كــمَ رفَ قَلبــيِ حيـَن كنـُت المَتصـل
يــاً من بصــوتكَ كــلِ هــمَ يرتًحــــل ...🔥✨
طلعت بكل هدوء احاول ما اطلع صوت علمود ماتكعد من نومها ... وصلت للباب الخارجي جاي افتح بالباب اريد اطلع بس اوقفني صوتها
وهي دكول:
" هااا حبيبي راح تروح للشغل ....
تقدمت نحوها وهي تفرك بعيونها من النعس واردفت
" اي حبيبتي راح اطلع للشغل وبعدها راح اسوي الكلتي عليه ...
رفعت راسها وبتسمت برضا واكملت كلامي واني اكول:
"راح اشوف بنيه علمود تتونسين وياها وتساعدج هم ...
باوعت لعيوني وكَالت :
" تمام حبيبي٫ او صدك اليوم اريد اروح الضهر لامي
رفعت حاجبي وكَلت:
" وحدج.؟
ابتسمت وكالت:
"اي حبيبي تره امي قريبه من بيتنه بس شارعين .. او لا تخاف اخلي وسام يرجعني...
هزيت راسي بصبر وكَلت :
" ماشي الي يريحج .. تردين شي بعد
" لا سلامتك...
تقربت عليها ،وبستها من خدها من بعدها طلعت متوجه للدائره ...
(ساره)
رجعت نمت لمن دك المنبه رفعت الموبايل واني اشوف ساعه ب 10
رأساً بدلت لبست جبه او طلعت لامي اريد اشوف السويته صح لو غلط ... وصلت ودكيت الباب جان يطلع اخويه وسام
"هلاً باختي
"هلا اكلك امي موجوده
حرك اديه وكَال :
" طبعاً
"لعد متوخر من وجهي وتخليني اطب اشوفها ...
وخر من مكانه واني رأساً طبيت نفس العاده لكيتها بغرفتها جاي تخيط
دخلت عليها للغرفه وكعدت كَبالها وكَلت:
" شلونج يمه ...
رفعت راسها وردت عليه وهي تباوعلي بنظرات ثاقبه ...
" زينه ... احجي من الاخير شنو وراج من مصايب ؟
"ليش يمه اني بس اجيب الج المصايب ؟
نزعت نظاراتها وكَالت :
" ليش الي يشوف هذا الوجه شيشوف غير مصايب ، وخصوصاً من تجيني صبح بنتي واعرفج'!
اردفت واني منزعجه من كلامها
" يمه لا زيديها عليه ؟
" يمه اني ما مزودتها عليج بس انتي اذا ماتلوصيها ما ترتاحين ؟
" يمه احجي بس لا تقاطعيني ..
سكتت (يعني بالغتها احجي)
"يمه طلبت من هيثم يتبنى طفل من الميتم؟
أنت تقرأ
تشــوهُ داخلـــيِ ( مكتمله )
Romanceتبدأ قصتنا بفتاتين بعمر الزهـور يجعلهما القدر يفترقان من مكَان عيشهما وهـوَ ميتمهما ... لتبدأ حياه كَـل منهما تحت عـائـله محافظـه ورجل مخادع فهل يكَون الحظ من نصيبهما ام سـوف يجبـرهما القدر علـى فعل اشـياء قبيحـه ! لتبـدأ رحلتنا المجهــوله مع رواية...
