بات عند أبو أيوب الأنصارى فى الدور السفلى .. و أبو أيوب و زوجته فى الدور العلوى ،
وشفنا أبو أيوب و زوجته و هما ماشيين جنب الحيط عشان خايفين أن أقدامهم توافق رأس رسول الله :) ..
فمرة أم أيوب وقع من إيديها طبق فيه مايه و أنكسر على الأرض فأتفزعت هي و أبو أيوب
و بسرعة مسكوا الغطاء اللى بيتغطوا بيه ونشفوا بيه المايه عشان خايفين السقف ينقط على رسول الله ..
و أول ما طلع الفجر ، قام أبو أيوب راح للنبى و قاله : " يا رسول الله والله لا نطيق أن نكون على سقف تحته رسول الله أبدآ " ..

فالنبى فهم الأمر و وافق أنه يصعد فى الدور العلوى
ونزل أبو أيوب و زوجته فى الدور السفلى وكل يوم كان بيصعد أبو أيوب بالطعام للنبى عليه الصلاة و السلام وينزل بيه عند أنتهاء النبى منه ..
و كان أبو أيوب و زوجته يتلمسون موضع أصابع رسول الله و يأكلوا مكانه عشان يتلمسوا بركته صَلِّى الله عليه وسلم ،
و فى يوم نزل الطعام فأبو أيوب أتفزع ..🥺
طيب ليه ؟
أصل أبو أيوب لاقى الأكل زى ما هوه فأتفزع و بسرعة راح للنبى عليه الصلاة و السلام و قال : " أأغضبناك فى شيء يا رسول الله ؟ " ..
فقال النبى : " لا ولكن الطعام به ثوم ، وإنى لا أأكل الثوم " .. فقال أبو أيوب : " أحرام هو يا رسول الله ؟ " ..
فقال النبى : " لا ولكنى أناجى من لا تناجى "
( النبى يقصد جبريل عليه السلام .. و الملائكة تتأذى مما يتأذى منه ابن آدم ) ..
فقال أبو أيوب : " والله لا أذوقه أبدآ يا رسول الله " ..

نروح بقى للناس فى المدينة
بقي محور حياتهم هو رسول الله عليه الصلاة و السلام
وكانوا يمتثلون إلى أوامره ويتوقفوا عند نواهيه .
فمكنش حد بيحب حد أد ما حب أصحاب محمد محمدآ 💖
و النبى واجهه مشكلات فى المدينة مفيش قائد فى الدنيا يقدر على مواجهتها ،
مرة مؤرخ أجنبى أسمه برنارد شو قال : " لو كان محمد حياً بيننا لأستطاع أن يحل مشاكل العالم و هو يحتسى فنجانآ من القهوة " ..
طيب إيه المشاكل اللى حصلت فى المدينة ؟ ..
1) وباء : حمى قاتلة تأتى لأهل المدينة ، فسميت يثرب من التثريب لكثرة الأوبئة فيها .. و الحمى أصابت أبا بكر وعائشة وبلال ، فكانت عائشة تبكى طوال الليل من الحمى .
ومن كتر المرض كان الصحابة يأتوا الرسول ويقولوا له : " يا رسول الله أدعوا لنا الله ليحبب لنا المدينة كحبنا لمكة أو أشد " .. يا جماعة الغربة كانت صعبة جداً على الصحابة ..
2) بطالة : أهل المدينة عددهم كبير و زاد عليهم المهاجرين من مكة و متنسوش إن المهاجرين بلا عمل و بلا مسكن و لا مال .. و كمان المهاجرين كان عملهم فى مكة بالتجارة أما المدينة أهلها بيعملوا فى الزراعة ..
3) اليهود و المنافقين ..
4) حرب أهلية : بين قبيلتى الأوس والخزرج ..

فيرفع النبى يده بالدعاء ويقول : " اللهم أخرج وباء المدينة وطيب هواءها " .. فسميت " طَيبة " فهى طِيبة من طيب هواءها من كل سوء ♡ ..
و لحل مشكلة البطالة آخى النبى بين المهاجرين و الأنصار ( يعنى المهاجرى يبقى أخ للأنصارى و يورث فيه ) ،
أصل المهاجر عنده علم و قرآن و سنة ..
والأنصارى عنده الدنيا عنده مال و عمل ..
فآخى بينهم الرسول عليه الصلاة و السلام و بقى المهاجرى يعلم الأنصارى القرآن و السنة و الأنصارى يساعد المهاجرى فى المعيشة ..