تشــوهُ داخلـــيِ ( مكتمله )

تعلَقٌ ؟! part 21

كلّما زاد خوفك من شيء ما، زاد حدوثه.
|قانون مورفي.

''''''''''''''''''''''''''''''''''
هلاووووو عسلاتي 🤍🍯 شلونكم!
طبعاً قبل بدأ البارت تابعوا الحساب وصوتوا للبارت وعلقوا لأن احب تعليقاتكم العسل يا عسل✨🍯
حساب الانسـتا Written_hawra15
طبعاً حسابي تيك توك انزل بي اي شي يخص القصه هذا الحساب 👈 h_00r_2@

«تشــوهُ داخلــيِ»
بيد الكًاتبه/حوراء🫶🏻✨

ومشاهدهً ممتعه✨

'''''''''''''''''''''''''''''''''''''''

_ جهه جديده _

كعدت الصبح مثل كل يوم عادي بس اليوم مو عادي مثل ماصورت ... صحيت من النووم واني على چربايه ومديت ايدي اخذ الموبايل اشوف شصار او خاف احد دك عليه فتحت الموبايل وجان عيني تروح على اشعار جان مكتوب بي رساله صوتيه من هيثم ما استغربت لأن جنت متوقع هذا الشي رحت للواتساب وشفت الرساله الصوتيه فتحت الرساله واول ما سمعت شنو محتواها انصدمت ... استغربت وانصدمت اكثر من سمعت رفض نيرمين النه عدت الرساله اكثر من مره خاف مفبرك بس ماكوو شي يدل انوا هوً مفبرك كمت من الچربايه وضليت افتر بالغرفه عفت الرساله وبسرعه طرت لرقم علي دكيت عليه مره ما جاوب المره الثانيه جاوب بعده ما سلم انفجرت بوجهه واردفت بصوت عالي

" يلااا وين كلامك موو كلت اجيب نيرمين وخليها بيدك ...

" ايي وفلوسك لازم تكون جاهززه

" الفلوس جاهزه وعدي استعداد ادفعهن هسه بس مو يوصلني رساله صوتيه هيثم الكلب يخير نيرمين ضل عده لو تجي يمي وهيه الافنديه تريد ضل عدده

" مين سمعت هذا الحجي ؟!

" حقك نايم ورجليك بالشمس ... هسه راح ادزلك الصوتي وسمعه وشوووف لككك عندك مهله 4 ايام اذا ما صارت نيم بيدي اكلب الميتم مالتك مركز شرطه وخليك تعفن بالسجنننن

" ايي استاذ سدير كول كلبت الميتم مركز شرطه وبيمن تريد تقاضيني ...

" بتهمت بيع الاطفال مو تبني الاطفال والي عدي ادله خيير من الله واذا ما اصدك لاتخاف اطلعهن كلهن بمركز الشرطه ونشوف منو يسلم منها

بهاي الاثناء قطعت الاتصال عن علي ولا اريد اسمع حرف واحد من هذا الكلب حسباله يلعب عليه والله ادخله للسجن والعب بي طوبه ، وانتي لجج نيم هاي تاليتج ترفضين تجين عندي وانتي كضيتي نص عمرج يمي وتبجين اذا طلعوج من غرفتي ...