انا والضابط

البارت السادس والعشرون

كعدت امي وكتلهه راح اروح
وودعتهه ورحت
جبت رجاء من اهلهه وكالت موافقين
اتصلت على امي وبشرتهه
كالت باجر من الصبح تحي تاخذني علمود نروحلهم

رحنه ثاني يوم و حجينه وياهم
وامي بعد كلامهه اليخبل
كالو نشوف رأي البنيه وبعدين يتشاوفون
وفعلا ٣ ايام ودزولنه خبر علمود نروحلهم

اباوع لعلاوي شلون متأنق وفرحان
يمكن دعائي ممستجاب
بس هوايه دعيتله من كل كلبي
ربي يسعده ويحرسه

وتمت الموفقه وسوينه الخطوبه خلال شهر
وانتضرناهه تتخرج علمود نسوي العرس

جانت امي طايره من الفرح بخطوبته
خطيه هم كبر وممتزوج
وحتى هو حسيته يحب البنيه حيل
لذلك جانو منسجمين وحلوين سويه
ورجاء يمكن جانت اسعد وحده بلحفله
لأن اختهه راح تجي يمهه

وكعدنه نحضر غرفة الأخشاب اله والنيشان
جان كلشي من عندي لان هو ممجمع فلوس ابد
كال بعدين من تجي المره هي تلزمه متخلي يصرف

وسوينه عرسه وجان حيل فرحان
انطيت لرجاء فلوس علمود تشتري هديه لأختهه
وهم لازم هديه لأم العروس
وهي اكيد تعرف ذوقهم
امي اشترت للعروس أسوارات ذهب
واختي نرجس جايبه للعروس محبس ذهب

وكمل العرس بخير وسلامه
واجت العروس ونورت البيت
جانت حيل هادئه مثل رجاء وخدومه حيل
اغلب وقتهه ببيتي تساعد اختهه
وتكعد يم امي تسولف وياهه
مرات اكول امي من كد طيبتهه وحنيتهه
ربي رزقهه جناين يحبوهه ويحترموهه

كم شهر وصارت سناء حامل
وامي طارت من الفرح وتحتار شلون اتداريهه
اتفقت وياهه بعد متجي لبيتنه
لان هنا تتعب خطيه، امي صارت اسبوع تروح يمهم واسبوع يمنه
وهيج مشت الأيام
قنعت امي بزواجي من هناء
بس جنت خايف من ردت فعل رجاء

وبيوم من الأيام بليل كعدنه اني ورجاء ردت افتحهه بلموضوع

غيث : اكول حبيبتي اريد احجي وياج بموضوع

رجاء : كول حبيبي

غيث : انتي تعرفين اني اريد اطفال
ودائما تصير مشاكل علمود هلشغله

رجاء :اي صح بس اني شنو بأيدي اذا رب العالمين
ميرزقنه

غيث :اني اريد اتزوج

( بقت تباوعلي وعيونهه دمعت)

غيث: وداعتج ما اريد ازعلج مثل ذيج المره
اني متمسك بيج رجاء
لذلك حجيتلج هسه، والله احبج واعزج
بس اني كبرت، اتمنى تفهميني

رجاء بدموع: بشرط اتطلكني

غيث : وداعتج انتي اغلى شي بحياتي
بس شسوي يعني ماعندي ولد
اريد ولد يشيل اسمي

رجاء : ما اعرف غيث ما اعرف

غيث :انتي بس فكري بلموضوع
وداعتج ادللج وما اخليج تحسين بأي شي