ولقد بنيت ُلكــيِ بين اضلـــعيِ منزلــاً
عســــــى ًالمقــَـام بالمقــيم يليقَ...🔥
ضحكت عليها وكمت من الفراش باوعت على نفسي بالمرايه اخبل بس عدلت شعري لفيته ذيل حصان وبنين كذلك او طلعنه...
شافتنه نورس واخذتنه لمكان الاستقبال دخلنه شو بس اني وبنين موجودات بالغرفه واستاذ علي او نورس ورجال غريب
جانت ملامحه عاديه انتبهت لعيونه عسليات وشعره اسود بس بي شيب خفيف بعدها قطع نظري لملامح شخص
صوت استاذ علي وهو يكَول:
" هذني البنات
باوع على بنين بعدها باوع عليه وكَال:
" يا حلوه انتي شسمج؟
تلقائياً باوعت على نورس جانت مبتسمه ابتسامه متصنعه ممزوجه بتهديد مااعرف شلون افسرها ...قطع تفكيري استاذ علي وهو يردف
" نورس تكدرين اطلعين ...
كمل كلامه و حرك ايده باتجاه الباب بصرامه ، بعدها طلعت نورس من دون ماتباوعلي، وجهت نظري للرجال الغريب الي كان منتظر جوابي اردفت بتلبك
" ن نيرمين
اردف وهو مبتسم وكَال:
" عاشت الاسامي ، نيرمين انتي شكد عمرج...
" 15 سنه
نزلت راسي عنه بعدها اردف
" عادي اخذلها صوره اشوفها لمرتي لان ما اجت وياي ...
" اي عادي اخذ راحتك.
كام من مكانه الرجال ونزل لمستوايه باوعلي واردف بحنيه
" نيرمين تكدرين ترفعين راسج؟علمود اخذلج صوره'!
ضليت ساكته بدون جواب بعد فتره قصيره ما احس غير رفع ايده وخلها على حنجي علمود يرفع راسي رأساً ضربت ايده ورجعت لوره...
فوراً سمعت صوت استاذ علي وهوَ يحجي بعصبيه وبحده بسبب رده فعلي
" نيرمين اتصرفي بأدب
ردت احجي بس سبقني رجال وهوَ يكَول:
" عادي ، يمكن بعدها مستغربه مني...
اردف استاذ على وهو موجه كلامه اليه
" نيرمين استاذ هيثم يريد بس يطك صوره انتي فقط رفعي راسج وابتسمي...
باوعت على استاذ هيثم نفس ما كَال استاذ علي وابتسمت ابتسامه خفيفه بس بالنسبه اليه مليئه بالخوف
التقط صوره سريعه وكام من الارض بعدها اتصافحوا مع بعضهم وطلع الرجال الملقب (هيثم) باوع علينه استاذ علي واردف
" تكدرن طلعن...
طلعنه بسرعه بدون ما نحجي شي جان تستقبلنه نورس باسئلتها ...
"هاا شصار؟
اردفت الها وبنين تمشي بصفي
" ما صار شي
أنت تقرأ
تشــوهُ داخلـــيِ ( مكتمله )
Romanceتبدأ قصتنا بفتاتين بعمر الزهـور يجعلهما القدر يفترقان من مكَان عيشهما وهـوَ ميتمهما ... لتبدأ حياه كَـل منهما تحت عـائـله محافظـه ورجل مخادع فهل يكَون الحظ من نصيبهما ام سـوف يجبـرهما القدر علـى فعل اشـياء قبيحـه ! لتبـدأ رحلتنا المجهــوله مع رواية...
