السيره النبويه العطره

هذا الحبيب 63

6️⃣3️⃣
#السيرة_النبوية ❤️
👈اسلام خالد بن الوليد 💪❤️
👈اسلام عثمان بن طلحه❤️

💢شفنا في الحلقه إلى فاتت السيدة ميمونة لما طلبت أنها تتزوج النبى .. و النبى وافق و شرحنا الحلقة اللى فاتت الموضوع ده و قلنا إن دى حالة خاصة بالنبى عليه الصلاة و السلام و أن لم يقبل النبى الزواج بالطريقة دى إلا من ميمونة فقط لسبب واحد..
إيه هوه ؟
إن ميمونة من قريش فهيبقى في نسب بينه و بين قريش.

المهم قام راح النبى لقريش و قال لهم : " وما عليكم لو تركتموني فأعرست بين أظهركم ، وصنعنا لكم طعاما فحضرتموه " .. فقالوا : " لا حاجة لنا فى طعامك .. أخرج من أرضنا يا محمد "..
فكان واقف صحابى أسمه " سعد بن عبادة الأنصارى " فزعل و قال : " كذبتم يا أعداء الله ليست أرضكم ولا أرض أبائكم و لكن أرض رسول الله "..
فقال النبى : " دعهم يا سعد " .. و قال النبى لهم : " لكم ما أردتم .. و قال يا معشر المسلمين لا تغرب الشمس على رأس أحد منكم فى مكة ".. و خرج النبى من مكة و معاه ميمونة ( على فكرة ميمونة لم تتزوج النبى و هو محرم .. هو دخل بها بعد خروجه من مكة بعد ما تحلل من إحرامه ) ..

💢و على فكرة ميمونة كان اسمها "بُرَة" أي الحلقة الحديد اللى بتتحط فى أنف البعير أو فى أنف المرأة للزينة .. فالنبي غير أسمها و قال لها : " لست بُرَة بل أنت ميمونة " .. و أشمعنا اختار النبى اسم ميمونة ؟
اختاره لأنه من اليمين ْيعنى البركة .. يعني أنا من تحت رأسك الكريمة دي حفتح مكة .. ببركتك أنت يا ميمونة .. ميمونة من اليمين يعنى البركة .. واللي يطلق اسم ميمونة على قرد أو ما شابه ده خطأ لأنه بيشبه اسم أم المؤمنين بكائن .. و ده اسم جميل جدا من الخير و اليُمْن و البركة ..

و بالمناسبة ميمونة هتعيش بعد وفاة النبى ب 40 سنة ..
و هتنقل لنا أحاديث كتير قالها النبى عليه الصلاة و السلام .. حتموت و هى عندها 80 سنة .. و هتحب النبى حب شديد لدرجة أنها قبل ما تموت كتبت وصية أنها تدفن فى الموضع اللى أتزفت فيه لرسول الله ❤️❤️

💢طيب دلوقتى المسلمين خلاص خارجين من مكة ، فطلعت بنت صغيرة تجرى و تقول يا عمى يا عمى خذونى معكم .. مين البنت دى ؟ ..
دى بنت سيدنا حمزة بن عبد المطلب .. ده عم النبى عليه الصلاة و السلام و حبيب النبى و أسد الله سيدنا حمزة ده اللى حزن عليه النبى و بكى لحد ما نزل جبريل من فوق سبع سماوات و قال : " يا رسول الله إن ربك يخبرك أن فى السماء السابعة مكتوب " حمزة بن عبد المطلب أسد الله و أسد رسوله ".. فالبنت دى بنت حمزة فالنبى فرح بيها أوى و أخدها .. فأختصم فيها ثلاثة من الصحابة ، أصل كل واحد فيهم عايز يربيها عنده .. مين التلاتة دول ؟ ..

جعفر بن عبد المطلب و علي بن أبى طالب و زيد بن حارثة ، جعفر قال : " زوجتى خالتها " و علي قال : " هى أبنة عمى ".. و زيد قال : " أنا مولاك يا رسول الله " يعنى أنا حتة منك فقال النبى : " إذن يأخذها جعفر " ، لأن الخالة بمنزلة الأم ، فده مناسب للبنت أوى ..