انا والضابط

البارت الحادي والعشرون

غيث بتوسل : اترجاج براء لتذبين الطفل
متعرفين شكد صار منتظر يجيني طفل منج
وهيج بهل سهوله تردين تذبي

براء: لان ما راح يعيش حياة مستقره
ما اريد اورط طفل ويايه
كافي اني محد مهتملي

غيث : وعيونج كلشي يتغير بس يجي الطفل
اترجاج براء لتسويهه

براء: الله كريم

غيث : عادي ابقى يمج ونروح نسافر

براء: لا

( صراحه صدمني جوابهه
اتوقعتهه راح تفرح وتوافق
بس الي صار هي موافقت
واني ما ضغطت عليهه اكثر)

بقيت كاعد يمهه شَويه وهي ممهتمتلي اصلا
رحت جبت غدى وكتلهه تتغدى بس مقبلت
بقيت مسويت شي وكلت ابات يمهه اليوم
بس هي رفضت، كالت لتبقى هنا
بس اني اصريت عليهه

ثاني يوم كعدت بدلت وكملت

غيث :صباح الحب

براء : صباح النور

غيث : شنو حبيبتي بعدج زعلانه

براء: مو مهم

( عافتني وطلعت لدوامهه
بقيت صافن
هاي شسويت غيث
دمرت نفسك وخليتهه متثق بيك بعد
ابسط شي هو الطفل ومتريده منك
لعد شكد أذيتهه بحيث متريد شي يربطني بيهه)

رحت لدوامي ولازم ابقى يومين هناك
عندي خفر
وكلت بس ارجع اروحلهه

اتصلت ثاني يوم زمرده
كالت براء مريضه
واني بسرعه اخدت اجازه زمنيه ورحتلهم

كلت اكيد تريد تدلل عليه
وتشوف معزتهه عندي

وصلت لبيتهم ودكيت الباب طلعتلي عهد وجهه اصفر

غيث : هلو عمو وين امح وخالتح

عهد : جوه جوه

( دخلت واباوع براء متمدده بلصاله
ويمهه زمرده لازمتهه وتبجي
اتقربت عليهم اريد اعرف شكو)

شهد : عمو، خاله براء ذبت الطفل

( اني سمعت الخبر واحس جسمي نمل
ما سيطرت على نفسي
رحت على براء وبقيت اضرب بيهه
وهي متحرك نفسهه عبالك ميته واني فاقد

جروني زمرده والبنات واني فقدت
حسيت كلشي ضاع وهاي نهايتي ويه براء
جرتني زمرده حيل ودفعتني

زمرده : كافي كافي
احنه بيا حال، لو ميته ومندري بيهه
شلون اني شلون

( وبقت تبجي واني مهتميت الهه
رحت لبراء ولزمتهه من جتفهه وبقيت اهزهه قوي)

غيث : ولج ليش تتحدين صبري براء ليش
ولج ما اريد ازعلج
وانتي تكتلين طفل ويا طفل
ولج ابنج تفهمين شنو ابنج يا ضالمه

زمرده : فدوه اتركهه، ليصير بيهه شي
حرام عليك

غيث : والسوته بالطفل مو حرام
ولكم انتم تحللون وتحرمون بكيفكم