انا والضابط

البارت الثامن والعشرون

ورجعنه لبغداد واني احس راجعه طاقتي
رحت بلبدايه شفت امي ورجاء
بس رجاء متغيره مو نفس استقبالهه اليه
وحتى ممجهزه نفسهه اصلا
عفتهه ورحت لهناء
ولكيتهه على اخر حبايه ومشتريه ملابس جديده مال رقص
يمكن جانت حاسه اني هناك رايح علمود هيج شي

عشت ليله بألف ليله وليله
عرفت شلون الحلال حلو واحسن بألف مره من الحرام

بقيت اميل الهه اكثر واهمل رجاء
ورجاء ابد ممهتمتلي
لان يمكن تعبت من تصرفاتي

ومن بعد كم شهر
لكيت رساله من رقم غريب
'' غيث الحكلي ''

ومكتوب بيهه عنوان
الصراحه خفت على نفسي
يمكن كمين او شي موزين

اتصلت على عمار

عمار : اهلا سيدي

غيث : عمار اكو رساله دازيهه اليه بس غريبه

عمار :يا ساتر منين الرقم

غيث :والله ما اعرف ومكتوب عنوان

عمار : بله دزلياهه

( دزيتهه اله وكال خلي اشوف بله
بس اني كتله يستعجل

راح وبعد نص ساعه تقريبا)

عمار : اكلك هذا الرقم ما عرفت لمنو

غيث : معقوله

عمار : اي والله.. تريد نروح لو شلون خاف صاير شي

غيث : والله ما اعرف
هسه جايك اني، بس مو نروح وحدنه

عمار : خلي اشوف الولد بين متجي

غيث : ابدل وجايك

( بدلت بسرعه ورحت لعمار لكيته هو وكم واحد من الجنود لابسين مدني
طلعنه رحنه للعنوان، المنطقه حلوه يعني مو مهجوره
لعد شكو هنا
وصلنه للمكان واتصلت على الرقم من عمار بس ما انفتح خط
واتصلت من الولد هم ماكو
اخر شي اتصلت من رقمي بسرعه انفتح خط
وجان صوت يمكن اخر شخص اتوقعت اسمعه)

غيث :الو السلام عليكم

...... : الو غيث الحكلي

غيث : براء؟!!

براء بدموع :اي اي براء

غيث : وين انتي براء شبيج

براء: بلعنوان الدزيته الك فدوه تعالي  بسرعه

غيث :اني بلمكان وين انتي

براء: اكو سياره لونهه أحمر بلركن

غيث : لا ماكو

براء بدموع : خرب خرب

غيث :احجي براء وينج

براء: زين شنو تشوف كدامك

غيث : اكو سياره لون ابيض والثانيه لونهه اسود

براء: لا لا

غيث :وينج راح يصعد عندي السكر احجي

براء: ما اعرف، بس اعرف العنوان