انا والضابط

البارت الخامس

( راح ونمت بمكاني
حسيت جسمي تعبان حيل
كعدتني ب ٧ وربع رجاء علمود نروح
سبحت وبدلت ورحت جبت حلويات وفواكه
ووصلتهة لأهلهة ورحت لدوامي
وبتت هناك وثاني يوم هم عندي شغل هم بتت
ملحكت اتصل على براء
رغم لكيتهة متصلة بس كتلهة عندي دوام ومشغول
وهي اتفهمت هلشي
بس وادزلهة صباح الخير
ومن اريد انام ادزلهة تصبحين على خير)

اليوم جمعة رجعت للبيت ب ٧
واحس نفسي متكسر
اتصل عليه عمار كال شنو رايك نطلع
نشوي سمج وتكة وكباب
كتله ميخالف بس الضهر مو هسة
لان تعبان حيل
وكال ميخالف انتظرك

نمت ومحسيت على نفسي
كعدت الساعة ب ١٢ ونص الضهر

اتصل على عمار كال اني محظر كلشي
بس جيب وياك ٤ سمج
سالته شعجب
كال جايين ويانة ابوية واخواني
كتله لعد راح اكول لعلاوي يجي
كال خلي يجي يتونس ويانة فد مرة

اتصلت ب علاوي وكال راح اروح مناك اني
اطلع قبلي، ورحت اشتريت ٤ سمج
وفواكه وكرزات واخذت نركيلتي وياية
لأن هيج اجواء يحتاجلهة نركيلة

كعدنة نشوي واخذنة الوقت للساعة ٨ ونص بليل
كتلهم يلة خلي نرجع
بعد ما أكدر حيل تعبت
رجعنه للبيت واتصلت بأمي كالت راح نبقى
كم يوم بعد، ورجاء كالت اجو اخواتي
كتلهة ابقي شكد متردين
احس نفسي حر من مموجودة رجاء
صح اشتاق لأمونة بس احب اكون وحدي

سويتيلي كهوة وكعدت اقرأ كتاب
وعجبني اقتباس قررت ادزه لبراء

( قل لعينيك الجميلة
انني اغرمت بها للأبد)

اتصلت عليه

براء: الو السلام عليكم

غيث : وعليكم السلام

براء: شلونك

غيث بحسرة: كلي بكلك ممزوج ومتصل
والنائبات التي تؤذيك تؤذيني

براء: حيل احب اسمع هلكلام، يعبر عن ثقافة
الشخص واهتمامه بالآخر

غيث : هواية عندي كلام وياج، واحب من تسمعيني
احس تفهميني

براء: ان شاء الله اكون عند حسن ضنك

غيث : اكيد اكيد

براء: شنو كاعد وحدك

غيث : اي وحدي، محد يمي
امي وباقي اهلي راحو لبيت خالتي

براء: اهاا، تحب تكعد وحدك

غيث. : حسب وية منو

براء: شلون يعني

غيث : مثلاً اذا شخص مو نفس اجوائي
فأحب اكعد وحدي

براء: واذا نفس اجوائك

غيث : جداً احب اكعد وياه

براء: شنو رأيك اعزمك على غدة