شغلت سيارتي وبقيت افتر بشوارع بغداد
شغلت اغاني جنه نسمعهه اني وياهه
وبقيت ابجي حيل
اريد اصرخ بس ميطلع صوتي
اريد اطلع البداخلي
اذا بقيت ساكت اكثر يمكن انفجر
باوعت للساعه صارت ٢ ونص بليل
رجعت للبيت بس احس دايخ حيل وما اشوف بعيوني
متحملت ادخل للبيت
كعدت بلمرجوحه البره
وما حسيت على نفسي من نمتفزيت الصبح صارت الشمس بعيوني
ودخلت جوه لكيتهم كلهم نايمين
كملت نومتي بالصالهلحدما كعدتني امونه كالت بابا تعال اتريك
رحت اتريك وياهم بس احس نفسي جسد بلا روحكملت وطلعت افتر بلشارع
بقيت كم شهر على نفس وضعي
وجنت اغلب اوقاتي اخلصهه سكر وسهر
وكم مره رحت لأربيل
ومن وحده لوحده لحدما كرهت نفسي
ونسيت عائلتي
جان كل تفكيري ببراء
حضرتني من كل مواقع التواصلسويت صفحه وهميه حتى اتابعهه
واراقب ستورياتهه اول بأولومن بعد ٥ شهور نشرت منشور هي حامل
حسيت انتهت حياتي
من شفتهه شلون تحتفل بخبر حملهه وهي فرحانه
وشلون يلزمهه وهي جانت مالتي
معقوله تقبل غيري يلمسهه وتضحك وياه
معقوله نست حبنه ونست ايامنه الحلوهبقيت يوميه اروح يم الشركه اشوفهه
ولبسهه صاير قصير حيل
وسيارتهه احدث من قبل
بس باقيه نفس جمالهه
يوميه اراقبهه واشوف شلون بطنهه تكبر يوم عن يوم
ليش هيج ذبت ابني وحرمتني منه
وهسه حامل بأبن غيري
معقوله ذاك يستاهل ترتبط وياه بطفل
واني ما استاهل؟!
اي غيث انت متستاهل
لان تحب بس نفسك وتحب يكون الكل تحت أمركزوجتك الهسه بلبيت انت ممهتملهه
وتروح من وحده للثانيه
ومتخاف يجيك مرض ويوكعك
حسيت نفسي كبرت ١٠٠٠ سنه على عمري
كرهت الحياة، والي مصبرني عندي بنات
باجر عكبه يردون سند واني يمكن مو سند الهم
بس احاول اصير سندهمومرت ايام هوايه وشهور
واتزوجت اختي نرجس
بس جان عمار فعلا نعم الزوج والسند الهه
عيشهه بسعاده، يمكن جانت مفتقدتهه هيه
صار الهه اب وام وزوج وسند
ومن بعد شهرين من زواجهه صارت حاملوبراء جابت ولد سبحان الخالق نسخه منهه
اشوفهه كل فتره تجيبه للدوام مالتهه
ويجي زوجهه يرجعه للبيت
واني اباوع واتحسر
لو باقيه ويايه جان هسه ابنه اكبر من هذا
بس اني ما استاهلههوبيوم من الأيام جنت بلبيت
واجت خالتي وبناتههوبهذا اليوم جانت تصرفات هناء غريبه حيل
جنت حاس بيهه ناويه على الشر
واني جنت متعارك ويه رجاء ولو اغلب وقتنه
احنه متعاركين لان اني ما اطيق البيت
ولخاطر أمي اني ساكت عنههكعدنه نتغده وكملنه واني رحت لشقة علاوي
لان ماكو هوسه وعلاوي بلدواماندكت الباب وكمت فتحتهه
شفت هناء كدامي
وجانت بدون حجاب ولابسه نص ردن
رغم هي اغلب اوقاتهه حجابهه مو عدل
بس متوصل لدرجة لابسه نص ردن وتجي يمي
أنت تقرأ
انا والضابط
Romanceرواية شعبية تتكلم عن رجل متزوج يدخل في علاقة محرمة مع فتاة يعشقان بعضهما البعض يا ترى ما تخفيه لهم الأيام؟!! تعالو لنروي قصة ( انا والضابط) المليئة بالأحداث المشوقة ٢٠٢٣/٦/٩ ٢٠٢٣/٧/١٠