نجمة فراتيه

المحطـة الرابعه

﷽

بقلمِي : فـاطـمـة الـدُرص

- Part 4

•••••••••••••••••
•••••••••••••

گعدت الفچر علىٰ صوت الأذان صليت علىٰ محمد واله محمد گمت توضيت وفرشت سجادتي

كملت صلاة ولميتها شوي واجاني اتصال من رحيم؛
.
.
-: الو رحيم

-: ها خويه شني خلصت أجيك؟

فرات-: اي تعال،متريگ انتَ؟

-: لا والله توني گعدت

-: خوش لعد راح اسوي ريوگ،لَا تتأخر

رحيم-: بعيني..
.
.
سديت الاتصال ورحت دگيت باب غرفة سمر..
شوي واجاني صوتها فتحت الباب

ذبلانه وتحت عيونها سواد وعيونها حمر دم..
تقربت منها وجريتها لحضني وبست راسها

-: ها بويه متصلين؟

أردفت بغصه؛
-: بلي صليت الحمدلله

فرات-: مقبوله حبيبتي،لتفكرين بهل موضوع هواي ان شاء الله اخذ حقچ لو علىٰ جثتي..
خو انتِ اخية فرات واليندگ بيچ جنازته بيدي..

"هزت راسها و وديتها لفراشها وغطيتها وطلعت ماريد اضايقها..

رحت للمطبخ طلعت بيضتين وطگيتهم بطاوه،استوت ورشيت فوگها زعتر..

دقايق واجتني رنة باب الحوش رحت فتحته وضيفت رحيم

رحنا للمطبخ بعدنا بَـ الباب واردف؛
-: اخ بويه گلبي ميتحمل شهل ريحه

ضحكت بخفه وجريت كرسي وگعدت،رحيم بعده واگف بَـ الباب يباوعلي مستحي،أردفت؛

-: شني تستحي تفضل بويه،ياهو چان يحچي علىٰ الريحة قبل شوي..
صارت مستحه بينا؟وسفه والله

رحيم-: اولشي انچب ثاني شي گول يا الله شني اكلتني بقشوري

-: دتعال أگعد سولفلي شصار مصار علىٰ سالفة الواجب

رحيم-: والله ماكو جديد نفسها ضياء وصاحبه راح يستقبلونه..
وراح يشاركونه الواجب حسين ومجتبى

عشقت وجهي مستغرب؛
-: منو صاحب ضياء؟شني هم ضابط؟

رحيم-: لا ولك وينه وين شغل الضباط..
هذا واحد عايش ببغداد صاحب ضياء ويشتغل موضف بمستشفى حكوميه

-: ماعرفت أسمه؟

رحيم-: مسألته بس سمعت ضياء يصيحله ابو الهوش

طگيتها بضحكه واردفت؛
-: خاف ولك بنص الواجب نحتاجه ومنعرف شسمه ونصيحله ابو الهوش ونتفشل

شاركني الضحك واردف؛
-: بسيطه نخلي ضياء يصيحه

فرات-: خوش يلا گوم راح نتأخر..
بس أوگف اودع الاهل واجيك انتظرني برا