تشــوهُ داخلـــيِ ( مكتمله )

بـارت اضـافي 🔥

بسمَ اَلله الَرحَمَن الَرحيِم ...
_الكاتبه:حوَراء الأحمـدي
_تشوهُ داخلي ِ
_ لاتنسون التصويت ،والتعليق بين الفقرات+مُتابعه حساب الانستكرام(written_hawre15)
                                                      Instagram:written_hawre15
Telegram:لا يوجـد
TikTok:h_00r_2

فـيِ مكان عيـش ابطالنـه الثلاث في منزل واحـد تدور احداث من المستحيل ان تحـدث .. ارسـلتهاا لــي بنين التي كانت مخططه في جمع ابطالــنهَ ( سديِـر ونيرميِن ) بعـد فراق دام 8 سـنوات مع زيارات مقطعه من بطلنا سديِـر من دون حصول شـيِ .. الـى أن ...

دكيِت الباب بخفه وتنحنحـت منتظـره جوابهاا وفعلاً دخل صوتهاا لمسامعي وهي تگول :
" دخلـي بنين
فتحـت الباب ودخلـت وسديته وراي واني اباوعلهاا ومبتســمه وانـي افكر بأخر بارت صار بالروايـه والاهداء الي صـدمنه كلنه ومن ضمنهاا نيرمين لكن حاولت تبين هي مامهتمه لكن هي من اكثر الاشخاص الي چانت مهتمه ... گالت وهي تبتسـم :
" شبيج صافنه ؟
" نيرمين عادي احچي وياچ بموضوع ؟
تقربت باتجاهه وكعدت بصفها فوراً واني اشـوفها مأشرتلي على مكان بصفها علمود اكعد بيـه .. وگالت :.
" احچـي
" مو تضوجين مني ؟
" اضوج من نفسي ولا اضوج منچ
" نيرمين رجعي لسديِـر
رأسـاً دارت وجهـه عليه واني اشوف ملامحها انگلبت ، غمضـت عيوني واني متوقعه كلامهاا ..
" بنين مستحيل يا اخييي مستحيل ارجع الواحد كسرني وفضل عليه مستحيلللل
" نيرمين كلنه نخطأ ، انتي شايفه شلون شكله صاير ، قبل لا يسـلم يگول وين نيرمين ..
" يستـاهل وكون يصير بي الانگـس ، دمرني ودمر نفسيتي ولچ چنت اشوفـهَ الضوهَ الوحيد بحيـاتيِ لمن طفـهَ ضواه من عيونيِ ..
" نيرمين شفتي التعليقات ؟
" بس هااي حياتي ، بنين اني نفسي ماراضيتهاا دور ارضـهَ الناس .
"نيرمين هووً مو يحبچ مهوووس بيچ اباوع لطريقة كلامه من يذكر اسمج اسمع حسراتـهَ وهوً يجرهن ، انقهر من اسئلـه شلونك يگول عافيتي مهدودهَ
كملت كلامي واني اباوع لنيرميِن الي فوراً رفعت راسـهااَ لفوك ، زحزحت نظراتي ليدها الي چانت ترجف بشكل يخوف رفعت راسي الهاا واني اشووف خشمـهااَ طك دم بقووهً سال الدم لنهاية فكهاا فوراً صحـت وانـي اباوعلهاا :
" نيرمين شبيـچ ؟ نيرمييننن ..
ماترد فقط رافعه راسهاا ومغمضـه عيونهاا ، حسيت كلبي انخمش واني اشوفهاا جامده على هاي الهيئـه اول ماردت اصيح لمهيِب خلت ايدهاا على شفايفي وگالت بصوت يرجف :
" لا تخوفيني بالزايد واني خايفه ....
حضنـتهااَ فوراً واني اشوف دم خشمها يسيل ، خليت راسهاا بركبتي واني اطبطب على ظـهرها وايدي ترجف ... ثواني وگلـت :
" ليش تخافين ؟؟؟ اني يمج
رأسـاً انفجرت بالبچـي وهي تشهك بقوهَ وگأنوا كاتمه على نفسهاا :
" نيرمين احچي اسمعج والله وما اگول لحد ..
" بنين اريده اريده ..
" منووه ؟
الخوف استولى عليه واني اسمعها لدرجه نسيت عليمن جاي تحچي ، ومن نبرة صوتهاا عرفتهاا فقدت وبدت تهلوس بطريقه غريبهَ :
" سديِر اريدهَ احبـه بنين احبـه ... بنين احبه من الطفوله لدرجه چنت اتعمد ابوسـه ، احب كلشي بي كلامه غزلـه خوفه عليهَ ولج متتخيلين شلون چان يعاملني چان يبوس اصابيعي اصبع اصبع اذا اضووج او اتأذه يذب الصووج بيه ..
سكتت شـويهَ تحاولي تهدي نفسـهااَ ثواني وحسيتهاا تريد تبتعد عنـي فوراً رجعت سحبتها اريد اسمع كلامهاا لأن ابداً ماحچيتلي هيج كلام بحياتي من اول ما اجت لحد هذا اليوم ... وگلـت بهدوء واني احاول اسحب الكلام منها :
" اني سمعته يگول هيه الرفضتني بالاول بسبب عمري ليش رفضتـيه اذا چنتي تحبيه ؟
" چ چ چنت خايفه من هوواي اشياء ، ومن ضمنـهن انوا هوً چبيرر ومستواه اعلى منـي واگيد يريد بعد كم يوم من زواجي منه وحده غيري لأن اني مادارسه وهوً صاحب شركه ..
" هسـه ترديـه؟ لو رجع مره ثانيه تقبلين بيه ؟
سكـتت ما حچـت دقايق وابتعدت عنـيِ وگالت :
"وشيراز ! اگيد هوً هسـه طاير بيهاا .. 
" طلگـهاا حتى بدون ما يتقربلها ..
فتحـت عيونهـا على وسعهـن مصدومه ، مسحـت دموعهاا وهي دگول :
" شمدريـچ ؟
" حچـه لمهيِب كلشي وچان منظـره نفس منظـرچ هسـه .. من حچـه وي مهيِب ثواني وسكـت سديِر عن الكلام فوراً باوعلي مهيِب وگالي حبيبي طلعـيِ ومن طلـعت سمعت مهيِب يگول لسدير هسـه طلع الي بكلبك وارتاح ..
انتبهـت عليهاا بنهاية كلامي خشـمها بعده ينزف فوراً گلـت :
" امـشي خل نروح للمستشفى خشمج ما توقف نزفه ..
" عادي يمعودهَ .
سحبتها من ايدهااا وطلعـنه من الغرفه وهي تحاول تبعد ايدي عنهاا ، باوعت لمهيِب الي چان گاعد بالصاله وگلت :
" مهيِب خل نروح للمستشفى ..
باوعلي فوراً وجهه انكلب وگال :
"شكوووو ؟
" شوف نيرمين ..
اول ماشاف خشمها ينزف بقوهً گام من مكانه وگال :
"لحگنـي للسيارهَ ..
" مهيِب ترهَ مايحتاج ..
" انتي الصمي ذاك الرجال راح يروح من عدنه وانتي وراه مبين ..
" يا رجال ؟
" الهايـم بيچ ..
سحبتني بنين مقاطعـه كلامي واني احاول وياهم بس سحبوني للمستشفـى وي دوخت المستشفى وريحة المغذيات الي تلعب النفس هبط ضغطي اول ما كعدت على الكرسيِ وبنين واكفه فوك راسيِ .. دقايق واجـهَ مهيِب وياه دكتور مدري ممرض وشايل جهاز باوعت للجهاز چـان جهاز ضغط طـلع عندي صعود بالضغط وهبط اول مادخلت المستشفى .. كتبولي مهدئات اشكال والوان وجابهم مهيِب وصراحه مهيِب ماقصر ابداً ايي شي بنفسي يجيبه وبمرور هاي السنوات ما شفته زعل بنين ولو مره وحده ومرات خايفه خاف احسدهم ، طلعـنه من المستشفى تقريباً العصر بس جاي اظـلم ، اخذنـه عشـه ورجعنه للبيت لأن بدت نفسي تلعب فجأه ومـر اليووم عادي ... ونفس الروتين ثاني يوم لكن العصر اختلف الوضع من دخلت عليه بنين وبيدهاا فسـتان احـمر قصير ضحـكت بوجهه وگتلهاا :
" شـنو راح تلبسيه المهيِب ؟
ضحـكت وگالت :
" لا بس ضيك عليه واريدج انتي تلبسيه لأن انتـي اضعف مني واطول ..
" مالي خلك والله
" انچبي حبي راح اطلع ومن تبدلين صيحيلي بس بداعتي لبسيه اذا تحبيني
" تمام تمام البسـه
ضحـكت وطلعت فوراً ما استغربت من تصرفها لأن احنه دائماً نتلابس ، وفعلاً نزعت ملابس البيت ولبستـه وقبل لا اصيح لبنين اشوفه حسيت الباب انفتح واني اباوع لروحي بالمرايه الطولانيـهَ فوراً درت وجهي للباب وگلـت :
" عريض من ناحية الص...
ماكملت كلامي وفتحت عيوني على وسعهـن واني اشووف سديِر گبالي ثواني من الصدمه واسمع الباب انقفل فوراً صحـت بصوت عالي :
" بنين بطلي سوالفج وتعااي فتحي الباب مستحيل احچي وي هذا المخلوووق
ما سمعت ايي اجابه لذلك وجهت نظريِ لسديِر واني اشوفه مشيِب ولحيته طولانـهَ ... ربع سـاعه واحد صافن بوجه الثاني او اقصد اني صافنه بوجهه وهوً عيونه حارت وين تباوع ، محد حچـه واول ما انتبهت النفسي صحـت بوجهه :
" دور وجـهكك عنـي لا تباوعلي مشوفين شلابسـه ؟؟
فوراً رفع راسـهَ وگال بصوت ذبلان :
" هديتي حيلي يا بعدچ مالي حيل ..
" انته متستحي شنو هالاهداء المسويه ؟؟ علمود تتعاطف الناس وياك ..
" مشتاقلچ بگد شعر راسيِ ..
" موو جايي احچي وياك ليش تغير الموضوع ..
نزل راسـه وباوعلي وعيونهَ حمر ويلمعن والدموع محاوطات عيونهَ جر حسره وگال :
" 24 حرف ماگدر يوصف مشاعري واشتياقي لعد اني شكد ضعيف ..
" اطلـع برهه ماريد اشووفككك تفهم
" ليش حالفه ترجعيني مكسور
" اطلـعع برههه
" ذمه بركبتج اذا صار بيه شي واريدج تعرفين كلش زين اذا شي صار بيه كله بسببج ..
" لا تحملني ذنب اني مالي دخل
" وشعري المشيب وحيلي المهدود والخفقان الي بيه مو ذنبج هم ..
باوعتله بصدمه واني اشوفه خال ايده على گلبه اعرف هذا الشعور حاسه بيه كلش زين اردفت واني امثل مو خايفه عليه بس اني لو بيدي اخذه بحضني احس كل حقدي انزاح بس مع ذلك گلت بتردد :
" لا تحاول ..
باوعلي واني اشوف دموعه نازله على خده ثواني وگال :
" منا للـ3 اذا ترديني صيحيلي واذا ما ترديني مودعه بالله ..
صاح وراهاا فوراً بصوت عالي فززني :
" مهيِب افتحح الباب ..
وصدك انفتح الباب دخلت فوراً بنين وچـان تباوعلي بنظرات ماراضيه عليه وگالت :
"هذا قرارچ الاخيِر
سكتت ماحچيت شي مترردده ما اعرف شحچي بداخلي اندفاع كلش چبير اريد اروحله بس اكو جانب صغير رافض مشوشه ... اعترف مشتاقتله بس خايفه من قراري الجديد  ، مرت 10 دقايق وچان دگول :
"سويت كلشي علمود اجمعكم بس انتي رافضـه واني صراحه تعبـت والكاتبه تعبت والقراء تعبووا ، لذلك خل يروح يشووف حياته احسـن وي غي...
" اطينييييي جاكيتتت ..
" ليش ؟؟؟
" اريده اريد ارجعععع
اتصنمت بنين ولا تحركت من مكانهاا سمعت مهيِب گال بصوت عالي وهوً بالصالهَ :
" بعد وكت الولد راح ، انتي تحچين 1 بالشهر
ما سمعت كلامهم وفوراً سحبت جاكيت من الكنتور ولبستـه وطلعت اركض للشـارع اباوع سيارته ماهيـهَ ولا طفل ولا حيوان بالشـارع.. من شفته صدك راح حسيت كلبي نغزني فوراً دنكت راسيِ وانفجرت بالبچي بصوت ناصي ومخليه اديه على وجهي واشهـك واحچـي :
" اريده ...
" منو الترديـه ....
بچيت بقوه واني اسمع صوت واحد يسألني وبصوت عالي گلت :
" سديِرر والله اشتاقيتلـهَ بس هووً چلب وعافني وخلاني
" الچلب وراج
اني حسبالي چلب حيوان وراي فوراً درت وجهيِ وچان اشوفهَ سديِر ورايِ ثواني وطرت بحضنـهَ حضنـتهَ قوووي وهوً شالني ودخلني للبيت وگال وهوً يهمس بأذني :
" عيب مو هناا نعبر عن اشتياقنه ..
اني مامهتمه اله وحاضنتـهَ ومقرره امسح الماضي كله وارجعله مدري شنو الخلاني ارجعله كلام بنين والكاتبه ولا التعليقات مدري الله هداني ورجعت فوراً دخلنه للصالهَ والكل يباوعلنـهَ واني اسمع هلاهل بنين وسدير چان مغطيني عن مهيِب ثواني وما احس غير نزلني من حضنـهَ وسد الباب برجلـهَ اباوع عليه واحس روحه ردت وقبل لا انطق تقدم اليهَ وگال :
" وهسـه اگدر اعبر عن اشتياقي
سحبني من خصريِ وطبكَ شفتيِ على شفتـهَ بقوهَ وبدون چذب بادلتـه البوسـه واني مخليه اديه على القميص بقوه ساحبته باتجاهي مدري شنو هالجرئه الاجتنيِ ، وهوً يقرب بيهَ ويسحبني من خصريِ .. دقايق واختنكت دفعته واني اشوف انفاسـنه تصعد وتنزل بقوه مبالغه ، ثواني وميل راسيِ وخله خشـمه على ركبتي يستنشق المسك دقايق والهوًا الحار يضرب بركبتي فوراً عض ركبتي عضه قبل لا صايح سد حلكي خاف اعيط ... فوراً دفعتـهَ وگلت :
"ليش اصير مستهتر ؟
" ما مصدك لذلك عضيتج خاف احلم
" احس محد راح يصدك احنه رجعنه؟
" يا نااااس ياعاللممممم نيرمينن صارررت اليي اووو اقصد المحاميـه نيرمينننن
ضحكـت بقوهَ فوراً شالني من خصري ويدور بيه بالغرفه ...

النهايــــــهَ .

مختصر جداً هالبارت فقط لاسعادكم لا غيــرر ولا يوجد بارت اضافي غير هذا ، لا احد متوقع رجوعهـم بعد البارت الاخير ومن ضمنـهم اناا شخصياً خصوصاً بعد رسـائل نيرمين لـي واصرارهاا الغريب .. لكـن نگول : تزحزحت كل القوانين امام عينيـك ايهاا المخـادع 🔥
وشـكراً لكن ترقبوا روايه جديده ...
معلومات عن الروايه الجديده
نشـر غلاف الروايه يـوم 5/25
نشـر المقتطف 5/30
نشـر البارت الاول 6/1
_الكاتبه:حوَراء الأحمـدي
_تشوهُ داخلي ِ