انا والضابط

البارت العاشر

كلما اضوج حيل اروح لملاذي الآمن براء
احس يمهه يروح كل التعب
احتاجيت احجي وياهه بس اتصلت عليهه وهي ماكو

اتصلت بعمار

عمار : اهلا سيدي، همزين اتذكرتني

غيث : عمار مالي خلك، اذا عندك مجال
تعال خلي نطلع بلسياره نفتر

عمار : اهووو هم متعارك ويه المره

غيث بعصبيه : اي اي، راح انتضرك
بلمنصور مو تتأخر

عمار : صار جايك

( رحنه لكوفي بلمنصور نزلنه أركيله
وجايات وكعدت اسولفله)

عمار : لا لا هلمره انت غلطان

غيث : اعرف اعرف، بس شسوي

عمار : الحجي بيناتنه، انت عندك شي؟!

غيث بتوتر : شي مثل شنو

عمار بضحكه مستفزه : يعني منا منا

غيث : شنو هلحجي

عمار : سيدي مو دافنيهن سويه، عبالك ما اعرف علاقتك ببراء

( الصراحه صدمني، معقوله يعرف
ولا يوم بينلي هو يعرف بلموضوع ولا لمحلي اصلا
احتاريت شنو اجاوب)

عمار : يول صح اني احب الوناسه والراحه
بس من يوصل الشي لعائلتي طبعا ما اقبل
وهنا انت غلطان وتدور مبرر لغلطك

غيث : بس مستحيل اسامحهه على الحجته

عمار : شكالت

غيث : تكول اني مو خدامه
وداعتك يا عمار ما يوم حسستهه هي لازم تخدمني
بلعكس احاول شكد ما اكدر ادللهه
بس هي مدري شبيهه

عمار : انت بس كول يا الله وهي تنحل
نكعد شويه وارجع للبيت صالحهه
تبقى ام بيتك وبنتك

غيث : انشالله اشوف

( كعدنه للساعه ١٢ بليل ورجعت
البيت هدوء وبس امي بلصاله)

غيث : الله يساعدج يوم
اليوم هنا

الوالده : ويساعدك حبيبي، اي والله منتضرتك

غيث : اعذريني جنت طالع ويه عمار

الوالده : لا عادي يوم، بدل وتعال نحجي

غيث : صار تدللين

( رحت لغرفتي ملكيت رجاء
وهنا اني اتخبلت
دورت بملابسهه لكيتهه ماخذه نصهم
طلعت متخبل لأمي)

غيث : وين راحت رجاء

الوالده : هو اني جاي احاجيك علمودهه

غيث : تحلم بعد ترجع لهذا البيت
شلون تطلع بدون علمي

الوالده : شنو يوم شبيك، هاي مرتك
المفروض انت تروح تصالحهه
السويته مو شويه

غيث : لو تعرفين شنو جانت تحجي