انا والضابط

البارت السادس عشر

نرجس : واني غرفتي وين

غيث : شنو ناويه تبقين مقيمه يمنه شنو

نرجس : يااا نسيت ههههههه

الوالده : ربي يسعدكم ويشوفكم خير هذا البيت ويكفيكم شره

الكل : أمين

غيث: يله علاوي روح للشقه مالتك انت ونرجس
رتبوهه مو تخلوهه هيج

علاوي : تدلل حبيبي

( باسني بخدي وراح
مرات الشخص يتصرف تصرفات طفوليه
من يكون فرحان
وهذا الشي شفته بعيون علاوي
ميعرف شلون يعبر عن الفرح مالته

يا رب امي توافق وتخلي يتزوج ميس
لان خطيه حيل كبر)

كملنه خلال اقل الشهر تجهيز البيت وترتيبه
واني كل هاي الفتره ويه براء
وعايش عيشه تخبل
اتعلمت تطبخ علمودي
لان ما أحب دائما اكل المطاعم

وصارت ملابسهه مستوره اكثر
كم مره كتلهه على الحجاب بس متقتنع
واني ما احب أجبرهه

واليوم قررنه نسافر اني وبراء
حيل احب نكون بمكان طبيعي
احب اكون وياهه بكل الأماكن الجميله
اقترحت عليه نروح لمصر
واني طبعا ما ارفض الهه اي طلب

وقبل منروح بيوم
جنت بلبيت واني ناسي تليفوني ما قافله
هنا مر على زواجنه تقريبا
٨ شهور عشناهه بحب وسعاده

جنت كاعد يم امي بليل نسولف
وجهازي جان على الشحن بغرفتي

الوالده بهمس : شنو يوم براء ما صارت حامل

غيث : والله يوم خلينه هيج مرتاحين
هي صح تريد
بس اني مأجل الموضوع
بس راحت مرتين للدكتوره
كلتلهه بسبب العمر
ميصير عدكم هسه اطفال
تعرفين لان هي عمرهه ٣٦ صار
اكيد موسهله يصير عدهه طفل

الوالده : يله انشالله رجاء تجيب الولد
ونفرح بيكم يا رب

غيث : الله كريم يوم

( سمعنه صوت عياط بلبيت
واسمع نرجس تكول
يمعوده استهدي بالرحمن شنو سالفتج

ورجاء صوتهه خبصنه خبص
عبالي صاير شي لا سمح الله

ردت اكوم ودخلت علينه رجاء مثل العاصفه)

رجاء : الله ليوفقك يا غيث
الله ياخذ حقي من صحتك
تعبتني وتالي هيج تغدرني

غيث بعصبيه : خير شكو

رجاء: وفوكاهه تسأل
الله ياخذك ويخلصني منك يا نذل

( متحملت كمت ضربتهه راشدي قوي
ووكعت بلكاع واغمى غليهه)

الوالده : عزه العزاني
كوم شوف البنيه ليصير بيهه شي
وهي على وجه ولاده

غيث : يطبهه طوب
شبيهه جايه متخبله وتدعي

نرحس بعصبيه : حقهه من تشوف زوجهه وابو
اطفالهه يخونهه ومتزوج عليهه